Авторизация

Молебен о болящих


Молебен о здравии или молебен о болящих

«Спаси, Господи!». Спасибо, что посетили наш сайт, перед тем как начать изучать информацию, просим подписаться на наше православное сообщество в Инстаграм  Господи, Спаси и Сохрани † -  https://www.instagram.com/spasi.gospodi/ .  В сообществе больше 44 000 подписчиков.

Нас, единомышленников, много и мы быстро растем, выкладываем молитвы, высказывание святых, молитвенные просьбы, своевременно выкладывам полезную информацию о праздниках и православных событиях... Подписывайтесь. Ангела Хранителя Вам!

Что чаще всего мы желаем нашим близким и друзьям в поздравлении? Конечно же это здоровья. Все в жизни главное, но здоровье не купишь не за какие деньги. Также всего можно добиться, но только при наличии здоровья.

Многие из нас знают, что такой важный аспект нашей жизни может пошатнуться из-за стрессов, неприятностей, работы, учебы. При появлении первых же звоночков, которые говорят о нарушении работоспособности организма, многие обращаются к врачам и идут в церковь просить помощи у Господа.

Как правильно заказать молебен о здравии – Вы узнаете из этой статьи, ведь не всегда дорогостоящие препараты могут решить все наши проблемы, иногда должно состояться и некое чудо. Также бывает и такое, что мы находимся далеко от болеющего человека и в данном случае молитва – это именно та поддержка, которую мы можем оказать человеку, которому это так необходимо. Зачастую такие просьбы обращают к таким святым как:

  • Николай Чудотворец
  • Богородица
  • Матрона
  • Пантелеймон

Такие молитвы помогут: облегчить состояние заболевшего, вернуть силы, восстановить здоровье.

Полезная информация: молитва сорокоуст за здравие текст

Как заказать молебен о здравии в церкви?

Принято считать, что молитва о здравии несет в себе особую чудодейственную силу, особенно если еще и принимать активное участие в ней. Читать ее можно как в домашних условиях, так и в храме. Неважно также и то, кто произносит ее.

Вы можете делать это не только за себя, но и за болеющего. Основным требование есть только то, чтоб он был крещен в церкви.

Молебен может нести различный характер:

  • О путешествующих
  • О болящих
  • Быть благодарственным

Происходить может он как с использованием святой воды, так и без. На такой водосвятный молебен рекомендуют приносить крестики, иконки, чтобы освятить их. Часто после такого освящения эти лики святых и крестики приносят и дают людям, которые имеют проблемы со здоровьем. В состоянии их здоровья отмечались положительные изменения.

  • В основном записки с прошением здравия подают возле свечного ящика. Необходимо помнить о том, что такое понятие как «здравие» включает в себя не только физическое здоровье, но и духовное.
  • Необходимо помнить и то, что обращаться с такими просьбами можно не только за близких, но и за недругов. Именно таким образом мы просим Господа обратить внимание на таких людей и изменить их.
  • В храме Вам могут предложить заказать сорокоуст о здравии или просто читать молитву о здравии.
  • На листочке Вас попросят записать имена тех людей, о которых Вы просите. Если имен будет много, то напишите несколько листков.
  • Далее эти прошения передаются за алтарь перед службой священнику. Он читает их, читает последование молебна за болящих, тем самым прося милости у Господа для этих людей.

Полезная информация: Молитва о здравии матроне

Молебен Пресвятой Богородице о здравии

Обращаться с молитвой о здравии можно перед любой иконной и к любому святому, ведь когда мы искренне просим здравия для себя или иных людей, то неважно какой святой, но он обратит внимание на наше прошение. Верьте искренне и просите от чистой души и Ваши просьбы будут услышаны!

Обязательно к прочтению:  Молитвы которые помогают всем и всегда

Молитвы о здравии, которые обращены к Пресвятой Богородице могут быть прочитаны как в храме, так и дома. Лучше всего будет, если эти речи будут прочтены перед образом Богородицы. В данном случае не имеет никакого значения, что это будет за образ.

Хоть каждому определенному лику и приписывают какое-то определенное значение, и разную силу, он во время обращение к ней с молитвенной просьбой о здравии, это не имеет никакого значения. Самое основное – это то, с какими чувствами в душе Вы обращаетесь. Если это искренняя молитва, которая идет от чистого сердца. Не важно, что это будет за образ.

Хоть им традиционно и приписывают несколько разную силу, но при молитвенном обращении с просьбой о здравии ближнего это не имеет особого значения. Многими отмечалось то, что образ Богородицы принято считать одним из сильных. Считают, что она как мать пытается помочь всем страждущим. Главное, как вы будете молиться, что будете испытывать при этом и чувствовать в душе.

Текст молитвы Пречистой Деве о здравии:

О, Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе, умоли, милосердая Мати, Сына Твоего и Бога нашего, Господа Иисуса Христа, да сохранит мирну страну нашу, Церковь Свою Святую да незыблему соблюдет от неверия, ересей и раскола. Не имамы бо иныя помощи, не имамы иныя надежды, разве Тебе, Пречистая Дево: Ты еси всесильная христиан Помощница и Заступница. Избави всех с верою Тебе молящихся от падений греховных, от навета злых человек, от всяких искушений, скорбей, бед и от напрасныя смерти. Даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси благодарне воспевающе величия и милости Твоя, сподобимся Небеснаго Царствия и тамо со всеми святыми прославим пречестное и великолепое имя Отца и Сына и Святаго Духа во веки веков. Аминь.

Молебен о здравии, образец

О Господь мой, Создатель мой, прошу помощи Твоей, даруй исцеление рабу Божьему (имя), омой кровь его лучами Твоими. Только с помощью Твоей придет исцеление ему . Прикоснись к нему силою чудотворною, благослови все пути его ко спасению, выздоровлению, исцелению.»Подари телу его здравие, душе его — благословенную легкость, сердцу его — бальзам божественный. Боль отступит, и силы вернутся, и раны заживут его телесные и душевные, и придет помощь Твоя. Лучи Твои с Небес дойдут до него, дадут ему защиту, благословят на исцеление от недугов его, укрепят веру его. Да услышит молитву сию Господь. Слава и благодарность силе Господа. Аминь.

Чаще всего мы подаем листочки с просьбами о здравии. Это могут быть как обычные молитвы о здравии, так и сорокоусты. Наши прошения об укреплении здоровья всегда обращены во время каких-то проблем с нашим здоровьем или проблемами у наших близких.

Обязательно к прочтению:  Молитва Богородице Помощнице в родах

Часто бывает и так, что состояние болящего особенно тяжелое и требует не только вмешательства медикаментозного и врачебного, но и наших искренних молитв и веры. Необходимо помнить о том, что Господь Всемогущ, но бывает так, что не все наши прошения выполняются.

Не нужно держать зла и обиды. Необходимо подумать о том, что может такой исход был более комфортным для болевшего. Если Вы заказали сорокоуст в храме, а человек, которому он призначался, отошел в мир иной, то постарайтесь прийти в храм и попросите переписать сорокоуст об упокое. Хотя принято считать, что все перед Господом живые.

Самое главное в молитвах – это наша вера, искренность и желание помочь.

Смотрите еще и видео молебен о здравии:

Молебен о здравии

Молитва о здравии — лучшая поддержка для больного (болящего по-церковнославянски), а также лучшее лекарство в любой болезни. Ведь один из важнейших аспектов лечения — это спокойствие, душевный мир больного. Положитесь на волю Божию, обратившись ко Господу и Его святым в молитве.

Лекарственные средства, таблетки и процедуры могут не помогать в ряде хронических болезней, например, неврологических и онкологических. В такой беде поможет молитвенное обращение ко Господу.

Молебен о здравии заказывают, обращаясь к

    • Господу нашему Иисусу Христу,
    • святителю Николаю Чудотворцу,
    • Пресвятой Богородице,
    • святой Матроне Московской,
    • святому Пантелеймону — великомученику и целителю.

Молитва дома и молебен, совершенный в храме, помогут улучшить душевное состояние больного. Многие свидетельствуют о том, как после молитвы снимались острые состояния, возвращались силы, восстанавливалось здоровье.

Молебен в церкви заказывают в особо трудных случаях. Священник во время молебна молится о болящих от имени всей Церкви. Молебен можно заказать и о своем здоровье, и о здоровье болеющих близких и знакомых.

Кроме того, молебен о здравии может быть водосвятным, то есть в ходе богослужения будет освящена питьевая вода, находящаяся в чаше, которая будет стоять в центре храма. На водосвятный молебен традиционно приносят кресты и иконы для освящения, а также чистые пластиковые бутылки (не из-под алкоголя). Воду в бутылках забирают домой, чтобы с благоговением во здравие принимать и добавлять в пищу больному. Образа и крестики, освященные на водосвятном молебне, берут для нательного ношения и молитвы больные. Люди свидетельствуют, что такое зримое лекарство, как святая вода и нательные кресты и образа, создают положительную динамику в ходе болезней.

Молебен может быть и благодарственным: после выздоровления от тяжелой болезни стоит поблагодарить Бога.

Молитва о здравии. Как молиться о больном

Молитва о здравии

«В болезнях, прежде врачей и лекарств, пользуйся молитвой», – говорил преподобный Нил, подвижник Синайский. Многие люди, оказавшись лицом к лицу с болезнью, особенно с тяжёлой или смертельной, разворачиваются лицом к Небу. Они интуитивно чувствуют, куда им надо идти, у Кого искать помощи. Но так велик остаётся соблазн лёгкого, понятного пути, особенно когда нас к нему подталкивают. Увы, часто даже в храме.

Приходит человек растерянный, напуганный диагнозом, в ближайшую церковь, спрашивает: «Что делать?». И ему объясняют, что весьма богоугодно заказать сорокоуст о здравии, поминание на псалтирь в монастыре, молебен, подать записочку о поминовении на Литургии, особенно на проскомидии и т.д. И оказывается, что проблема жизни и смерти – твоей! – это всего лишь вопрос цены. Сделал «всё, что ПОЛОЖЕНО» человек и не задумался даже, кем положено, для чего?

Нет, конечно, всё это надо делать – и записочки подавать, и молебны заказывать. Великая, особая сила заключается в церковной молитве. Но надо помнить, что молитва эта усиливается тысячекратно, если Вы сами принимаете в ней участие

«Но кто же тут болезненно молится? – спрашивает святитель Феофан Затворник женщину, просящую о больной дочери, – Бог внимает молитве, когда молятся болящею о чём-либо душою. Если никто не воздохнёт от души, то молебны протрещат, а молитвы о болящей не будет. То же и проскомидия, то же и обедня. Только и есть тут ваша вера и надежда, знамением коих служат ваши заказы. Но сами вы бываете ли на молебнах? Если нет, то и ваша вера безмолвна… Вы заказали, но, дав деньги, чтоб другие молились, сами сбросили с плеч все заботы… Болящего о больной никого и нет. Служащим молебен и на ум не приходит поболеть пред Господом душою о тех, коих поминают на молебне… Да и где им на всех наболеться?! Другое дело, когда вы сами на молебне или в церкви на Литургии, когда поминается Н. на проскомидии… Тогда ваше болезнование берётся молитвою Церкви и быстрее возносится к Престолу Божию… и самую молитву Церкви делает болезнующею, хотя служащие и не болят… Так видите, в чём сила!.. Бывайте на молебнах сами, и болите душою о болящей…»

Молитва о здравии –  о чем молиться и как?

Только о чём молиться и как?

«Болезни есть крест, он прожигает грехи, которые мы и грехами не осознаём. А потому благодарим милосердие Божие, посланное нам в болезнях. И пройти через горнило их предстоит каждому христианину… ибо несть человека, который жил бы и не согрешил… Молюсь не о том, чтобы болезни ушли, но чтобы ты их правильно оценил и воспринял», – писал одному из своих просителей старенький, больной архимандрит Иоанн (Крестьянкин). Святые отцы учат, что главнейшее средство для исправления духовных причин недугов – молитва и покаяние. Но сила и ценность святости для нас состоит не в том, что подвижники благочестия выдают инструкции: «Прочти эти слова, и они, как заклинание, исполнят твоё желание». Святые подают нам ПРИМЕР – сокрушения о грехах, молитвы, подвига самой жизни. Они были такими же, как и мы, так же болели, так же страдали, так же искали Бога… Так, да не так – чистым сердцем. Именно поэтому мы и читаем молитвы угодников Божьих как свои – они точнее, чем мы сами способны выразить наши чувства, а главное, – их направить.

Таковы и Псалмы святого царя-псалмопевца Давида. Если бы мы могли от сердца молиться так:

Фото: Телекомпания «Глас»

Молитва о здравии. Псалом 37

1Псалом Давида, в воспоминание о субботе.

2Господи, не обличи меня в ярости Твоей и не накажи меня гневом Твоим. 3Ибо стрелы Твои вонзились в меня, и Ты утвердил на мне руку Твою. 4Нет исцеления для плоти моей от гнева Твоего, нет мира костям моим от грехов моих, 5ибо беззакония мои превысили голову мою, как бремя тяжкое отяготели на мне. 6Смердят и гноятся раны мои от безумия моего: 7пострадал я и был согбен до конца, весь день, сетуя, ходил. 8Ибо исполнились глумлений чресла мои, и нет исцеления для плоти моей. 9Я был сокрушен и унижен безмерно, кричал от стенания сердца моего. 10Господи, пред Тобою – всё желание моё, и стенание моё от Тебя не сокрыто. 11Сердце моё смутилось, оставила меня сила моя, и свет очей моих – и того нет со мною. 12Друзья мои и соседи мои приблизились и стали напротив меня, 13и ближние мои встали вдали, и теснились ищущие душу мою, и ищущие мне зла говорили пустое и козни весь день измышляли. 14Я же как глухой не слышал, и как немой, не отверзающий уст своих; 15и стал как человек не слышащий и не имеющий в устах своих обличения. 16Ибо я на Тебя, Господи, уповал: Ты услышишь, Господи, Боже мой. 17Ибо я сказал: «Пусть не злорадствуют обо мне враги мои!», ибо когда колебались ноги мои, они надо мной величались. 18Ибо я к ударам готов, и страдание моё всегда предо мною. 19Ибо беззаконие моё я возвещу и позабочусь о грехе моём. 20Враги же мои живут, и укрепились более меня, и умножились ненавидящие меня неправедно. 21Воздающие мне злом за добро клеветали на меня, ибо я ко благу стремился. 22Не оставь меня, Господи, Боже мой, не отступи от меня, 22обратись на помощь мне, Господи спасения моего!

Читайте также – Утренние молитвы

Однако далеко не всегда болезни являются наказанием за грехи. Иеромонах Дмитрий (Першин) пишет: «Страдание может иметь свою цель, и даже более высокую, чем участь страдальца. Бог попускает сатане поразить тело Иова проказой для того, чтобы отучить ветхозаветный Израиль от привычки объяснять скорби кого-либо его же грехами и, кроме того, приоткрыть тайну и меру Своей любви, которая будет явлена на Голгофе. Страдания, которые обрушились на Иова, перевернули его душу. Утратив детей, имущество и здоровье, этот ветхозаветный страстотерпец вдруг как-то иначе начал постигать Самого Бога: «Я слышал о Тебе слухом уха; теперь же мои глаза видят Тебя», – говорит потрясённый Иов Творцу» (Иов 42:5)».

Святые отцы указывали несколько духовных причин болезни человека. «Неужели, скажешь, все болезни от грехов? Не все, но большая часть. Некоторые бывают и от беспечности… Случаются болезни и для нашего испытания в добре», – учил святитель Иоанн Златоуст. Он же, вспоминая историю праведного Иова, объясняет: «Бог часто попускает тебе впасть в болезни не потому, что Он оставил тебя, но чтобы более тебя прославить. Итак, будь терпелив». «Посылает Бог иное в наказание, как епитимью, иное в образумление, чтоб опомнился человек; иное, чтоб избавить от беды, в которую попал бы человек, если бы был здоров; иное, чтобы терпение показал человек и тем большую заслужил награду; иное, чтобы очистить от какой страсти, и для многих других причин», – говорил святитель Феофан Затворник. А ещё мы учимся у святых доверию к Богу, пославшему нам болезнь, терпению в несении страданий, правильному отношению к врачам, у которых ищем помощи. В молитве иконе «Всецарица», к которой часто прибегают онкобольные, есть слова: «Ум и руки врачующих нас благослови, да послужат орудием Всемощнаго Врача Христа Спаса нашего!» И священномученик Арсений (Жадановский) наставлял: «Болящий, имей такое расположение сердца: всё в руках Божиих – и смерть моя, и жизнь. Но ты, Господи, всё дал на службу человеку: Ты даровал нам и врачебную науку и докторов. Благослови же, Господи, обратиться к такому-то доктору и умудри его помочь мне! Твёрдо верю, что если Ты, Господи, не благословишь, то никакой доктор мне не поможет».

Святые отцы призывают во время болезни проявлять терпение не только отсутствием ропота, но прежде всего – благодарением: «С одра болезни приносите благодарение Богу… Благодарением притупляется лютость болезни! Благодарением приносится болящему духовное утешение!» – призывал Игнатий (Брянчанинов). Давайте же учиться сердечно молить Бога о здоровье духовном и телесном, причём не только своём и близких, а всех, кто нуждается в нашей помощи.

Молитва в болезни

Господи Боже, Владыко жизни моей, Ты по благости Твоей сказал: не хочу смерти грешника, но чтоб он обратился и жив был. Я знаю, что эта болезнь, которою я страдаю, есть наказание Твое за мои грехи и беззакония; знаю, что по делам моим я заслужил тягчайшее наказание, но, Человеколюбче, поступай со мною не по злобе моей, а по беспредельному милосердию Твоему. Не пожелай смерти моей, но дай мне силы, чтобы я терпеливо сносил болезнь, как заслуженное мною испытание, и по исцелении от нее обратился всем сердцем, всею душою и всеми моими чувствами к Тебе, Господу Богу, Создателю моему, и жив был для исполнения святых Твоих заповедей, для спокойствия моих родных и для моего благополучия. Аминь.

Молитва болящей

Господи, видишь Ты мою болезнь. Ты знаешь, как я грешна и немощна; помоги мне терпеть и благодарить Твою Благость. Господи, сотвори, чтобы болезнь эта была в очищение многих моих грехов. Владыко Господи, я в руках Твоих, помилуй меня по воле Твоей и, если мне полезно, исцели меня вскоре. Достойное по делам моим приемлю; помяни мя, Господи, во Царствии Твоем! Слава Богу за все!

Молитва благодарственная, святого Иоанна Кронштадского, читаемая после исцеления от болезни

Слава Тебе, Господи, Иисусе Христе, Сыне Единородный Безначальнаго Отца, едине изцеляяй всяк недуг и всяку язю в людех, яко помиловал мя еси грешнаго и избавил еси мя от болезни моей, не попустив ей развиться и умертвить меня по грехам моим. Даруй мне отныне, Владыко, силу твердо творить волю Твою во спасение души моея окаянныя и во славу Твою со Безначальным Твоим Отцем и Единосущным Твоим Духом, ныне и присно и во веки веков. Аминь.

Молитва во время эпидемии

Господи Боже наш! Услышь с высоты святаго Твоего Престола нас, грешных и недостойных рабов Твоих, благость Твою грехами своими прогневавших и милосердие Твое удаливших, и не взыскивай с рабов Твоих, но отврати страшный гнев Твой, справедливо нас постигший, прекрати пагубное наказание, удали страшный меч Твой, невидимо и безвременно нас поражающий, и пощади несчастных и слабых рабов Твоих, и не обрекай на смерть души наши, в покаянии прибегающие с истомленным сердцем и со слезами к Тебе, Богу Милосердому, мольбам нашим внимающему и перемену подающему. Ибо Тебе (одному только) принадлежит милость и спасение, Боже наш, и Тебе славословие приносим, Отцу и Сыну и Святому Духу, ныне и присно и во веки веков. Аминь.

Молитва на всякую немощь

Владыко Вседержителю, Врачу душ и телес, смиряяй и возносяй, наказуяй и паки исцеляяй, брата нашего (имя) немощствующа посети милостию Твоею, простри мышцу Твою, исполнену исцеления и врачбы, и исцели его, возставляй от одра и немощи, запрети духу немощи, остави от него всяку язву, всяку болезнь, всяку рану, всяку огневицу и трясавицу. И аще есть в нем согрешение или беззаконие, ослаби, остави, прости, Твоего ради человеколюбия.

Молитва за немощного и неспящего

Боже Великий, Хвальный и Непостижимый, и Неисповедимый, создавый человека рукою Твоею, персть взем от земли и образом Твоим почтивый его, явися на рабе Твоем (имя) и даждь ему сон успокоения, сон телесный, здравия и спасения живота, и крепость душевную и телесную. Сам убо, Человеколюбче Царю, предстани и ныне наитием Святаго Твоего Духа, и посети раба Твоего (имя) , даруй ему здравие, крепость и благомощие Твоею благостию: яко от Тебе есть всяко даяние благо и всяк дар совершен. Ты бо еси Врач душ наших, и Тебе славу, и благодарение, и поклонение возсылаем со Безначальным Твоим Отцем и с Пресвятым и Благим и Животворящим Твоим Духом, ныне и присно и во веки веков. Аминь. О том же молятся святым семи отрокам и Ангелу Хранителю болящего.

Читайте также – Вечерние молитвы

Господи, Иисусе Христе, Сыне Бога Живаго, Агнче Божий, вземляй грехи мира, Пастырю добрый, положивый душу Твою за овцы Твоя, Небесный Врачу душ и телес наших, исцеляяй всякий недуг и всякую язву в людех Твоих! Тебе припадаю, помози мне, недостойной рабе Твоей. Призри, Многомилостиве, на делание и служение мое, даждь ми быти верною в мале; послужити болящим, Тебе ради, носити немощи немощных, и не себе, но Тебе Единому угождати во вся дни живота моего. Ты бо рекл еси, о, Сладчайший Иисусе: “Понеже сотвористе единому от сих братий Моих меньших, Мне сотвористе”. Ей, Господи, суди мне, грешной, по сему глаголу Твоему, яко да сподоблюся творити благую Твою волю во отраду и утешение искушаемых, недугующих раб Твоих, ихже искупил еси честною Твоею Кровию. Ниспосли ми благодать Твою, попаляющую во мне страстей терние, призвавый мя, грешную, на дело служения о Имени Твоем; без Тебе не можем творити ничесоже: посети убо нощию и искуси сердце мое, внегда предстояти ми у возглавия болящих и низверженных; уязви душу мою Твоею любовию, вся терпящею и николиже отпадающею. Тогда возмогу, Тобою укрепляема, подвигом добрым подвизатися и веру соблюсти, даже до последнего моего издыхания. Ты бо еси Источник исцелений душевных же и телесных, Христе Боже наш, и Тебе, яко Спасителю человеков и Жениху душ, грядущему в полунощи, славу и благодарение и поклонение возсылаем, ныне и присно и во веки веков. Аминь.

Марина ГОРИНОВА, православная газета “Логос”

Вы прочитали материал Молитва о здравии. Как молиться о больном. Читайте также:

  • Значение болезней
  • Болезнь как лекарство, болезнь как школа

Молитва о здравии. Видео

Молитвы при разных болезнях

Оглавление

  • О терпении болезней и несчастий
    • Праведному Иову Многострадальному
  • Грудные болезни
    • Святому Димитрию, митрополиту Ростовскому
  • Зубная боль
    • Священномученику Антипе, епископу Пергамскому
  • Болезни сердца
    • Святителю Иоасафу, епископу Белгородскому
  • Немота
    • Преподобному Иоанну Рыльскому
  • Болезни ног
    • Святому праведному Симеону Верхотурскому
  • Горячка, лихорадка, жар
    • Первоверховному апостолу Петру
  • Женские немощи
    • Священномученику Ипатию, епископу Гангрскому
  • Проказа
    • Преподобному Антонию Великому
  • Паралич
    • Преподобному Иакову, игумену Железноборовскому
  • Болезни крови
    • Мученику Иоанну воину, чудотворцу
  • Нарывы
    • Святым чудотворцам и бессребреникам, мученикам Киру и Иоанну
  • Кожные болезни и язвы
    • Праведному Артемию Веркольскому, чудотворцу
  • Водянка
    • Преподобному Ипатию, игумену Руфианскому
  • Молитвы об исцелении болящего

О терпении болезней и несчастий

^ Праведному Иову Многострадальному

Тропарь, глас 2-й:1

Па́мять пра́ведного Твоего́ И́ова, Го́споди, пра́зднующе,/ тем Тя мо́лим:/ изба́ви нас от наве́тов и сете́й лука́вого диа́вола// и спаси́ ду́ши на́ша, я́ко Человеколю́бец.

Перевод: Память праведного Твоего Иова, Господи, празднуя, потому Тебя молим: избавь нас от клеветы и сетей лукавого диавола и спаси души наши, как Человеколюбец.

Кондак, глас 8-й:1

Я́ко и́стинен и пра́веден, Богочести́в и непоро́чен,/ освяще́н же я́влься всесла́вне, Бо́жий уго́дниче и́стинный,/ просвети́л еси́ мир в терпе́нии твое́м, терпели́вейший и до́блейший.// Те́мже вси, Богому́дре, па́мять твою́ воспева́ем.

Как верный и праведный, Богочестивый и непорочный, ты явился освященным, прославляемый всеми истинный угодник Божий, просветил ты мир терпением своим, терпеливейший и доблестный. Потому мы все, Богомудрый, воспеваем твою память.

Стихира, глас 6-й:1

Дал еси́ нам о́браз терпе́ния и му́жества,/ Преблаги́й Го́споди,/ уго́дника Твоего́ И́ова,/ во всех приклю́чшихея ему́ злострада́ниих/ ничи́мже согреши́вша пред Тобо́ю, ниже́ устна́ма свои́ма,/ и не да́вша безу́мия Тебе́, Бо́гу на́шему./ Того́ моли́твами и нас сотвори́/ победи́тели многоразли́чных искуше́ний/ и спаси́ ду́ши на́ша, я́ко Человеколю́бец.

Молитва:

Бо́же святы́й и во святы́х почива́яй, трисвяты́м гла́сом на небеси́ от а́нгел воспева́емый, на земли́ от челове́к во святы́х Свои́х хвали́мый, да́вый Святы́м Твои́м Ду́хом коему́ждо благода́ть по ме́ре дарова́ния Христо́ва, и то́ю поста́вивый Це́ркви Твое́й Святе́й о́вы апо́столы, о́вы проро́ки, о́вы же благове́стники, о́вы па́стыри и учи́тели, и́хже сло́вом про́поведи, Тебе́ Самому́ де́йствующему вся́ во все́х, мно́зи соверши́шася святи́и в ко́емждо ро́де и ро́де, разли́чными благоде́тельми благоугоди́вшии Тебе́, и к Тебе́, на́м о́браз до́брых по́двигов свои́х оста́вивше, в ра́дости преше́дший, гото́ви, в не́мже са́ми искуше́ни бы́ша, и на́м напа́ствуемым помога́ти. Си́х святы́х все́х и свята́го пра́ведного И́ова воспомина́я и и́х богоуго́дное похваля́я житие́, Тебе́ Сама́го, в ни́х де́йствовавшаго, восхваля́ю, и о́нех благотворе́ния Твоя́ дарова́ния бы́ти ве́руя, приле́жно молю́ Тя́, Свя́те святы́х, да́ждь ми́ гре́шному после́довати и́х уче́нию, житию́, любви́, ве́ре, долготерпе́нию, и и́х моли́твенною по́мощию, па́че же Твое́ю вседе́йствующею благода́тию, небе́сныя с ни́ми сподо́битися сла́вы, хва́ляще Пресвято́е и́мя Твое́, Отца́ и Сы́на и Свята́го Ду́ха во ве́ки. Ами́нь.

От разных недугов и болезней

^ Священномученику Ермолаю, наставнику Пантелеимона, иерею Никомидийскому

Тропарь, глас 1-й:2

Ми́ром благода́ти пома́зан,/ преблаже́нне о́тче Ермола́е,/ иере́й Бо́га Вы́шняго яви́лся еси́/ и благоче́стия све́тлый пропове́дник,/ му́ченик же тве́рдый и безме́здный врач притека́ющих к тебе́./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.

Миром благодати помазанный, преблаженный отче Ермолай, священником Бога Всевышнего ты стал и светлым проповедником благочестия, твердым мучеником и безвозмездным врачом для обращающихся к тебе. Слава Давшему тебе силу, слава Венчавшему тебя, слава Подающему через тебя всем исцеления.

Кондак, глас 4-й:2

Я́ко святи́тель благоче́стно пожи́в/ и священномуче́ния вене́ц прия́л еси́./ И́дольския же́ртвы погаси́в,/ до́брый па́стырь Христо́ва ста́да был еси́, прему́дре,/ и Пантелеи́мону и́стинный учи́тель./ Сего́ ра́ди почита́ем тя пе́сньми, вопию́ще:// от бед изба́ви нас при́сно моли́твами твои́ми, Ермола́е, о́тче наш.

В сане святительском благоговейно послужив, ты получил венец священномученичества. Идольские жертвы упразднив, ты был добрым пастырем стада Христова, премудрый, и истинным учителем Пантелеимона. Потому почитаем тебя молитвенными песнопениями, взывая: «Всегда избавляй нас от бед молитвами твоими, Ермолай, отче наш».

Стихира, глас 6-й:2

Весели́ся, гра́де Никомиди́е,/ ра́дуйся, собо́ре ве́рных,/ све́тло торжеству́юще в па́мяти Ермола́я священному́ченика,/ скорбя́щих сострада́тельнаго уте́шителя,/ оби́димых те́плаго засту́пника,/ боля́щих безме́зднаго врача́,/ моля́щагося о спасе́нии душ на́ших.

Молитва:

О, пресла́вный священному́чениче Ермола́е и сќорый помо́щниче христиа́ном в боле́знех! Ве́рую от всея́ души́ и помышле́ния, я́ко да́деся тебе́ от Го́спода дар боля́щия врачева́ти и рассла́бленныя укрепля́ти. Сего́ ра́ди к тебе́, я́ко благода́тному врачу́ боле́зней, а́з немощны́й прибега́ю и, тво́й досточти́мый о́браз с благогове́нием лобыза́я, молю́ся: твои́м предста́тельством у Царя́ Небе́снаго испроси́ мне́ боля́щему исцеле́ние от удруча́ющия мя́ боле́зни, а́ще бо и недосто́ин е́смь тебе́, бла́гостнейшаго отца́ и при́снаго засту́пника моего́, но ты́, бы́в подража́тель человеколю́бия Бо́жия, сотвори́ мя́ досто́йна твоего́ заступле́ния чрез мое́ обраще́ние от злы́х де́л к благо́му житию́, уврачу́й оби́льно дарова́нною тебе́ благода́тию я́звы и стру́пы души́ и те́ла моего́, да́руй ми́ здра́вие и спасе́ние и во все́м благо́е поспеше́ние, да та́ко, ти́хое и безмо́лвное житие́ пожи́в во вся́ком благоче́стии и чистоте́, сподо́блюся со все́ми святы́ми сла́вити Всесвято́е и́мя Отца́ и Сы́на и Свята́го Ду́ха. Ами́нь.

^ Преподобному Сампсону странноприимцу

Тропарь, глас 8-й:3

В терпе́нии твое́м стяжа́л еси́ мзду твою́, о́тче преподо́бне,/ в моли́твах непреста́нно терпе́вый,/ ни́щия возлюби́вый и сия́ удовли́вый,/ но моли́ся Христу́ Бо́гу, Сампсо́не ми́лостиве блаже́нне,// спасти́ся душа́м на́шим.

В терпении твоем обрел ты награду свою, отче преподобный, в молитвах постоянно пребывавший, нищих возлюбивший и им помогавший, молись Христу Богу, Сампсон милостивый блаженный о спасении душ наших.

Кондак, глас 8-й:3

Я́ко врача́ всеизря́дна и моли́твенника благоприя́тна,/ к ра́це твое́й Боже́ственней притека́юще, Сампсо́не Богому́дре преподо́бне,/ соше́дшеся любо́вию, псалмы́ и пе́сньми ра́дующеся, Христа́ прославля́ем,// такову́ю тебе́ благода́ть подава́юща исцеле́ний.

Молитва:3

О, те́плый моли́твинниче, бла́гостный о́тче, преподо́бне Сампсо́не! Моли́ Бо́га о мне, гре́шнем, и низпосли́ от Всеблага́го Влады́ки по́мощь ми и избавле́ние, привре́менна бо есть жизнь моя́ и испо́лнена труда́, скорбе́й и боле́зней. Укрепи́ се́рдце мое́, да возмогу́ понести́ тяготу́ мою́, и не попусти́, да превозмо́гут искуше́ния мно́гая моя́ ма́лыя си́лы, но споспеше́ствуй мне заступле́нием твои́м и посреде́ обстоя́ний и бед упра́ви путь мой в Ца́рство Небе́сное, да сла́влю просла́вльшагося в тебе́ Го́спода во ве́ки. Ами́нь.

^ Молитва Архистратигу Михаилу

Тропарь, глас 4-й:4

Небе́сных во́инств Архистрати́же,/ мо́лим тя при́сно мы недосто́йнии,/ да твои́ми моли́твами огради́ши нас/ кро́вом крил невеще́ственныя твоея́ сла́вы,/ сохраня́я нас, припа́дающих приле́жно и вопию́щих:/ от бед изба́ви нас,// я́ко чинонача́льник вы́шних Сил.

Небесных воинств Архистратиг, непрестанно молим тебя мы, недостойные, чтобы ты оградил нас твоими молитвами под кровом крыл невещественной твоей славы сохраняя нас, припадающих усердно и взывающих: «От бед избавь нас, как начальник Вышних Сил!»

Кондак, глас 2-й:5

Архистрати́зи Бо́жии,/ служи́телие Боже́ственныя сла́вы,/ А́нгелов нача́льницы, и челове́ков наста́вницы,/ поле́зное нам проси́те, и ве́лию ми́лость,// я́ко Безпло́тных Архистрати́зи.

Архистратиги Божии, служители Божественной славы, Ангелов начальники и людей наставники, полезное нам испросите и великую милость, как бесплотных Архистратиги.

^ Молитва Архангелу Рафаилу

О, святы́й вели́кий Арха́нгеле Рафаи́ле, престо́лу Бо́жию предстоя́й! Ты благода́тию, от всемогу́щаго Врача́ душ и теле́с на́ших тебе́ да́нною, пра́веднаго му́жа Тови́та от слепоты́ теле́сныя исцели́л еси́, и сы́на его́ Тови́ю, спутеше́ствуя ему́, от зла́го ду́ха сохрани́л еси́. Всеусе́рдно молю́ тя, бу́ди мне путеводи́тель в жи́зни мое́й, сохрани́ от всех ви́димых и неви́димых враг, исцели́ душе́вныя и теле́сныя боле́зни моя́, упра́ви жизнь мою́ к покая́нию во гресе́х и ко творе́нию до́брых дел. О, святы́й вели́кий Рафаи́ле Арха́нгеле! Услы́ши мене́ гре́шнаго моля́щагося тебе́ и сподо́би в зде́шней и бу́дущей жи́зни благодари́ти и сла́вити о́бщаго Созда́теля на́шего в безконе́чныя ве́ки веко́в. Ами́нь.

^ Мученику Трифону

Тропарь, глас 8-й:6

Му́ченик Твой, Го́споди, Три́фон,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я дерзости./ Того́ моли́твами// спаси́ ду́ши на́ша.

Мученик Твой, Господи, Трифон подвигом своим венец нетленный получил от Тебя, Бога нашего; ибо он, имея силу Твою, мучителей низложил, сокрушил и демонов немощные дерзости. По молитвам его, Христе Боже, спаси души наши.

Кондак, глас 8-й:6

Тро́ическою тве́рдостию/ многобо́жие разруши́л еси́ от коне́ц, всесла́вне,/ че́стен во Христе́ быв, и, победи́в мучи́тели во Христе́ Спаси́теле,/ вене́ц прия́л еси́ му́ченичества твоего́/ и дарова́ния Боже́ственных исцеле́ний,// я́ко непобеди́мь.

Силою Троицы разрушил ты многобожие в пределах земных, преславный, досточтимым пред Господом став; и, победив мучителей Христом Спасителем, получил венец мученичества твоего и дарования Божественных исцелений, как непобедимый.

Молитва:

О, святы́й му́чениче Христо́в Три́фоне, ско́рый помо́щниче и всем к тебе́ прибега́ющим и моля́щимся пред святы́м твои́м о́бразом скоропослу́шный предста́телю! Услы́ши ны́не и на вся́кий час моле́ние нас, недосто́йных рабо́в твои́х, почита́ющих святу́ю па́мять твою́ во всечестне́м хра́ме сем, и предста́тельствуй о нас пред Го́сподем на вся́ком ме́сте. Ты бо, уго́дниче Христо́в, в вели́ких чудесе́х возсия́вый, источа́яй цельбы́ притека́ющим к тебе́ с ве́рою и су́щия в ско́рбех челове́ки заступа́яй, сам обеща́лся еси́ пре́жде исхо́да твоего́ от жития́ сего́ тле́ннаго моли́тися за ны ко Го́споду и испроси́л еси́ у Него́ дар сей: а́ще кто в како́й-ли́бо ну́жде, печа́ли и боле́зни душе́вней или́ теле́сней призыва́ти на́чнет свято́е и́мя твое́, той да изба́влен бу́дет от вся́каго прило́га зла́го. И я́коже ты иногда́ дщерь царе́ву, в Ри́ме гра́де от диа́вола му́чиму, исцели́л еси́, си́це и нас от лю́тых его́ ко́зней сохрани́ во вся дни живота́ на́шего, наипа́че же в день после́дняго на́шего издыха́ния предста́тельствуй о нас. Бу́ди нам тогда помо́щник и ско́рый прогони́тель лука́вых духо́в, и к Ца́рствию Небе́сному предводи́тель. И иде́же ты ны́не предстои́ши с ли́ки святы́х у Престо́ла Бо́жия, моли́ Го́спода, да сподо́бит и нас прича́стники бы́ти присносу́щнаго весе́лия и ра́дости, да с тобо́ю ку́пно прославля́ем Отца́ и Сы́на и Свята́го Уте́шителя Ду́ха во ве́ки. Ами́нь.

^ Преподобному Иову Почаевскому

Тропарь, глас 4-й:

Возло́жь на ся и́го Христо́во от ю́ности,/ преподо́бне о́тче И́ове,/ многоле́тне свя́то подвиза́лся еси́/ на по́прище благоче́стия во оби́тели Уго́рницстей и на о́строве Ду́бенстем,/ и, прише́д к горе́ Поча́евстей,/ зна́менанней цельбоно́сною стопо́ю Пресвяты́я Богоро́дицы,/ в те́сней пеще́ре ка́менней/ богомы́слия ра́ди и моли́твы многокра́тно заключа́лся еси́,/ и, благода́тию Бо́жиею укрепля́яся,/ му́жественно потруди́лся еси́/ на по́льзу Це́ркве Христо́вы и оби́тели твоея́,/ ку́пно же и проти́ву враго́в Правосла́вия и благоче́стия христиа́нскаго,/ и, наста́вив сицево́му ополче́нию и́ночествующих,/ победи́тели тех предста́вил еси́ Влады́це и Бо́гу.// Того́ моли́ спасти́ся душа́м на́шим.

Возложив на себя иго Христово с юности (Мф.11:29-30), преподобный отче Иов, многие годы ты свято подвизался на поприще благочестия в Угорницкой обители и на острове Дубенском и, прийдя к горе Почаевской, ознаменовавшейся исцеляющей стопой Пресвятой Богородицы, в тесной пещере каменной, ради богомыслия и молитвы ты многократно закрывался и, благодатью Божией укрепляясь, мужественно потрудился ты на пользу Церкви Христовой и обители твоей, а также против врагов Православия и благочестия христианского и, обучая тому же ряды монашествующих, ты привел их как победителей Владыке и Богу. Его моли о спасении наших душ.

Кондак, глас 8-й:

Возсия́ от спу́да земна́го сокро́вище нетле́нное моще́й твои́х,/ уго́дниче Бо́жий,/ я́ко, благоче́стно пожи́в в ве́ре Христа́ Бо́га на́шего,/ дости́гл еси́ доброде́телей соверше́нства,/ и, оста́вль сла́дость жития́ преходя́щаго,/ в пеще́ре горы́ Поча́евския в поще́ниих, моли́твах и труде́х свя́то подвиза́лся еси́,/ и те́ми те́ло твое́ увяди́л еси́./ Ны́не же, преше́д к Бо́гу в безмяте́жный и ве́чный поко́й,/ мо́лишися о всех с ве́рою к тебе́ прибега́ющих./ Ра́дуйся, И́ове, пресла́вный уго́дниче Бо́жий// и оби́тели Поча́евския украше́ние.

Воссияло скрытое под землей нетленное сокровище твоих мощей, угодник Божий, так как ты благочестиво жил с верой во Христа Бога нашего, достиг совершенства добродетелей и, оставив наслаждения временной жизни, в пещере Почаевской горы в посте, молитвах и трудах свято подвизался и этим тело твое иссушил. Сейчас же, перейдя к Богу в безмятежный и вечный покой, ты молишься обо всех с верой к тебе приходящих. Радуйся, Иов, прославляемый угодник Божий и украшение Почаевской обители.

Молитва:

О, всесвяты́й и пресла́вный уго́дниче Бо́жий, преподо́бне о́тче наш И́ове, при́сный о нас ко Го́споду моли́твенниче и те́плый предста́телю о душа́х на́ших, к тебе́ всеумиле́нно ны́не притека́ем и, помина́юще по́двиги и чудеса́ твоя́, я́же сотвори́л еси́ и твори́ши на земли́, про́сим и мо́лим твою́ благосты́ню: я́коже тве́рдо и неизме́нно потруди́лся еси́ в ве́ре Христа́ Бо́га на́шего, и, сию́ до конца́ в себе́ и во всех при́сных твои́х це́лу и невреди́му сохрани́вый от вся́ких прираже́ний вра́жиих и ересе́й тлетво́рных, си́це и нас в Правосла́вии и единомы́слии укрепи́, отгоня́я моли́твами твои́ми вся́кую тьму неве́рия и неправомы́слия от серде́ц и помышле́ний на́ших; послужи́вый Го́споду и Бо́гу твоему́ де́лы благи́ми и неизрече́нным самоотверже́нием в труде́х, бде́ниих и поще́ниих, наста́ви нас на путь вся́кия доброде́тели и благосты́ни, избавля́я от искуше́ний и грехо́в, удаля́ющих нас от Бо́га и поверга́ющих в бе́здну зла все житие́ на́ше; яви́выйся иногда́ с Пречи́стою Де́вою Богоро́дицею верху́ горы́ Поча́евския во спасе́ние оби́тели твоея́ от наше́ствия и обложе́ния ага́рянскаго, и ны́не ускори́ на по́мощь стране́ на́шей проти́ву всех враго́в на́ших, вне́шних и вну́тренних, утвержда́я мир и тишину́ в земли́ на́шей, да безмо́лвное житие́ поживе́м во вся́ком благоче́стии и чистоте́; и всем к тебе́ притека́ющим и припа́дающим к ра́це честны́х и многоцеле́бных моще́й твои́х и твоея́ по́мощи и заступле́ния тре́бующим неоску́дныя ми́лости незави́стно подава́яй, не оста́ви и нас, си́рых и безпо́мощных, тебе́ моля́щихся, избавля́я от вся́кия ско́рби, гне́ва и ну́жды, от гла́да, губи́тельства, тру́са, пото́па, огня́, меча́, наше́ствия иноплеме́нник и междоусо́бныя бра́ни. Ей, уго́дниче Бо́жий, при́зри ми́лостивно от Престо́ла Царя́ Сла́вы, Ему́же ты ны́не предстои́ши со Арха́нгелы и А́нгелы и со все́ми святы́ми, на оби́тель твою́ Поча́евскую, е́юже ты дре́вле му́дро пра́вил еси́, назда́в ю́ всехва́льным и ди́вным житие́м твои́м, и сохрани́ ю́ моли́твами твои́ми и вся́кий град, и страну́ и всех отовсю́ду, на мо́ре и на су́ши, в пусты́нях и в заключе́ниих многоразли́чных тебе́ призыва́ющих, от всех зол, ви́димых и неви́димых, да, та́ко твое́ю по́мощию и хода́тайством спаса́еми, в ве́це сем и по сконча́нии живота́ на́шего сподо́бимся ку́пно с тобо́ю сла́вити и воспева́ти всечестно́е и́мя Отца́, и Сы́на, и Свята́го Ду́ха во ве́ки веко́в. Ами́нь.

^ Святому и праведному Иоанну Кронштадтскому

Тропарь, глас 1-й:7

Правосла́вныя ве́ры побо́рниче,/ земли́ Росси́йския печа́льниче,/ па́стырем пра́вило и о́бразе ве́рным,/ покая́ния и жи́зни во Христе́ пропове́дниче,/ Боже́ственных Та́ин благогове́йный служи́телю/ и дерзнове́нный о лю́дех моли́твенниче,/ о́тче пра́ведный Иоа́нне,/ цели́телю и преди́вный чудотво́рче,/ гра́ду Кроншта́дту похвало́/ и Це́ркви на́шея украше́ние,/ моли́ всеблага́го Бо́га// умири́ти мир и спасти́ ду́ши на́ша.

Православной веры поборник, земли Российской попечитель, пастырям правило и пример верующим, покаяния и жизни во Христе проповедник, Божественных Тайн благоговейный служитель и дерзновенный молитвенник о людях, отче праведный Иоанн, целитель и удивительный чудотворец, городу Кронштадту слава и Церкви нашей украшение, моли всеблагого Бога мир умиротворить и спасти души наши.

Кондак, глас 3-й:7

Днесь па́стырь Кроншта́дтский/ предстои́т Престо́лу Бо́жию/ и усе́рдно мо́лит о ве́рных/ Христа́ Пастыренача́льника,/ обетова́ние да́вшаго:/ сози́жду Це́рковь Мою́/ и врата́ а́дова// не одоле́ют ей.

Сегодня пастырь Кронштадский предстоит Престолу Божию и усердно молит о верующих во Христа Пастыреначальника, давшего обещание: «Создам Церковь Мою и врата ада не одолеют ее» (Мф.16:18).

Молитва:

О, вели́кий уго́дниче Христо́в, святы́й пра́ведный о́тче Иоа́нне Кроншта́дтский, па́стырю ди́вный, ско́рый помо́щниче и ми́лостивый предста́телю! Вознося́ славосло́вие Триеди́ному Бо́гу, ты моли́твенно взыва́л: Имя Тебе́ — Любо́вь: не отве́ргни меня́, заблужда́ющагося. Имя Тебе́ — Си́ла: укрепи́ меня́, изнемога́ющего и па́дающаго. Имя Тебе́ — Свет: просвяти́ ду́шу мою́, омраче́нную жите́йскими страстя́ми. Имя Тебе́ — Мир: умири́ мяту́щуюся ду́шу мою́. Ны́не благода́рная твоему́ предста́тельству всеросси́йская па́ства мо́лится тебе́: Христоимени́тый и пра́ведный уго́дниче Бо́жий! Любо́вию твое́ю озари́ нас, гре́шных и немощны́х, сподо́би нас принести́ досто́йные плоды́ покая́ния и не осужде́нно причаща́тися Христо́вых Та́ин. Си́лою твое́ю ве́ру в нас укрепи́, в моли́тве поддержи́, неду́ги и боле́зни исцели́, от напа́стей, враго́в, ви́димых и неви́димых, изба́ви. Све́том ли́ка твоего́ служи́телей и предстоя́телей Алтаря́ Христо́ва на святы́е по́двиги па́стырского де́лания подви́гни, младе́нцем воспита́ние да́руй, ю́ное наста́ви, ста́рость поддержи́, святы́ни хра́мов и святы́е оби́тели озари́! Умири́, чудотво́рче и прови́дче преизря́днейший, наро́ды страны́ на́шея, благода́тию и да́ром Свята́го Ду́ха изба́ви от междуусо́бныя бра́ни, расточе́нная собери́, прельще́нныя обрати́ и совокупи́ Святе́й Собо́рней и Апо́стольской Це́ркви. Ми́лостию твое́ю супру́жества в ми́ре и единомы́слии соблюди́, мона́шествующим в дела́х благи́х преуспея́ние и благослове́ние да́руй, малоду́шныя уте́ши, стра́ждущих от духо́в нечи́стых свободи́, в ну́ждах и обстоя́ниих су́щих поми́луй и нас на путь спасе́ния наста́ви. Во Христе́ живы́й, о́тче наш Иоа́нне, приведи́ нас к Невече́рнему Све́ту жи́зни ве́чныя, да сподо́бимся с тобо́ю ве́чнаго блаже́нства, хва́ляще и превознося́ще Бо́га во ве́ки веко́в. Ами́нь.

^ Святителю Спиридону чудотворцу, епископу Тримифунтскому

Тропарь, глас 4-й:8

Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.

На соборе первом защитником истины и чудотворцем явился ты, Богоносный Спиридон, отче наш. Потому ты к мертвой в могиле обратился, и змею в золото превратил, и при пении святых молитв Ангелы сослужили тебе, священнейший! Слава Прославившему тебя, слава Увенчавшему тебя, слава Совершающему чрез тебя всем исцеления!

Кондак, глас 2-й:8

Любо́вию Христо́вою уязви́вся, свяще́ннейший,/ ум впери́в заре́ю Ду́ха,/ де́тельным виде́нием твои́м дея́ние обре́л еси́, Богоприя́тне,/ же́ртвенник Боже́ственный быв,// прося́ всем Боже́ственнаго сия́ния.

Любовью Христовой уязвившись, священнейший, ум окрылив сиянием Духа, ты, Боговдохновенный, преуспел в действенном созерцании, став жертвенником Божественным, прося для всех Божественного озарения.

Молитва:8

О, вели́кий и пречу́дный святи́телю Христо́в и чудотво́рче Спиридо́не, Керки́рская похвало́, всея́ вселе́нныя свети́льниче пресве́тлый, те́плый к Бо́гу моли́твенниче и все́м к тебе́ прибега́ющим и с ве́рою моля́щимся скоропредста́тельный засту́пниче! Ты́ ве́ру правосла́вную на Нике́йстем Собо́ре посреде́ отце́в пресла́вно изъясни́л еси́, триеди́нство Святы́я Тро́ицы чуде́сною си́лою показа́л еси́ и еретико́в до конца́ посрами́л еси́. Услы́ши на́с, гре́шных, святи́телю Христо́в, моля́щихся тебе́, и си́льным твои́м предста́тельством у Го́спода изба́ви на́с от вся́каго зла́го обстоя́ния: от гла́да, пото́па, огня́ и смертоно́сныя я́звы. Ты́ бо во вре́менней жи́зни свое́й от все́х си́х бе́дствий избавля́л еси́ люде́й твои́х: от наше́ствия ага́рян и от гла́да страну́ твою́ сохрани́л еси́, царя́ от неисце́льнаго неду́га изба́вил и мно́гия гре́шники к покая́нию приве́л еси́, ме́ртвых пресла́вно воскреша́л еси́, за свя́тость же жития́ твоего́ А́нгелы, неви́димо в це́ркви пою́щия и сослужа́щия тебе́, име́л еси́. Си́це у́бо просла́ви тебе́, ве́рнаго Своего́ раба́, Влады́ка Христо́с, я́ко вся́ та́йная челове́ческая дея́ния дарова́ тебе́ разуме́ти и облича́ти непра́ведно живу́щия. Мно́гим, в ску́дости и недоста́точестве живу́щим, ты́ усе́рдно помога́л еси́, лю́ди убо́гия изоби́льно во вре́мя гла́да напита́л еси́ и и́на мно́га зна́мения си́лою в тебе́ живу́щаго Ду́ха Бо́жия сотвори́л еси́. Си́це и на́с не оста́ви, святи́телю Христо́в, помина́й на́с, ча́д свои́х, у Престо́ла Вседержи́теля и умоли́ Го́спода, да пода́ст мно́гих на́ших грехо́в проще́ние, безбе́дное и ми́рное житие́ да да́рует на́м, кончи́ны же живота́ непосты́дныя и ми́рныя, и блаже́нства ве́чнаго в бу́дущем ве́це сподо́бит на́с, да вы́ну возсыла́ем сла́ву и благодаре́ние Отцу́ и Сы́ну и Ду́ху Свято́му, ны́не и при́сно и во ве́ки веко́в. Ами́нь.

^ Святому великомученику и целителю Пантелеимону

Тропарь, глас 3-й:9

Стpастоте́pпче святы́й и целе́бниче Пантелеи́моне,/ моли́ Ми́лостиваго Бо́га,/ да пpегpеше́ний оставле́ние// пода́ст душа́м на́шим.

Страстотерпец святой и целитель Пантелеимон, умоли милостивого Бога, да согрешений прощение подаст Он душам нашим.

Кондак, глас 5-й:9

Подража́тель сый Ми́лостиваго/, и исцеле́ний благода́ть от Него́ прие́м,/ страстоте́рпче и му́чениче Христа́ Бо́га,/ моли́твами твои́ми душе́вныя на́ша неду́ги исцели́,/ отгоня́ при́сно борца́ собла́зны от вопию́щих ве́рно:// спаси́ ны, Го́споди.

Подражатель Милостивого и получивший от Него исцелений благодать, страстотерпец и мученик Христа Бога! Молитвами твоими душевные наши недуги исцели, отгоняя всегда вражии соблазны от взывающих непрестанно: «Спаси нас, Господи!»

Молитва:

Святы́й великому́чениче и цели́телю Пантелеи́моне, Бо́га ми́лостиваго подража́телю! При́зри благосе́рдием и услы́ши нас, гре́шных, пред свято́ю твое́й ико́ною усе́рдне моля́щихся. Испроси́ нам у Го́спода Бо́га, Ему́ же со А́нгелы предстои́ши на Небеси́, оставле́ние грехо́в и прегреше́ний на́ших. Исцели́ боле́зни душе́вныя же и теле́сныя рабо́в Бо́жиих, ны́не помина́емых, зде предстоя́щих и всех христиа́н правосла́вных, к твоему́ заступле́нию притека́ющих. Се бо мы, по грехо́м на́шим лю́те одержи́мы есмы́ мно́гими неду́ги и не и́мамы по́мощи и утеше́ния, к тебе́ же прибега́ем, я́ко даде́ся ти благода́ть моли́тися за ны и цели́ти всяк неду́г и вся́ку боле́знь. Да́руй у́бо всем нам святы́ми моли́твами твои́ми здра́вие и благомо́щие души́ и те́ла, преспе́яние ве́ры и благоче́стия и вся к житию́ вре́менному и ко спасе́нию потре́бная. Я́ко да, сподо́бившися тобо́ю вели́ких и бога́тых ми́лостей, просла́вим тя и пода́теля всех благ, ди́внаго во святы́х, Бо́га на́шего, Отца́, и Сы́на, и Свята́го Ду́ха. Ами́нь.

^ Святому великомученику и целителю Пантелеимону молитва 2-я, наедине от лица болящего читаемая

О, вели́кий уго́дниче Христо́в, страстоте́рпче и врачу́ многоми́лостивый, Пантелеи́моне! Умилосе́рдися надо́ мно́ю, гре́шным рабо́м, услы́ши стена́ние и вопль мой, уми́лостиви Небе́снаго, верхо́внаго Врача́ душ и теле́с на́ших, Христа́ Бо́га на́шего, да да́рует ми исцеле́ние от гнету́щаго мя неду́га. Приими́ недосто́йное моле́ние грешне́йшаго па́че всех челове́к. Посети́ мя благода́тным посеще́нием. Не возгнуша́йся грехо́вных язв мои́х, пома́жи еле́ем ми́лости твоея́ и исцели́ мя: да, здрав сый душе́ю и те́лом, оста́ток дний мои́х, благода́тию Бо́жиею, возмогу́ провести́ в покая́нии и угожде́нии Бо́гу и сподо́блюся восприя́ти благи́й коне́ц живота́ моего́. Ей, уго́дниче Бо́жий! Умоли́ Христа́ Бо́га, да предста́тельством твои́м да́рует ми здра́вие те́лу и спасе́ние души́ мое́й. Ами́нь.

^ Пресвятой Богородице перед Ее иконой «Всех скорбящих радость»

Тропарь, глас 2-й:

Всех скорбя́щих Ра́досте,/ и оби́димых Засту́пнице,/ и а́лчущих Пита́тельнице,/ стра́нных Утеше́ние,/ обурева́емых Приста́нище,/ больны́х посеще́ние,/ не́мощных покpо́в и засту́пнице,/ Же́зл ста́рости,/ Ма́ти Бо́га Вы́шняго Ты еси́, Пречи́стая: // потщи́ся, мо́лимся, спасти́ся рабо́м Твои́м.

Кондак, глас 6-й:10

Не и́мамы ины́я по́мощи,/ не и́мамы ины́я наде́жды,/ ра́зве Тебе́, Влады́чице./ Ты нам помози́:/ на Тебе́ наде́емся и Тобо́ю хва́лимся,/ Твои́ бо есмы́ раби́,// да не постыди́мся.

Не имеем иной помощи, не имеем иной надежды, кроме Тебя, Владычица. Ты нам помоги: на Тебя надеемся и Тобою хвалимся, ибо мы – Твои рабы; да не постыдимся!

Молитва:

О, Пресвята́я Влады́чице Богоро́дице, Преблагослове́нная Ма́ти Христа́ Бо́га Спаси́теля на́шего, все́х скорбя́щих Ра́досте, больны́х посеще́ние, немощны́х покро́ве и засту́пнице, вдови́ц и си́рых покрови́тельнице, ма́терей печа́льных всенаде́жная уте́шительнице, младе́нцев немощны́х кре́посте, и все́м безпомо́щным всегда́ гото́вая по́моще и ве́рное прибе́жище! Тебе́, о, Всеми́лостивая, даде́ся от Всевы́шняго благода́ть во е́же все́х заступа́ти и избавля́ти от ско́рби и боле́зней, зане́ Сама́ лю́тыя ско́рби и боле́зни претерпе́ла еси́, взира́ющи на во́льное страда́ние Сы́на Твоего́ возлю́бленнаго и Того́ на кресте́ распина́ема зря́щи, егда́ ору́жие Симео́ном предрече́нное се́рдце Твое́ про́йде. Те́мже у́бо, о Ма́ти чадолюби́вая, вонми́ гла́су моле́ния на́шего, уте́ши на́с в ско́рби су́щих, я́ко ве́рная ра́дости Хода́таица: предстоя́щи престо́лу Пресвяты́я Тро́ицы, одесну́ю Сы́на Твоего́, Христа́ Бо́га на́шего, мо́жеши, а́ще восхо́щеши, вся́ на́м поле́зная испроси́ти. Сего́ ра́ди с ве́рою серде́чною и любо́вию от души́ припа́даем к Тебе́ я́ко Цари́це и Влады́чице и псало́мски вопи́ти Тебе́ дерза́ем: слы́ша, Дщи́, и ви́ждь, и приклони́ у́хо Твое́, услы́ши моле́ние на́ше, и изба́ви на́с от обстоя́щих бе́д и скорбе́й; Ты́ бо проше́ния все́х ве́рных, я́ко скорбя́щих ра́дость, исполня́еши, и душа́м и́х ми́р и утеше́ние пода́вши. Се́ зри́ши беду́ на́шу и ско́рбь: яви́ на́м ми́лость Твою́, посли́ утеше́ние уя́звленному печа́лию се́рдцу на́шему, покажи́ и удиви́ на на́с гре́шных бога́тство милосе́рдия Твоего́, пода́ждь на́м сле́зы покая́ния ко очище́нию грехо́в на́ших и утоле́нию гне́ва Бо́жия, да с чи́стым се́рдцем, со́вестию благо́ю и наде́ждою несумне́нною прибега́ем ко Твоему́ хода́тайству и заступле́нию: приими́, всеми́лостивая на́ша Влады́чице Богоро́дице, усе́рдное моле́ние на́ше Тебе́ приноси́мое, и не отри́ни на́с, недосто́йных, от Твоего́ благосе́рдия, но пода́ждь на́м избавле́ние от ско́рби и боле́зни, защити́ на́с от вся́каго наве́та вра́жия и клеветы́ челове́ческая, бу́ди на́м помо́щница неотсту́пная во все́ дни́ жи́зни на́шея, я́ко да под Твои́м ма́терним покро́вом всегда́ пребу́дем це́ли и сохране́на Твои́м заступле́нием и моли́твами к Сы́ну Твоему́ и Бо́гу Спаси́телю на́шему, Ему́ же подоба́ет вся́кая сла́ва, че́сть и поклоне́ние, со безнача́льным Его́ Отце́м и Святы́м Ду́хом, ны́не и при́сно и во ве́ки веко́в. Ами́нь.

^ Бессребреникам и чудотворцам Косме и Дамиану

Тропарь, глас 5-й:11

Святи́и безсре́бреницы и чудотво́рцы Косьмо́ и Дамиа́не,/ посети́те не́мощи на́ша:// ту́не прия́сте, ту́не дади́те нам.

Святые бессребренники и чудотворцы Косма и Дамиан, посетите немощи наши; даром вы получили благодать, даром подайте и нам.

Кондак, глас 2-й:11

Благода́ть прии́мше исцеле́ний,/ простира́ете здра́вие су́щим в ну́ждах, вра́чеве,/ чудотво́рцы пресла́внии,/ но ва́шим посеще́нием ра́тников де́рзости низложи́те,// мир исцеля́юще чудесы́.

Получив благодать исцелений, простираете вы здравие пребывающим в бедах, врачи, чудотворцы славные; но вашим посещением и врагов дерзости низложите, мир исцеляя чудесами.

Молитва:11

К вам, святи́и безсре́бреницы и чудотво́рцы Космо́ и Дамиа́не, я́ко к ско́рым помо́щником и те́плым моли́твенником о спасе́нии на́шем, мы, недосто́йнии, прекло́ньше коле́на, прибега́ем и, припа́дающе, усе́рдно вопие́м: не пре́зрите моле́ния нас, гре́шных, немощны́х, во мно́гая беззако́ния впа́дших и по вся дни и часы́ согреша́ющих. Умоли́те Го́спода, да проба́вит нам, недосто́йным рабо́м Свои́м, вели́кия и бога́тыя Своя́ ми́лости; изба́вите нас от вся́кия ско́рби и боле́зни, вы бо прия́ли есте́ от Го́спода и Спа́са на́шего Иису́са Христа́ неоску́дную благода́ть исцеле́ний, ра́ди тве́рдыя ве́ры, безме́зднаго врачева́ния и му́ченическия кончи́ны ва́шея. Услы́шите нас, моля́щихся, и благоприя́тным хода́тайством ва́шим испроси́те у Христа́ Бо́га правосла́вным лю́дем на враги́ побе́ду и одоле́ние. Па́ки, припа́дающе, приле́жно мо́лим: испроси́те нам от Го́спода вся благополе́зная, я́же в животе́ на́шем вре́меннем, наипа́че же ко спасе́нию ве́чному служа́щая, да сподо́бимся моли́твами ва́шими улучи́ти кончи́ну христиа́нскую, безболе́зненну, непосты́дну, ми́рну, и да изба́вимся от ко́зней диа́вольских и ве́чныя му́ки, безконе́чнаго же и блаже́ннаго Ца́рствия Небе́снаго насле́дницы бу́дем. Ей, уго́дницы Бо́жии, не преста́йте моля́щеся за ны, с ве́рою к вам притека́ющия. А́ще бо по мно́жеству грехо́в на́ших и не́смы досто́йны милосе́рдия ва́шего, оба́че вы, ве́рнии подража́телие человеколю́бия Бо́жия су́ще, сотвори́те, да принесе́м плоды́ досто́йны покая́ния и в ве́чный поко́й дости́гнем, хва́ляще и благословя́ще ди́внаго во святы́х Свои́х Го́спода и Бо́га и Спа́са на́шего Иису́са Христа́, и Пречи́стую Ма́терь Его́, и ва́ше те́плое заступле́ние, всегда́, ны́не, и при́сно, и во ве́ки веко́в. Ами́нь.

^ Пророку, Предтече и Крестителю Господню Иоанну

Тропарь, глас 2-й:12

Па́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ пока́зал бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.

Память праведника чтится похвалами, тебе же довольно свидетельства Господня, Предтеча, ведь явился ты поистине из пророков славнейшим, ибо удостоился в струях крестить Проповеданного. Потому за истину пострадав с радостью, благовествовал ты и находящимся во аде Бога, явившегося во плоти, подъемлющего грех мира и подающего нам великую милость.

Кондак, глас 5-й:12

Предте́чево сла́вное усекнове́ние,/ смотре́ние бысть не́кое Боже́ственное;/ да и су́щим во а́де Спа́сово пропове́сть прише́ствие./ Да рыда́ет у́бо Ироди́а,/ беззако́нное уби́йство испроси́вши:/ не зако́н бо Бо́жий, ни живы́й век возлюби́,// но притво́рный, привре́менный.

Предтечи славное усекновение произошло по некоему Божественному замыслу, чтобы он и пребывавшим во аде возвестил о пришествии Спасителя. Да восплачет же Иродиада, беззаконное убийство испросившая: ведь не закон она Божий возлюбила, не вечную жизнь, но обманчивую и временную.

Молитва:12

Крести́телю Христо́в, пропове́дниче покая́ния, ка́ющагося не пре́зри мене́, но совокупля́яся с во́и Небе́сными, моли́ся ко Влады́це за мене́, недосто́йнаго, уны́лаго, немощна́го и печа́льнаго, во мно́гия бе́ды впа́дшаго, утружде́ннаго бу́рными по́мыслы ума́ моего́. Аз бо есмь верте́п злых дел, отню́дь не име́яй конца́ грехо́вному обы́чаю, пригвожде́н бо есть ум мой земны́м веще́м. Что сотворю́? Не вем. И к кому́ прибе́гну, да спасе́на бу́дет ду́ша моя́? То́кмо к тебе́, святы́й Иоа́нне, благода́ти тезоимени́те, я́ко тя пред Го́сподем по Богоро́дице вем бо́льша бы́ти рожде́нных всех, ты бо сподо́бился еси́ косну́тися верху́ Царя́ Христа́, взе́млющаго грехи́ ми́ра, А́гнца Бо́жия. Его́же моли́ за гре́шную мою́ ду́шу, да поне́ отны́не, в пе́рвый на́десять час, понесу́ тяготу́ благу́ю и прииму́ мзду с после́дними. Ей, Крести́телю Христо́в, честны́й Предте́че, кра́йний Проро́че, пе́рвый во благода́ти му́чениче, по́стников и пусты́нников наста́вниче, чистоты́ учи́телю и бли́жний дру́же Христо́в! Тя молю́, к тебе́ прибега́ю: не отри́ни мене́ от твоего́ заступле́ния, но возста́ви мя, низве́рженнаго мно́гими грехи́. Обнови́ ду́шу мою́ покая́нием, я́ко вторы́м креще́нием, поне́же обоего́ нача́льник еси́: креще́нием омыва́яй прароди́тельный грех, покая́нием же очища́яй коего́ждо де́ло скве́рно. Очи́сти мя, греха́ми оскверне́ннаго, и пону́ди вни́ти, а́може ничто́же скве́рно вхо́дит, в Ца́рствие Небе́сное. Ами́нь.

Грудные болезни

^ Святому Димитрию, митрополиту Ростовскому

Тропарь, глас 4-й:13

Правосла́вия ревни́телю и раско́ла искорени́телю,/ Росси́йский целе́бниче, и но́вый к Бо́гу моли́твенниче,/ списа́ньми твои́ми бу́их уцелому́дрил еси́,/ цевни́це духо́вная, Дими́трие блаже́нне,// моли́ Христа́ Бо́га спасти́ся душа́м на́шим.

Православия ревнитель и раскола искоренитель, Российский целитель и новый к Богу молитвенник, сочинениями твоими неразумных ты вразумил, лира духовная, Димитрий блаженный, моли Христа Бога о спасении душ наших.

Кондак, глас 8-й:13

Звезду́ Росси́йскую от Ки́ева возсия́вшую,/ и чрез Но́вград Се́верский в Росто́в дости́гшую,/ всю же страну́ сию́ уче́ньми и чудесы́ озари́вшую,/ ублажи́м златослове́снаго учи́теля Дими́трия,/ той бо все́м вся написа́, я́же к наставле́нию,/ да всех приобря́щет, я́коже Па́вел Христу́,// и спасе́т правове́рием ду́ши на́ша.

Звезду Российскую в Киеве воссиявшую и через Новгород Северский в Ростов дошедшую, всю же страну нашу учениями и чудесами озарившую, прославим красноречивого учителя Димитрия, ибо он для всех написал все к наставлению, чтобы привести всех ко Христу, как Апостол Павел (1Кор.9:22), и спасти Православием души наши.

Молитва:14

О, преди́вный и пресла́вный чудотво́рче Дими́трие, исцеля́яй неду́ги челове́ческия! Ты неусы́пно мо́лиши Го́спода Бо́га на́шего о всех гре́шных: молю́ у́бо тя, бу́ди ми хода́тай пред Го́сподем и помо́щник на преоборе́ние страсте́й ненасы́тныя пло́ти моея́ и на одоле́ние стрел сопроти́вника моего́ диа́вола, и́миже уязвля́ет немощно́е се́рдце мое́ и, а́ки гла́дный и лю́тый зверь, а́лчет погуби́ти ду́шу мою́. Ты, святи́телю Христо́в, моя́ огра́да, ты мое заступле́ние и ору́жие! За твои́м соде́йствием сокрушу́ вся во мне сопроти́вная во́ле Царя́ ца́рствующих. Ты, вели́кий чудотво́рче, во дни по́двигов твои́х в ми́ре сем ревну́я о Правосла́вной Це́ркве Бо́жией, я́ко и́стинный и до́брый па́стырь, небла́зненно облича́л еси́ грехи́ и неве́жествия людски́я, и уклони́вшихся от стези́ пра́вды в е́реси и раско́лы наставля́л еси́ на путь и́стины. Споспеше́ствуй у́бо и мне испра́вити кратковре́менный путь жи́зни мое́й, да непреткнове́нно пойду́ по стези́ за́поведей Бо́жиих и неле́ностно порабо́таю Го́сподеви моему́ Иису́су Христу́, я́ко еди́ному Влады́це моему́, Искупи́телю и пра́ведному Судии́ моему́. К сим же припа́дая, молю́ся Ти, уго́дниче Бо́жий, егда́ изы́ти души́ мое́й из телесе́ моего́, изба́ви ю́ от те́мных мыта́рств, не и́мам бо до́брых дел ко оправда́нию моему́, не даждь сатане́ возгорди́тися побе́дою над немощно́ю душе́ю мое́ю. Изба́ви ю́ от гее́ны, иде́же плач и скре́жет зубо́в, и святы́ми моли́твами твои́ми сотвори́ мя прича́стника Небе́снаго Ца́рствия в Тро́ице сла́вимаго Бо́га, Отца́ и Сы́на и Свята́го Ду́ха. Ами́нь.

Глазные болезни, слепота

^ Святому мученику Лонгину Сотнику, иже при Кресте Господни

Тропарь, глас 4-й:15

Му́ченик Твой, Го́споди, Ло́нгин,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.

Мученик Твой, Господи, Лонгин подвигом своим венец нетленный получил от Тебя, Бога нашего; ибо он, имея силу Твою, мучителей низложил, сокрушил и демонов немощные дерзости. По молитвам его, Христе Боже, спаси души наши.

Кондак, глас 4-й:15

Ве́село возра́довася Це́рковь/ в па́мяти днесь приснопа́мятнаго страда́льца Ло́нгина, взыва́ющи:// Ты моя держа́ва, Христе́, и утвержде́ние.

Радостно восторжествовала Церковь сегодня в день памяти достойного постоянного воспоминания мученика Лонгина, взывая: «Ты моя сила, Христос, и крепость».

Молитва:

О, святы́й му́чениче Ло́нгине! Пила́том повеле́но тебе́ бы́ло с воинами ста́ти на стра́же при кресте́ Го́спода Иису́са. Ты́ же, неду́говав очи́ма и исцеле́в от ка́пли кро́ви Го́спода, капнувшей тебе́ в о́чи, обре́л и духо́вное прозре́ние и, ви́дя чудеса́, при распя́тии Го́спода происходившие, и тру́с, и со́лнечное затмение, и ме́ртвых из гробо́в воскресе́ние, испове́дал я́вно Иису́са Христа́ Сыно́м Бо́жиим. И с кустоди́ею у гро́ба Госпо́дня находя́сь, и Воскресе́ние Христо́во в тре́пете зря́, сре́бренники, даваемые синедрионом за скрытие воскресе́ния, ты́ отве́рг и, Христа́ пропове́дав, во главу́ усе́чен бы́в. И по усечении главы́ вдове́ не́коей, очи́ма неду́говавшей, во сне́ явившись, и е́й, обретшей честну́ю главу́ твою́, прозре́ние дарова́л еси́. Мо́лим тя́, святы́й му́чениче Христо́в Ло́нгине, боля́щим очи́ма яви́ ско́рую по́мощь твою́ и исцели́ и́х, дабы́, освободившись от неду́га своего́, не захотели они́ ви́дети ничего́, распаляющаго сластолю́бие, но к созерца́нию духо́вной красоты́ устремились, сла́вя Бо́га. Ами́нь.

^ Святому равноапостольному великому князю Владимиру, во Святом Крещении Василию, Крестителю Руси

Тропарь, глас 4-й:16

Уподо́бился еси́ купцу́, и́щущему до́бpаго би́сеpа,/ славнодеpжа́вный Влади́миpе,/ на высоте́ стола́ седя́ ма́теpе гpадо́в, богоспаса́емаго Ки́ева:/ испыту́я же и посыла́я к Ца́pскому гpа́ду/ уве́дети пpавосла́вную ве́pу,/ обpе́л еси́ бесце́нный би́сеp — Хpиста́,/ избpа́вшаго тя я́ко втоpа́го Па́вла,/ и оттpя́сшаго слепоту́ во святе́й купе́ли,/ душе́вную вку́пе и теле́сную./ Те́мже пpа́зднуем твое́ успе́ние,/ лю́дие твои́ су́ще:// моли́ спасти́ся держа́вы твоея́ Росси́йския нача́льником и мно́жеству владо́мых.

Уподобился ты купцу, ищущему хороших жемчужин, славный властитель Владимир, восседая на высоком престоле матери городов, Богоспасаемого Киева: ибо испытывая и посылая в Царьград, узнать о православной вере, обрел ты бесценный жемчуг – Христа, избравшего тебя, как второго Павла; и, как он, стряхнул ты слепоту во святой купели, душевную, и вместе телесную. Потому мы, люди твои, празднуем твое успение; моли о спасении в державе твоей Российской начальствующих и множества ее граждан.

Кондак, глас 8-й:16

Подо́бствовав вели́кому апо́столу Па́влу в седи́нах, всесла́вне Влади́мире,/ вся я́ко младе́нческая мудрова́ния, я́же о и́долех тща́ния оста́вль,/ я́ко муж соверше́нный украси́лся еси́ Боже́ственнаго Креще́ния багряни́цею./ И ны́не Спа́су Христу́ в весе́лии предстоя́,// моли́ спасти́ся держа́вы Росси́йския нача́льником и мно́жеству владо́мых.

Подобно великому Апостолу Павлу, в зрелых летах, всеславный Владимир, как детскую забаву, все мудрования и усердие к идолам оставив, ты, как муж совершенный, украсился порфирою Божественного крещения. И ныне Спасителю Христу в радости предстоя, моли о спасении в державе Российской начальствующих и множества ее граждан.

Молитва:16

О, вели́кий и пресла́вный уго́дниче Бо́жий, богоизбра́нный и богопросла́вленный, равноапо́стольный кня́же Влади́мире, свято́е и великоде́йственное ору́дие всеблага́го Про́мысла о спасе́нии наро́да Росси́йскаго! Ты отри́нул еси́ злове́рие и нече́стие язы́ческое, уве́ровал еси́ во Еди́наго И́стиннаго Триипоста́снаго Бо́га и, восприя́в свято́е Креще́ние, просвети́л еси́ све́том Боже́ственной ве́ры и благоче́стия страну́ Росси́йскую. Сла́вяще у́бо благодаря́ще Премилосе́рдаго Творца́ и Спаси́теля на́шего, сла́вим и благодари́м тя, вели́кий па́стырю и о́тче наш, я́ко тобо́ю позна́хом спаси́тельную ве́ру Христо́ву и крести́хомся во и́мя Пресвяты́я и Пребоже́ственныя Тро́ицы, то́ю же ве́рою изба́вихомся от пра́веднаго осужде́ния Бо́жия, ве́чнаго ра́бства диа́воля и а́дова мучи́тельства, то́ю ве́рою восприя́хом благода́ть всыновле́ния Бо́гу и наде́жду насле́дования Небе́снаго блаже́нства. Ты еси́ перве́йший наш вождь к Нача́льнику и Соверши́телю на́шего ве́чного спасе́ния, Го́споду Иису́су Христу́, ты еси́ ближа́йший предста́тель пред Престо́лом Царя́ ца́рствующих и те́плый моли́твенник и хода́тай о стране́ на́шей и о всех лю́дех, ты еси́ перве́йший вино́вник благослове́ний и ми́лостей Бо́жиих, почива́ющих на нас. И что еще́ рече́м? Не мо́жет язы́к наш изобрази́ти вели́чие и высоту́ благодея́ний твои́х, излия́нных на нас недосто́йных. Но, о неразу́мия и ослепле́ния на́шего! Прие́мше толи́кая благодея́ния, ни во что же вмени́хом я́ и отщети́хомя спаси́тельных плодо́в твои́х. Омы́вшеся бо от греха́ в купе́ли Креще́ния и обле́кшеся в оде́жду чистоты́ и неви́нности, оскверни́хом сию́ благода́тную оде́жду сту́деными дея́нии и помышле́нии на́шими. Отре́кшеся сатаны́ и а́ггелов его́, па́ки порабоща́емся ему́, служа́ще и́долом страсте́й на́ших, ми́ру, пло́ти и злым обы́чаем ве́ка. Сочета́вшеся Христу́, вы́ну оскорбля́ем Его́ беззако́нии на́шими, многообра́зными я́звами го́рдости, за́висти, зло́бы, злосло́вия, невоздержа́ния и презо́рства ко Святе́й Це́ркви. Прилепи́хомся всеце́ло к су́етным бла́гом, а́ки мня́ще во ве́ки пребыва́ти на земли́, не помышля́ем о Не́бе, о душе́, о сме́рти, о суде́, о несконча́емей ве́чности. Сего́ ра́ди воздвиза́ем на ся пра́ведный гнев и осужде́ние Бо́жие, ку́пно же оскорбля́ем и преогорчева́ем твою́ о́тчую любо́вь и попече́ние о нас, ты бо просвети́л еси́ нас святы́м Креще́нием, во е́же спосо́бствовати нам к получе́нию Небе́снаго блаже́нства и земна́го благоде́нствия, мы же неразу́мнии злым произволе́нием на́шим са́ми себе́ подверга́ем а́довым му́кам и вре́менным бе́дствием! Но, о всеблаги́й о́тче и просвети́телю наш, ми́лостив бу́ди к на́шим не́мощем, долготерпели́в ко грехо́м и непра́вдам на́шим, умоли́ Премилосе́рдаго Царя́ Небе́снаго, да не прогне́вается на ны зело́ и не погуби́т нас со беззако́ньми на́шими, но да поми́лует и спасе́т нас, и́миже весть судьба́ми. Да всади́т в сердца́ на́ша спаси́тельный страх Свой, да просвети́т Свое́ю благода́тию ум наш, во е́же узре́ти нам бе́здну поги́бели, в ню́же стреми́мся, оста́вити стези́ нече́стия и заблужде́ний, обрати́тися же на путь спасе́ния и и́стины, неукло́нно исполня́ти за́поведи Бо́жии и уста́вы Святы́я Це́ркве. Моли́, благосе́рде, Человеколю́бца Бо́га, да яви́т нам вели́кую ми́лость Свою́, да изба́вит нас от наше́ствия иноплеме́нников, от вну́тренних нестрое́ний, мяте́жей и раздо́ров, от гла́да, смертоно́сных боле́зней, и от вся́каго зла, да пода́ст нам благорастворе́ние возду́ха и плодоно́сие земли́, да сохрани́т в су́дящих и нача́льствующих пра́вду и ми́лость, да даст духо́вным па́стырем непоро́чность жития́ и ре́вность о спасе́нии пасо́мых, всем же лю́дем усе́рдие в исполне́нии свои́х обя́занностей, взаи́мную любо́вь и единомы́слие, стремле́ние ко бла́гу оте́чества и Святы́я Це́ркве. Да распространи́т свет спаси́тельныя ве́ры в стране́ на́шей, во всех конце́х ея́, да обрати́т к правове́рию неве́рующих, да упраздни́т вся е́реси и раско́лы, да, та́ко пожи́вше в ми́ре на земли́, сподо́бимся с тобо́ю ве́чнаго блаже́нства, хва́ляще и превознося́ще Бо́га во ве́ки веко́в. Ами́нь.

^ Святому великомученику Димитрию Солунскому

Тропарь, глас 3-й:17

Вели́ка обpе́те в беда́х/ тя побо́pника вселе́нная, стpастоте́pпче,/ язы́ки побежда́юща./ Я́коже у́бо Ли́еву низложи́л еси гоpды́ню,/ и на по́двиг деpзнове́нна сотвоpи́в Не́стоpа,/ та́ко, свя́те Дими́тpие,/ Хpисту́ Бо́гу моли́ся// даpова́ти нам ве́лию ми́лость.

Великого в бедах защитника, язычников побеждающего, в тебе, страстотерпец, обрела вселенная. И как ты низверг гордыню Лия, на борьбу вдохновив Нестора, так, святой Димитрий, Христа Бога моли, да дарует Он нам великую милость.

Кондак, глас 2-й:17

Крове́й твои́х струя́ми, Дими́трие,/ Це́рковь Бог обагри́,/ да́вый тебе́ кре́пость непобеди́мую,/ и соблюда́я град твой невреди́м:// того́ бо еси́ утвержде́ние.

Потоками крови твоей, Димитрий, Церковь Бог обагрил, дав тебе силу непобедимую и сохраняя град твой невредимым, ибо ты – его утверждение.

Молитва:

Святы́й и сла́вный великому́чениче Христо́в Дими́трие, ско́рый помо́щниче и те́плый засту́пниче с ве́рою притека́ющих к тебе́! Предстоя́ с дерзнове́нием Небе́сному Царю́, испроси́ у Него́ проще́ние согреше́ний на́ших и о е́же изба́витися нам от всегуби́тельныя я́звы, тру́са, пото́па, огня́, меча́ и ве́чныя ка́зни. Моли́ бла́гость Его́, е́же уще́дрити град сей (оби́тель сию́) и вся́кую страну́ христиа́нскую. Исхода́тайствуй у Царя́ ца́рствующих на враги́ побе́ду и одоле́ние правосла́вным христиа́нам, всей держа́ве правосла́вной мир, тишину́, тве́рдость в ве́ре и преспе́яние во благоче́стии; нам же, чту́щим честну́ю па́мять твою́, испроси́ благода́тное укрепле́ние на дела́ блага́я, да благоутро́бное Влады́це на́шему Христу́ Бо́гу зде творя́ще, сподо́бимся моли́твами твои́ми насле́довати Ца́рствие Небе́сное для ве́чнаго прославле́ния Его́ со Отце́м и Святы́м Ду́хом. Ами́нь.

^ Пресвятой Богородице перед Ее иконой «Казанская»

Тропарь, глас 4-й:18

Засту́пнице усе́рдная,/ Ма́ти Го́спода Вы́шняго,/ за всех мо́лиши Сы́на Твоего́ Христа́ Бо́га на́шего,/ и всем твори́ши спасти́ся,/ в держа́вный Твой покро́в прибега́ющим./ Всех нас заступи́, о Госпоже́ Цари́це и Влады́чице,/ и́же в напа́стех и в ско́рбех, и в боле́знех обремене́нных грехи́ мно́гими,/ предстоя́щих и моля́щихся Тебе́ умиле́нною душе́ю/ и сокруше́нным се́рдцем,/ пред пречи́стым Твои́м о́бразом со слеза́ми,/ и невозвра́тно наде́жду иму́щих на Тя,/ избавле́ния всех зол,/ всем поле́зная да́руй,/ и вся спаси́, Богоро́дице Де́во:// Ты бо еси́ Боже́ственный покро́в рабо́м Твои́м.

Заступница усердная, Матерь Господа Всевышнего, за всех молишь Ты Сына Твоего, Христа Бога нашего, и содействуешь спасению всех, под мощный Твой покров прибегающих. Всех нас защити, о Госпожа, Царица и Владычица, пребывающих в напастях, и скорбях, и болезнях, обремененных грехами многими, предстоящих и молящихся Тебе с умиленною душою и сокрушенным сердцем, пред пречистым Твоим образом со слезами, и имеющих твердую надежду в Тебе на избавление от всех зол. Всем полезное даруй и всех спаси, Богородица Дева, ибо Ты – Божественный покров рабам Твоим.

Кондак, глас 8-й:19

Притеце́м, лю́дие, к ти́хому сему́ и до́брому приста́нищу,/ ско́рой Помо́щнице, гото́вому и те́плому спасе́нию, покро́ву Де́вы,/ ускори́м на моли́тву и потщи́мся на покая́ние:/ источа́ет бо нам неоску́дныя ми́лости Пречи́стая Богоро́дица,/ предваря́ет на по́мощь, и избавля́ет от вели́ких бед и зол// благонра́вныя и богобоя́щияся рабы́ Своя́.

Прибегнем, люди, к тихому сему и доброму пристанищу, скорой Помощнице, готовому и теплому спасению, покрову Девы; поспешим на молитву и подвигнемся на покаяние: ибо источает нам неоскудевающие милости Пречистая Богородица, спешит на помощь и избавляет от великих бед и зол благочестивых и богобоязненных рабов Своих.

Молитва:

О, Пресвята́я Госпоже́ Влады́чице Богоро́дице! Со стра́хом, ве́рою и любо́вию пред честно́ю и чудотво́рною ико́ною Твое́ю припа́дающе, мо́лим Тя: не отврати́ лица́ Твоего́ от прибега́ющих к Тебе́. Умоли́, милосе́рдая Ма́ти, Сы́на Твоего́ и Бо́га на́шего, Го́спода Иису́са Христа́, да сохрани́т ми́рну страну́ на́шу, Це́рковь же Свою́ Святу́ю непоколеби́му да соблюде́т и от неве́рия, ересе́й и раско́ла да изба́вит. Не и́мамы бо ины́я по́мощи, не и́мамы ины́я наде́жды, ра́зве Тебе́, Пречи́стая Де́во: Ты еси́ всеси́льная христиа́н Помо́щница и Засту́пница. Изба́ви же и всех, с ве́рою Тебе́ моля́щихся, от паде́ний грехо́вных, от наве́та злых челове́к, от вся́ких искуше́ний, скорбе́й, боле́зней, бед и от внеза́пныя сме́рти. Да́руй нам дух сокруше́ния, смире́ние се́рдца, чистоту́ помышле́ний, исправле́ние грехо́вныя жи́зни и оставле́ние прегреше́ний, да вси, благода́рне воспева́юще вели́чия и ми́лости Твоя́, явля́емыя над на́ми зде на земли́, сподо́бимся и Небе́снаго Ца́рствия, и та́мо со все́ми святы́ми просла́вим пречестно́е и великоле́пое и́мя Отца́, и Сы́на, и Свята́го Ду́ха во ве́ки веко́в. Ами́нь.

^ Святителю Алексию, митрополиту Московскому, всея Руси чудотворцу

Тропарь, глас 8-й:20

Я́ко апо́столом сопресто́льна,/ и врача́ предо́бра, и служи́теля благоприя́тна,/ к ра́це твое́й честне́й притека́юще, святи́телю Алекси́е Богому́дре, чудотво́рче,/ соше́дшеся, любо́вию в па́мять твою́ све́тло пра́зднуем,/ в пе́снех и пе́ниих ра́дующеся и Христа́ сла́вяще,/ такову́ю благода́ть тебе́ дарова́вшаго исцеле́ний// и гра́ду твоему́ вели́кое утвержде́ние.

К разделяющему престол с апостолами, и целителю прекрасному, и служителю угодному Богу, к раке твоей почитаемой приходим, святитель Алексий Богомудрый, чудотворец, собравшись с любовью в день памяти твоей светло празднуем, радуясь в псалмопениях и песнопениях духовных и прославляя Христа, даровавшего тебе такую благодать исцелений и городу твоему великую силу.

Кондак, глас 8-й:20

Боже́ственнаго и пречестна́го святи́теля Христо́ва,/ но́ваго чудотво́рца Але́ксия,/ ве́рно вси пою́ще, лю́дие, любо́вию да ублажи́м, я́ко па́стыря вели́каго,/ служи́теля же и учи́теля прему́дра земли́ Росси́йстей./ Днесь, в па́мять его прите́кше,/ ра́достно возопие́м песнь Богоно́сному:/ я́ко име́я дерзнове́ние к Бо́гу,/ многообра́зных нас изба́ви обстоя́ний, да зове́м ти:// ра́дуйся, утвержде́ние гра́ду на́шему.

Божественного и особо почитаемого святителя Христова, нового чудотворца Алексия, с верой все воспевающе, люди, с любовью прославим, как великого пастыря, служителя и учителя премудрого земли Российской. Сегодня, собравшись в день его памяти, с радостью воспоем песнь Богоносному: как имеющий дерзновение к Богу, от многообразных нас избавь бедствий, да взываем к тебе: «Радуйся, сила города нашего».

Молитва:21

О, пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, те́плый наш засту́пниче, святи́телю Алекси́е! Предстоя́ у Престо́ла всех Царя́, и наслажда́яся Све́та Единосу́щныя Тро́ицы, и херуви́мски со А́нгелы возглаша́я песнь Трисвяту́ю, ве́лие и неизсле́дованное дерзнове́ние име́я ко Всеми́лостивому Влады́це, моли́ся спасти́ лю́ди па́ствы твоея́, единоро́дный ти язы́к; благостоя́ние святы́х церкве́й утверди́, архиере́и благоле́пием святи́тельства украси́; мона́шествующия к по́двигом до́браго тече́ния укрепи́; град сей (или: весь сию́; аще во обители: святу́ю оби́тель сию́) и вся гра́ды и страны́ до́бре сохрани́ и ве́ру святу́ю непоро́чну тем соблюсти́ Го́спода умоли́; мир весь умири́, от гла́да и па́губы изба́ви ны и от нападе́ния иноплеме́нных сохрани́ нас; ста́рыя уте́ши, ю́ныя накажи́ (научи́), безу́мныя умудри́, вдови́цы поми́луй, си́роты заступи́, младе́нцы возрасти́, плене́нныя возврати́, немощству́ющия исцели́ и ве́зде те́пле призыва́ющих тя и с ве́рою притека́ющих к ра́це честны́х и многоцеле́бных моще́й твои́х, усе́рдно припа́дающих и моля́щих ти ся от вся́ких напа́стей и бед хода́тайством твои́м свободи́, да зове́м ти: о Богоизбра́нный па́стырю, звездо́ всесве́тлая мы́сленныя тве́рди, та́йнаго Сио́на необори́мый сто́лпе, миродохнове́нный цве́те ра́йский, всезлата́я уста́ Сло́ва, моско́вская похвало́, всея́ Росси́и украше́ние! Моли́ о нас Всеще́драго и Человеколюби́ваго Христа́ Бо́га на́шего, да в день стра́шнаго прише́ствия Его́ шу́ияго стоя́ния изба́вит нас и ра́дости святы́х прича́стники сотвори́т со все́ми святы́ми во ве́ки. Ами́нь.

^ Святому мученику и архидиакону Лаврентию Римскому

Тропарь, глас 4-й:22

Му́ченик Твой, Го́споди, Лавре́нтий/ во страда́нии свое́м вене́ц прия́т нетле́нный от Тебе́, Бо́га на́шего,/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.

Мученик Твой, Господи, Лаврентий подвигом своим венец нетленный получил от Тебя, Бога нашего; ибо он, имея силу Твою, мучителей низложил, сокрушил и демонов немощные дерзости. По молитвам его, Христе Боже, спаси души наши.

Кондак, глас 4-й:22

Огне́м Боже́ственным распали́в се́рдце твое́,/ огнь страсте́й до конца́ испепели́л еси́,/ страда́льцев утвержде́ние, Богоно́се му́чениче Лавре́нтие,/ и в страда́ниих вопия́л еси́ ве́рно:// ничто́же мя разлучи́т любве́ Христо́вы.

Огнем Божественным воспламенив сердце свое, ты до конца испепелил огонь страстей, исповедников веры сила, Богоносный мученик Лаврентий, и в страданиях ты взывал с верой: «Ничто не разлучит меня от любви Христовой» (Рим.8:39).

Молитва:

О, пресвяты́й и преди́вный страстоте́рпче Христо́в, архидиа́коне Лавре́нтие! Восхваля́юще ве́ру и страда́ния твоя́, почита́ем побе́ду и венцено́сное прохожде́ние твое́ чрез горя́щее у́глие от тьмы ве́ка сего́ ко све́ту невече́рнему Престо́ла Вели́чествия Бо́жия. Тем же у́бо мо́лим тя: я́коже дре́вле притека́вшия с ве́рою к покро́ву твоему́ чудесы́ твои́ми утверди́л еси́, та́ко да прии́меши и нас под покро́в твой, и в боле́зни и в печа́лех на́ших засту́пник нам да бу́деши и я́коже от слепоты́ теле́сных оче́с Крискентиа́на преложе́нием рук исцели́л еси́, та́ко да исцели́ши предста́тельством твои́м у Престо́ла Бо́жия и на́шу душе́вную слепоту́. При́зри на разслабле́ние на́ше теле́сное и душе́вное, и укрепи́ нас бо́дренностию проти́ву враг на́ших ви́димых и неви́димых, удруча́ющих нас напа́стьми. Да твое́ю по́мощию путь маловре́менныя жи́зни сея́ преше́дше, непобежде́ни от бед и скорбе́й и вся́каго лю́таго обстоя́ния, дости́гнем непресту́пныя сла́вы вели́чествия Бо́жия, иде́же предстоя́, мо́лишися со дерзнове́нием за лю́ди прибега́ющия с ве́рою к тебе́ и воспева́ющия ди́внаго во святы́х Бо́га Изра́илева во ве́ки веко́в. Ами́нь.

Зубная боль

^ Священномученику Антипе, епископу Пергамскому

Тропарь, глас 4-й:23

И нра́вом прича́стник,/ и престо́лом наме́стник апо́столом быв,/ дея́ние обре́л еси́, Богодухнове́нне,/ в виде́ния восхо́д:/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Анти́по,/ моли́ Христа́ Бо́га// спасти́ся душа́м на́шим.

И нравам Апостольским сопричастником, и престола их наследником став, делами ты, Богодухновенный, восхождения к созерцанию достиг; потому слово истины право возвещая, ты за веру пострадал до крови, священномученик Антипа, ходатайствуй пред Христом Богом о спасении душ наших.

Кондак, глас 4-й:

Апо́столов сопресто́льник и святи́телей украше́ние/ был еси́, блаже́нне,/ му́ченически просла́вився,/ возсия́л еси́, я́коже со́лнце, всех просвеща́я,/ Анти́по свяще́нне,/ разруши́л еси́ безбо́жия нощь глубо́кую./ Сего́ ра́ди тя почита́ем,/ я́ко Боже́ственнаго су́ща священному́ченика// и целе́б пода́теля.

Сопрестольник с апостолами и украшение святителям ты был, блаженный, мученически прославился и воссиял ты, как солнце, просвещая всех, святой Антипа, разогнав глубокую тьму безбожия. Поэтому мы почитаем тебя, как святого священномученика и подателя исцелений.

Молитва:

О, пресла́вный священному́чениче Анти́по и ско́рый помо́щниче христиа́ном в боле́знех! Ве́рую от всея́ души́ и помышле́ния, я́ко даде́ся тебе́ от Го́спода дар боля́щия исцеля́ти, неду́гующия врачева́ти и разсла́бленныя укрепля́ти. Сего́ ра́ди к тебе́, я́ко благода́тному врачу́ боле́зней, аз, не́мощный (или не́мощная) прибега́ю и, твой досточти́мый о́браз со благогове́нием лобыза́я (или лобыза́ющи), молю́ся: твои́м предста́тельством у Царя́ Небе́снаго испроси́ мне, боля́щему (или боля́щей) исцеле́ние от удруча́ющия мя зубны́я боле́зни, а́ще бо и недосто́ин (или недосто́йна) есмь тебе́, бла́гостнейшаго отца́ и при́снаго засту́пника моего́, но ты, быв подража́тель человеколю́бия Бо́жия, сотвори́ мя досто́йна (или досто́йну) твоего́ заступле́ния чрез мое́ обраще́ние от злых дел к благо́му житию́, уврачу́й оби́льно дарова́нною тебе́ благода́тию я́звы и стру́пы души́ и те́ла моего́, да́руй ми здра́вие и спасе́ние и во всем благо́е поспеше́ние, да, та́ко ти́хое и безмо́лвное житие́ пожи́в (или пожи́вши) во вся́ком благоче́стии и чистоте́, сподо́блюся со все́ми святы́ми сла́вити всесвято́е и́мя Отца́, и Сы́на, и Свята́го Ду́ха. Ами́нь.

Болезни сердца

^ Святителю Иоасафу, епископу Белгородскому

Тропарь, глас 3-й:24

Святи́телю Христу́ Бо́гу возлю́бленне,/ пра́вило ве́ры и о́браз милосе́рдия лю́дем был еси́,/ бде́нием же, посто́м и моли́твою,/ я́ко свети́льник пресве́тлый просия́л еси́,/ и просла́влен от Бо́га яви́лся еси́;/ те́лом у́бо в нетле́нии почива́я,/ ду́хом же престо́лу Бо́жию предстоя́,/ чудеса́ пресла́вно источа́еши./ Моли́ Христа́ Бо́га,// да утверди́т нас в Правосла́вии и благоче́стии/ и спасе́т ду́ши на́ша.

Святитель, Христом Богом возлюбленный, ты был образцом веры и примером милосердия для людей, бдением же, постом и молитвой, как преяркий светильник просиял ты, и был прославлен Богом, ибо телом ты почиваешь в нетлении, духом же Престолу Божию предстоишь и чудеса удивительно источаешь. Моли Христа Бога, да утвердит нас в Православии и благочестии и спасет души наши.

Кондак, глас 8-й:24

Многоразли́чныя по́двиги жития́ твоего́ кто испове́сть?/ Многообра́зныя ми́лости Бо́жия тобо́ю явле́нныя кто исчислит?/ Дерзнове́ние же твое́ у Пречи́стыя Богоро́дицы и Всеще́драго Бо́га до́бре ве́дуще,/ во умиле́нии серде́чнем зове́м ти:/ не лиши́ и нас твоея́ по́мощи и заступле́ния,// святи́телю Христо́в и чудотво́рче Иоаса́фе.

О многоразличных подвигах жития твоего кто поведает? Многообразные милости Божии тобой явленные кто сосчитает? Дерзновение же твое ко Пречистой Богородице и Всещедрому Богу прекрасно зная, с сердечным сокрушением взываем к тебе: «Не лиши и нас твоей помощи и защиты, святитель Христов и чудотворец Иоасаф».

Молитва:

О, уго́дниче Бо́жий святи́телю Иоаса́фе! Из глубины́ се́рдца взыва́ем к тебе́ раби́ Бо́жии (имена), огради́ нас от собла́зна, е́ресей и раско́лов, научи́ го́рняя му́дрствовати, рассе́янный ум наш просвети́ и на путь и́стины напра́ви, охладе́вшее се́рдце согре́й любо́вию ко бли́жнему и ре́вностию ко исполне́нию веле́ний Бо́жиих, грехо́м и нераде́нием осла́бленную во́лю на́шу оживотвори́ благода́тию Ду́ха Всесвято́го. Да твоему́ па́стырскому гла́су после́дующе, сохрани́м в чистоте́ и пра́вде ду́ши на́ша, и та́ко Бо́гу помога́ющу, Небе́сного Ца́рствия дости́гнем, иде́же ку́пно с тобо́ю воспросла́вим пречестно́е и великоле́пное и́мя Отца́ и Сы́на и Свята́го Ду́ха во ве́ки веко́в. Ами́нь.

Немота

^ Преподобному Иоанну Рыльскому

Тропарь, глас 1-й:25

Покая́ния основа́ние, прописа́ние умиле́ния,/ о́браз утеше́ния, духо́внаго соверше́ния,/ равноа́нгельное житие́ твое́ бысть, преподо́бне./ В моли́твах у́бо и поще́ниих, и в слеза́х пребыва́вый,/ о́тче Иоа́нне,// моли́ Христа́ Бо́га о душа́х на́ших.

Покаяния основанием, смирения изложением, примером утешающим, духовно совершенной, подобной ангельской жизнь твоя была, преподобный. В молитвах, пощении и в слезах пребывавший, отче Иоанн, моли Христа Бога о душах наших.

Кондак, глас 8-й:

А́нгельскому житию́ поревнова́в, преподо́бне,/ вся земна́я оста́вив, ко Христу́ прите́кл еси́,/ и того́ за́поведьми огражда́яся, яви́лся еси́ столп непоколеби́мь от вра́жиих нападе́ний. Тем зове́м ти:// ра́дуйся, о́тче Иоа́нне, свети́ло пресве́тлое.

Ангельскому житию подражая, преподобный, все земное оставив, ты пришел ко Христу и Его заповедями защищаясь, ты стал непоколебимой крепостью против вражеских нападений. Потому взываем к тебе: «Радуйся, отче Иоанн, светило преяркое».

Молитва:

О, преподо́бне и богоно́сне о́тче на́ш Иоа́нне, зри́телю неизрече́нныя сла́вы в Небе́снем Ца́рствии и помо́щниче благода́тный все́м к тебе́ притека́ющим, не оста́ви ме́ста сего́, на не́мже труды́ и по́двиги о Христе́ подъя́л еси́ и зе́млю слеза́ми твои́ми ороси́л еси́! Да пребу́дет оби́тель твоя́, в не́йже благоволи́ Бо́г святы́м твои́м моще́м почива́ти, незы́блема от ухищре́ний враго́в ви́димых и неви́димых. Укрепи́ в доброде́лании ча́да твоя́, и́хже во оби́тель твою́ собра́л еси́, я́ко да позна́ют зва́ние свое́ и после́дуют стопа́м твои́м. Страну́ на́шу в ми́ре соблюди́. Правосла́вным лю́дем во бране́х на сопроти́вныя спобо́рствуй. Посети́ с высоты́ небе́сныя все́х, ве́рно к тебе́ притека́ющих и прося́щих твоего́ кре́пкаго заступле́ния; в мо́ри пла́вающих упра́ви, жите́йскаго мо́ря волне́ние утиши́, церко́вныя раздо́ры укроти́, ми́р всему́ ми́ру у Го́спода испроси́, боля́щих уврачу́й спаси́тельным посеще́нием, ско́рбных уте́ши благода́тию, все́м бу́ди вся́, я́коже бы́л еси́ в земне́м житии́ твое́м. Сотвори́ о на́с к Бо́гу моли́тву, дана́ бо ти́ е́сть благода́ть моли́тися за ны́, я́ко да сподо́бимся твои́м хода́тайством улучи́ти ве́чное блаже́нство ку́пно с тобо́ю и все́ми святы́ми во Христе́ Иису́се, Го́споде на́шем, Ему́же подоба́ет вся́кая сла́ва, че́сть и поклоне́ние со Отце́м и Святы́м Ду́хом во ве́ки веко́в. Ами́нь.

Потеря слуха и болезни ушей

^ Пресвятой Богородице перед Ее иконой «Нечаянная радость»

Тропарь, глас 4-й:26

Днесь, ве́рнии лю́дие, духо́вно торжеству́ем,/ прославля́юще Засту́пницу усе́рдную ро́да христиа́нскаго,/ и притека́юще к пречи́стому Ея́ о́бразу, взыва́ем си́це:/ о, Преми́лостивая Влады́чице Богоро́дице,/ пода́ждь нам неча́янную ра́дость,/ обремене́нным грехи́ и скорбьми́ мно́гими,/ и изба́ви нас от вся́каго зла,// моля́щи Сы́на Твоего́, Христа́ Бо́га на́шего,/ спасти́ ду́ши на́ша.

Сегодня, верующие люди, духовно торжествуем, прославляя Защитницу усердную христианского рода и прибегая к пречистому Её образу взываем так: о Премилостивая Владычица Богородица, подай нам нежданную радость, обремененным грехами и множеством скорбей, и избавь нас от всякого зла, моля Сына Твоего, Христа Бога нашего о спасении наших душ.

Кондак, глас 6-й:26

Не и́мамы ины́я по́мощи,/ не и́мамы ины́я наде́жды,/ ра́зве Тебе́, Влады́чице./ Ты нам помози́,/ на Тебе́ наде́емся,/ и Тобо́ю хва́лимся,/ Твои́ бо есмы́ раби́,// да не постыди́мся.

Не имеем иной помощи, не имеем иной надежды, кроме Тебя, Владычица. Ты нам помоги: на Тебя надеемся и Тобою хвалимся, ибо мы – Твои рабы; да не постыдимся!

Молитва:

О, Пресвята́я Де́во, Всеблага́го Сы́на Ма́ти Всеблага́я, гра́да сего́ покро́ве, всех су́щих во гресе́х, ско́рбех, беда́х и боле́знех ве́рная Предста́тельнице и Засту́пнице! Приими́ моле́бное пе́ние сие́ от нас, недосто́йных рабо́в Твои́х Тебе́ возноси́мое; и я́коже дре́вле гре́шника, на всяк день мно́гажды пред честно́ю ико́ною Твое́ю моли́вшагося, не презре́ла еси́, но неча́янную ра́дость покая́ния тому́ дарова́ла еси́, и усе́рдным к Сы́ну Твоему́ хода́тайством Сего́ ко проще́нию гре́шника преклони́ла еси́, та́ко и ны́не не пре́зри моле́ния нас, недосто́йных раб Твои́х, но умоли́ Сы́на Твоего́ и Бо́га на́шего, да и всем нам, с ве́рою и умиле́нием пред цельбоно́сным о́бразом Твои́м покланя́ющимся, по коего́ждо потре́бе неча́янную ра́дость да́рует; да вси на небеси́ и на земли́ ви́дят Тя, я́ко тве́рдую и непосты́дную Предста́тельницу ро́да христиа́нского, и сие́ ве́дуще сла́вят Тя и Тобо́ю Сы́на Твоего́ со Безнача́льным Его́ Отце́м и Единосу́щным Его́ Ду́хом, ны́не и при́сно и во ве́ки веко́в. Ами́нь.

Болезни чревные, грыжа

^ Великомученику Артемию

Тропарь, глас 4-й:27

И́стинною бо Христо́вою ве́рою/ утве́рждься, страстоте́рпче,/ мучи́теля злочести́ва царя́/ победи́л еси́ со и́дольским того́ возноше́нием./ Тем от Царя́ Вели́каго, ве́чно ца́рствующаго,/ пресве́тлым венце́м побе́дным одаре́н бысть,/ вся исцеля́яй боля́щия и призыва́ющия тя, Арте́мие вели́кий,/ моли́ Христа́ Бо́га// спасти́ ду́ши на́ша.

Истинной верой Христовой укрепившись, страстотерпец, нечестивого царя-мучителя победил ты с его идольскими жертвоприношениями. Потому от Царя Великого, вечно царствующего, пресветлым венцом победы был одарен. Исцеляющий всех болеющих и призывающих тебя, Артемий великий, моли Христа Бога о спасении душ наших.

Кондак, глас 2-й:27

Благочести́ваго и венцено́снаго му́ченика,/ на враги́ побе́ды взе́мшаго одоле́ние,/ соше́дшеся, досто́йно пе́сньми восхва́лим Арте́мия,/ превели́каго в му́ченицех,/ чуде́с же да́теля пребога́таго,// мо́лится бо Го́споду о всех нас.

Благочестивого и венценосного мученика, захватившего трофей победы над врагом, собравшись, по достоинству прославим молитвенными песнопениями Артемия, превеликого мученика, щедрого дарователя чудес, ибо он молится Господу обо всех нас.

Славник, глас 2-й:27

Разу́мнаго свети́льника ве́ры, Арте́ия почти́м. Я́ко обличи́ царя́ ме́рзкаго, и кро́вию муче́ния его́ Це́рковь Бог обагри́. Тем и прия́т исцеле́ний благода́ть незави́стную исцеля́ти неду́ги ве́рно приходя́щих к ра́це моще́й его́.

Молитва:

Святы́й му́чениче Арте́мие! При́зри с небе́снаго черто́га на тре́бующих твоея́ по́мощи и не отве́ргни проше́ний на́ших, но, я́ко при́сный благоде́тель и хода́тай на́ш, моли́ Христа́ Бо́га, да, человеколюби́в и многоми́лостив сы́й, сохрани́т на́с от вся́каго лю́таго обстоя́ния: от тру́са, пото́па, огня́, меча́, наше́ствия иноплеме́нников и междоусо́бныя бра́ни. Да не осу́дит на́с гре́шных по беззако́нием на́шим, и да не во зло́ обрати́м блага́я, да́руемая на́м от Всеще́драго Бо́га, но во сла́ву свята́го и́мене Его́ и в прославле́ние кре́пкаго твоего́ заступле́ния. Да моли́твами твои́ми да́ст на́м Госпо́дь ми́р по́мыслов, воздержа́ние от па́губных страсте́й и от вся́кия скве́рны и да укрепи́т во все́м ми́ре Свою́ Еди́ну Святу́ю, Собо́рную и Апо́стольскую Це́рковь, ю́же стяжа́л е́сть честно́ю Свое́ю Кро́вию. Моли́ся приле́жно, святы́й му́чениче, да благослови́т Христо́с Бо́г держа́ву, да утверди́т во святе́й Свое́й Правосла́вней Це́ркви живы́й ду́х пра́выя ве́ры и благоче́стия, да вси́ чле́ны ея́, чи́стии от суему́дрия и суеве́рия, ду́хом и и́стиною покланя́ются Ему́ и усе́рдно пеку́тся о соблюде́нии Его́ за́поведей, да мы́ вси́ в ми́ре и благоче́стии поживе́м в настоя́щем ве́це и дости́гнем блаже́нныя ве́чныя жи́зни на небеси́, благода́тию Го́спода на́шего Иису́са Христа́, Ему́же подоба́ет вся́кая сла́ва, че́сть и держа́ва со Отце́м и Святы́м Ду́хом, ны́не и при́сно и во ве́ки веко́в. Ами́нь.

^ Преподобному Серафиму Саровскому

Тропарь, глас 4-й:28

От ю́ности Христа́ возлюби́л еси́, блаже́нне,/ и Тому́ Еди́ному рабо́тати пла́менне вожделе́в,/ непреста́нною моли́твою и трудо́м в пусты́ни подвиза́лся еси́,/ умиле́нным же се́рдцем любо́вь Христо́ву стяжа́в,/ избра́нник возлю́блен Бо́жия Ма́тере яви́лся еси́./ Сего́ ра́ди вопие́м ти:// спаса́й нас моли́твами твои́ми, Серафи́ме, преподо́бне о́тче наш.

От юности ты возлюбил Христа, блаженный, и, Ему Одному служить пламенно возжелав, непрестанною молитвою и трудом в пустыни подвизался, и умиленным сердцем любовь Христову стяжав, избранником возлюбленным Божией Матери явился. Потому мы взываем тебе: «Спасай нас молитвами твоими, Серафим, преподобный отче наш!»

Кондак, глас 2-й:28

Ми́ра красоту́ и я́же в не́м тле́нная оста́вив, преподо́бне,/ в Саро́вскую оби́тель всели́лся еси́,/ и та́мо а́нгельски пожи́в,/ мно́гим путь был еси́ ко спасе́нию,/ сего́ ра́ди и Христо́с тебе́, о́тче Серафи́ме, просла́ви/ и да́ром исцеле́ний и чуде́с обогати́./ Те́мже вопие́м ти:// ра́дуйся, Серафи́ме, преподо́бне о́тче наш.

Мира красоту и все, что в нем тленного, оставив, преподобный, в Саровскую обитель ты вселился и, там ангельски пожив, стал для многих путем ко спасению. Оттого и Христос тебя, отче Серафим, прославил и даром исцелений и чудес обогатил. Потому мы взываем тебе: «Радуйся, Серафим, преподобный отче наш!»

Молитва:28

О, пречу́дный о́тче Серафи́ме, вели́кий Саро́вский чудотво́рче, всем прибега́ющим к тебе́ скоропослу́шный помо́щниче! Во дни земна́го жития́ твоего́ никто́же от тебе́ тощ и неуте́шен отъи́де, но всем в сла́дость бысть виде́ние ли́ка твоего́ и благоуве́тливый глас слове́с твои́х. К сим же и дар исцеле́ний, дар прозре́ния, дар немощны́х душ врачева́ния оби́лен в тебе́ яви́ся. Егда́ же призва́ тя Бог от земны́х трудо́в к Небе́сному упокое́нию, николи́же любо́вь твоя́ преста́ от нас, и невозмо́жно есть исчи́слити чудеса́ твоя́, умно́жившаяся, я́ко зве́зды небе́сныя: се бо по всем конце́м земли́ на́шея лю́дем Бо́жиим явля́ешися и да́руеши им исцеле́ния. Те́мже и мы вопие́м ти: о прети́хий и кро́ткий уго́дниче Бо́жий, дерзнове́нный к Нему́ моли́твенниче, николи́же призыва́ющия тя отрева́яй, вознеси́ о нас благомо́щную твою́ моли́тву ко Го́споду Сил, да да́рует нам вся благопотре́бная в жи́зни сей и вся к душе́вному спасе́нию поле́зная, да огради́т нас от паде́ний грехо́вных и и́стинному покая́нию научи́т нас, во е́же безпреткнове́нно вни́ти нам в ве́чное Небе́сное Ца́рство, иде́же ты ны́не в незаходи́мей сия́еши сла́ве, и та́мо воспева́ти со все́ми святы́ми Живонача́льную Тро́ицу до сконча́ния ве́ка. Ами́нь.

^ Преподобному Феодору Студиту

Тропарь, глас 8-й:29

Правосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ мона́шествующих Богодухнове́нное удобре́ние,/ Фео́доре прему́дре,/ уче́ньми твои́ми вся просвети́л еси́,/ цевни́це духо́вная,// моли́ Христа́ Бо́га спасти́ся душа́м на́шим.

Православия наставник, благочестия учитель и чистоты, светильник вселенной, архиереев Богодухновенное украшение, Феодор премудрый, учениями твоими ты всех просветил, лира духовная; моли Христа Бога о спасении душ наших.

Кондак, глас 2-й:29

По́стническое и равноа́нгельное житие́ твое́/ страда́льческими уясни́л еси́ по́двиги/ и А́нгелом совсе́льник, Богоблаже́нне, яви́лся еси́, Фео́доре./ С ни́ми Христу́ Бо́гу моля́ся// не преста́й о всех нас.

Постническую и подобную Ангелам жизнь твою ты прославил мученическим подвигом и поселился вместе с Ангелами, Богоблаженный Феодор, с ними же не переставай молиться Христу Богу обо всех нас.

Молитва:

О, святы́й Фео́доре, испове́дник Правосла́вия, зако́на Бо́жия ревни́тель, наста́вник пра́вой ве́ры, помози́ на́м и при́зри на на́с, с ве́рою и усе́рдием прибега́ющих к тебе́! От царе́й иконобо́рцев за почита́ние святы́х ико́н око́вы, изгна́ние, заточе́ние претерпе́л ты́, преподо́бный, и мно́жество тя́жких ра́н и жесто́ких уда́ров, от кото́рых и боле́знь нестерпи́мую получи́л. Вели́кий и досточу́дный Фео́доре, до конца́ в ско́рбех претерпе́вый, и на́м, обурева́емым напа́стьми и треволне́ньми жите́йскими, пода́й кре́пость душе́вную и теле́сную для борьбы́ с беда́ми и для одоле́ния страсте́й и ко́зней вра́жиих. Моли́ о на́с Милосе́рдаго Го́спода, ве́рный ра́б Бо́жий, Фео́доре, да изба́вит О́н на́с от ожесточе́ния и хла́дности серде́чной, и да́рует на́м кро́тость, безгне́вие, незло́бие, смире́ние и любо́вь. Ви́дя по́мощь Твою́, просла́вим мы́ Го́спода и Спа́са на́шего Иису́са Христа́, и тебя́, благоде́теля на́шего, возблагодари́м, с благогове́нием почита́я па́мять твою́. О, всехва́льне, преподо́бне Фео́доре, уче́нием и пе́сньми свои́ми Це́рковь Бо́жию напои́вший и обрадовавший, и на́с, ослепле́нных умо́м от собла́знов и суеты́ ми́ра сего́, просвети́ позна́нием и́стины и изба́ви от заблужде́ний и сомне́ний, что́бы не сообразова́тися на́м ве́ку сему́. О, уго́дниче Христо́в, Фео́доре, получи́вший от Бо́га благода́ть исцеле́ния неду́гующих, а наипа́че стра́ждущих желудком, уврачу́й и на́с, одержи́мых разли́чными неду́гами и исцели́ боля́щих желудком и пода́й на́м здра́вие, бо́дрость и ми́р душе́вный. Не отри́ни на́с, притека́ющих к тебе́, но заступи́ и помози́ на́м. Предста́тельствуй за на́с пред Спаси́телем на́шим, внемли́ мольба́м на́шим и испо́лни проше́ния на́ши, да тобо́ю укрепля́емы, в труда́х и до́брых дела́х соверши́м мы́ тече́ние жи́зни на́шей и сподо́бимся войти́ в Ца́рствие Небе́сное, Да вме́сте с тобо́ю восхва́лим и просла́вим Го́спода и Спа́са на́шего Иису́са Христа́, со Безнача́льным Его́ Отце́м и с Пресвяты́м Ду́хом, ны́не, и при́сно, и во ве́ки веко́в. Ами́нь.

^ Праведному Артемию Веркольскому

Тропарь, глас 2-й:30

Вы́шняго повеле́нием,/ тучено́сным облако́м не́бо помрачи́вшим,/ и мо́лниям блиста́ющим,/ гро́му же возшуме́вшу с преще́нием,/ испусти́л еси́ ду́шу твою́ в ру́це Го́сподеви,/ прему́дре Арте́мие,/ и ны́не предстои́ши Престо́лу Влады́ки всех,/ и́же ве́рою и любо́вию приходя́щим к тебе́,/ подая́ исцеле́ние все́м неотло́жно,/ и моля́ся Христу́ Бо́гу,// спасти́ся душа́м на́шим.

По воле Всевышнего, грозовым облаком небо помрачившего, в блистании молний и угрожающем шуме грома ты отпустил душу свою в руки Господа, премудрый Артемий, и сейчас предстоишь Престолу Владыки всех, с верою и любовью приходящим к тебе подавая исцеление без отлагательств и молясь Христу Богу о спасении наших душ.

Кондак, глас 8-й:30

Возсия́ днесь пресве́тлая па́мять прему́драго Арте́мия;/ Богода́нная благода́ть я́ко ре́ки излива́ет от целе́бных моще́й его́ ди́вная исцеле́ния,/ и́миже от многоразли́чных неду́г избавля́емся,/ с ве́рою прие́млюще я́, и взыва́юще:// ра́дуйся, Арте́мие Богому́дре.

Воссияла сегодня пресветлая память премудрого Артемия. Богоданная благодать как реки изливает от врачующих мощей его удивительные исцеления, которыми мы избавляемся от многоразличных болезней, с верой принимая их и взывая: «Радуйся, Артемий Богомудрый».

Молитва:30

Святы́й уго́дниче Бо́жий, пра́ведный Арте́мие, при́сный храни́телю святы́я ве́ры Правосла́вныя и бли́зкий защи́тниче всего́ се́вернаго кра́я Росси́йския страны́! При́зри ми́лостивно на усе́рдную моли́тву нас гре́шных и твои́м благомо́щным предста́тельством испроси́ нам у Го́спода проще́ние согреше́ний на́ших, преспе́яние в ве́ре и благоче́стии и огражде́ние от ко́зней диа́вольских. Моли́ Го́спода, да храни́т во здра́вии и непременя́емем благополу́чии ве́рных люде́й Свои́х, да пода́ст стране́ на́шей мир и тишину́, а нам нелицеме́рное послуша́ние, да сподо́бит всех нас получи́ти, по христиа́нстей кончи́не, Небе́сное Ца́рствие, иде́же вси пра́веднии вме́сте с тобо́ю, ве́чно сла́вят Отца́ и Сы́на и Свята́го Ду́ха. Ами́нь.

Болезни ног

^ Святому праведному Симеону Верхотурскому

Тропарь, глас 4-й:31

Мирска́го мяте́жа бе́гая, все жела́ние обрати́л еси́ к Бо́гу,/ да в виде́ния восхо́д обря́щеши горе́,/ отню́дуже не уклони́вся в лука́вствия се́рдца,/ но очи́стив ду́шу и те́ло,/ прия́л еси́ благода́ть точи́ти цельбы́ ве́рным и неве́рным,/ притека́ющим к тебе́, пра́ведный Симео́не./ Те́мже, по да́нному ти да́ру,/ испроси́ у Христа́ Бо́га исцеле́ние нам, боля́щим душе́вными страстьми́,// и моли́ спасти́ ду́ши на́ша.

Избегая мирской суеты, ты обратил все устремление к Богу, и, восходя в созерцаниях ввысь к небу, оттуда ты не уклонился сердцем к лукавому, но, очистив душу и тело, ты принял благодать подавать исцеления верующим и неверующим, приходящим к тебе, праведный Симеон. Потому, по данному тебе дару, испроси у Христа Бога исцеление нам, болеющим душевными страстями, и моли о спасении наших душ.

Кондак, глас 2-й:31

Ми́ра су́етнаго отве́рглся еси́,/ да бла́га ве́чныя жи́зни насле́диши,/ возлюби́в незло́бие и чистоту́ души́ и те́ла./ Сниска́л еси́, е́же возлюби́л,/ свиде́тельствуют бо о сем гроб и нетле́ние моще́й твои́х,/ и благода́ть чудотворе́ния наипа́че./ То́чиши бо цельбы́ всем притекаю́щим к тебе́ и непросвеще́нным,/ Симео́не блаже́нне,// чудотво́рче преди́вный.

Покинув суетный мир, чтобы наследовать блага вечной жизни, возлюбив доброту и чистоту души и тела, ты получил то, что полюбил, ибо свидетельствуют об этом гроб и нетленные мощи твои, и более всего — благодать чудотворения, поскольку ты источаешь исцеления всем приходящим к тебе и еще не просвещенным (светом Евангелия), Симеон блаженный, удивительный чудотворец.

Молитва:31

О, святы́й и пра́ведный Симео́не, чи́стою душо́ю твое́ю в Небе́сных оби́телех в ли́це святы́х водворя́яйся, на земли́ же с на́ми неотсту́пно пребыва́яй! По да́нней ти благода́ти от Го́спода моли́тися о нас, ми́лостивно при́зри на нас, многогре́шных, а́ще и недосто́йне, оба́че с ве́рою и упова́нием к тебе́ притека́ющих, и испроси́ нам от Бо́га проще́ние согреше́ний на́ших, в ня́же впада́ем мно́жицею во вся дни жития́ на́шего. И я́коже пре́жде о́вым у́бо, от очныя зе́льныя боле́зни ни ма́ло зре́ти могу́щим, исцеле́ние оче́с, о́вым же, близ сме́рти бы́вшим, от лю́тых неду́гов врачева́ние и ины́м ина́я мно́гая пресла́вная благодея́ния дарова́л еси́, си́це изба́ви и нас от неду́гов душе́вных и теле́сных и от вся́кия ско́рби и печа́ли и вся блага́я к настоя́щему житию́ на́шему и к ве́чному спасе́нию благопотре́бная нам от Го́спода испроси́, да та́ко твои́м предста́тельством и моли́твами стяжа́вше вся нам поле́зная, а́ще и недосто́йнии, благода́рне восхваля́юще тя, просла́вим Бо́га, ди́внаго во святы́х Свои́х, Отца́ и Сы́на и Свята́го Ду́ха, ны́не в при́сно и во ве́ки веко́в. Ами́нь.

Увечье и боль рук

^ Преподобному Иоанну Дамаскину

Тропарь, глас 8-й:23

В тебе́, о́тче, изве́стно спасе́ся, е́же по о́бразу:/ прии́м бо крест, после́довал еси́ Христу́,/ и де́я учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со а́нгелы сра́дуется, преподо́бне Иоа́нне, дух твой.

В тебе, отче, точно сохранилось то, что в нас по Божию образу: ибо, взяв свой крест, ты последовал за Христом, и делом учил пренебрегать плотью, как преходящей, заботиться же о душе, творении бессмертном. Потому и радуется с Ангелами, преподобный Иоанн, дух твой.

Тропарь иной, глас 8-й:23

Правосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ мона́шествующих Богодохнове́нное удобре́ние, Иоа́нне прему́дре,/ уче́ньми твои́ми вся просвети́л еси́, цевни́це духо́вная,// моли́ Христа́ Бо́га спасти́ся душа́м на́шим.

Православия наставник, благочестия учитель и чистоты, светильник вселенной, монашествующих Богодухновенное украшение, Иоанн премудрый, учениями твоими ты всех просветил, лира духовная; моли Христа Бога о спасении душ наших.

Кондак, глас 4-й:32

Песнопи́сца и честна́го Богоглаго́льника,/ Це́ркве наказа́теля и учи́теля,/ и враго́в сопротивобо́рца, Иоа́нна воспои́м:/ ору́жие бо взем, Крест Госпо́день,/ всю отрази́ ересе́й пре́лесть,/ и я́ко те́плый предста́тель к Бо́гу,// всем подае́т прегреше́ний проще́ние.

Песнописца и почитаемого проповедника Божия, Церкви наставника и учителя, врагов противоборца, Иоанна воспоем, ибо взяв оружие, Крест Господень, отразил все заблуждения ересей и, как горячий ходатай перед Богом, всем подает прегрешений прощение.

Молитва:

Преподо́бне о́тче Иоа́нне! Воззри́ на на́с ми́лостивно и к земли́ приве́рженных возведи́ к высоте́ небе́сней. Ты́ горе́ на небеси́, мы́ на земли́ ни́зу, удалены́ от тебе́, не толи́ко ме́стом, ели́ко грехми́ свои́ми и беззако́нии, но к тебе́ прибега́ем и взыва́ем: наста́ви на́с ходи́ти путе́м твои́м, вразуми́ и руково́дствуй. Вся́ твоя́ свята́я жи́знь бы́сть зерца́лом вся́кия доброде́тели. Не преста́ни, уго́дниче Бо́жий, о на́с вопия́ ко Го́споду. Испроси́ предста́тельством свои́м у Всеми́лостиваго Бо́га на́шего ми́р Це́ркви Его́, под зна́мением креста́ во́инствующей, согла́сие в ве́ре и единому́дрие, суему́дрия же и раско́лов истребле́ние, утвержде́ние во благи́х де́лех, больны́м исцеле́ние, печа́льным утеше́ние, оби́женным заступле́ние, бе́дствующим по́мощь. Не посрами́ на́с, к тебе́ с ве́рою притека́ющих. Вси́ правосла́внии христиа́не, твои́ми чудесы́ испо́лненнии и ми́лостьми облагоде́тельствованнии, испове́дуют тя́ бы́ти своего́ покрови́теля и засту́пника. Яви́ дре́вния ми́лости твоя́, и и́хже отце́м всепомоществова́л еси́, не отри́ни и на́с, ча́д и́х, стопа́ми и́х к тебе́ ше́ствующих. Предстоя́ще всечестне́й ико́не твое́й, я́ко тебе́ жи́ву су́щу, припа́даем и мо́лимся: приими́ моле́ния на́ша и вознеси́ и́х на же́ртвенник благоутро́бия Бо́жия, да прии́мем тобо́ю благода́ть и благовре́менную в ну́ждех на́ших по́мощь. Укрепи́ на́ше малоду́шие и утверди́ на́с в ве́ре, да несомне́нно упова́ем получи́ти вся́ блага́я от благосе́рдия Влады́ки моли́твами твои́ми. О, превели́кий уго́дниче Бо́жий! Все́м на́м, с ве́рою притека́ющим к тебе́, помози́ предста́тельством твои́м ко Го́споду, и все́х на́с упра́ви в ми́ре и покая́нии сконча́ти живо́т на́ш и пресели́тися со упова́нием в блаже́нныя не́дра Авраа́мова, иде́же ты́ ра́достно во труде́х и по́двизех ны́не почива́еши, прославля́я со все́ми святы́ми Бо́га, в Тро́ице сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

^ Пресвятой Богородице в честь Ее иконы «Троеручица»

Тропарь, глас 4-й:

Днесь всеми́pная pа́дость возсия́ нам ве́лия:/ даpова́ся святе́й Гоpе́ Афо́нстей/ цельбоно́сная Твоя́, Влады́чице Богоро́дице, ико́на,/ со изобpаже́нием тpичи́сленно и неpазде́льно пpечи́стых pук Твои́х,/ в пpославле́ние Святы́я Тpо́ицы,/ созыва́еши бо ве́pных и моля́щихся Тебе́ о сем позна́ти,/ я́ко двема́ Сы́на и Го́спода деpжи́ши,/ тpе́тию же яви́ на пpибе́жище и покpо́в чту́щих Тя,/ от вся́ких напа́стей и бед избавля́ти,/ да вси, пpитека́ющии к Тебе́ ве́pою пpие́млют неоску́дно от всех зол свобожде́ние,/ от вpаго́в защище́ние,/ сего́ pа́ди и мы вку́пе с Афо́ном вопие́м:// pа́дуйся, Благода́тная, Госпо́дь с Тобо́ю.

Сегодня нам воссияла великая всемирная радость: даровалась святой горе Афонской подающая исцеления Твоя, Владычица Богородица, икона, с изображением тройственно и нераздельно пречистых рук Твоих в прославление Святой Троицы, ибо Ты созываешь верующих и молящихся Тебе узнать об этом, так как двумя (руками) Сына и Господа держишь, третью же явила для помощи и покровительства почитающим Тебя, для избавления от всяких напастей и бед, чтобы все, приходящие к Тебе, с верой принимали неистощимо освобождение от всех зол и защиту от врагов, потому и мы вместе с Афоном взываем: «Радуйся, Благодатная, Господь с Тобой».

Кондак, глас 8-й:33

Днесь весе́лое наста́ ны́не Твое́ торжество́, Богома́ти Пречи́стая,/ вси́ ве́рнии испо́лнишася ра́дости и весе́лия,/ я́ко сподо́бльшеся изря́дно воспе́ти/ преди́вное явле́ние честна́го о́браза Твоего́/ и ро́ждшагося из Тебе́ Младе́нца, и́стинна же Бо́га,/ Его́же двема́ рука́ма объе́млеши,/ и тре́тиею от напа́стей и бед нас изыма́еши,// и избавля́еши от всех зол и обстоя́ний.

Сегодня настало радостное Твое торжество, Пречистая Богоматерь, все верующие наполнились радостью и весельем, удостоившись особо воспевать предивное явление почитаемого образа Твоего и родившегося от Тебя Младенца, истинного Бога, Его же двумя руками Ты обнимаешь, а третью от напастей и бед нас вызволяешь и избавляешь от всех зол и невзгод.

Молитва:33

О, Пресвята́я Госпоже́ Влады́чице Богоро́дице, ве́лие чу́до свято́му Иоа́нну Дамаски́ну яви́вшая, я́ко ве́ру и́стинную – наде́жду несумне́нную показа́вшему! Услы́ши нас, гре́шных, пред чудотво́рною Твое́ю ико́ною усе́рдно моля́щихся и прося́щих Твоея́ по́мощи: не отри́ни моле́ния сего́ мно́гих ра́ди прегреше́ний на́ших, но, я́ко Ма́ти милосе́рдия и щедро́т, изба́ви нас от боле́зней, скорбе́й и печа́лей, прости́ соде́янныя на́ми грехи́, испо́лни ра́дости и весе́лия всех, чту́щих святу́ю ико́ну Твою́, да ра́достно воспое́м и любо́вию просла́вим и́мя Твое́, я́ко Ты еси́ от всех родо́в избра́нная и благослове́нная во ве́ки веко́в. Ами́нь.

Горячка, лихорадка, жар

^ Первоверховному апостолу Петру

Тропарь, глас 4-й:34

Апо́столов первопресто́льницы/ и вселе́нныя учи́телие,/ Влады́ку всех моли́те/ мир вселе́нней дарова́ти// и душа́м на́шим ве́лию ми́лость.

Первенствующие из Апостолов и вселенские учителя, Владыку всего молите мир вселенной даровать и душам нашим великую милость.

Кондак, глас 2-й:35

Тве́рдыя и боговеща́нныя пропове́датели,/ верх апо́столов Твои́х, Го́споди,/ прия́л еси́ в наслажде́ние благи́х Твои́х и поко́й:/ боле́зни бо о́нех и смерть прия́л еси́ па́че вся́каго всепло́дия,// Еди́не, све́дый серде́чная.

Непоколебимых и Богогласных проповедников, высших из учеников Твоих, Господи, Ты принял в наслаждение благ Твоих и покой; ибо труды их и смерть признал Ты высшими всякой жертвы, Один, знающий то, что в сердцах.

Молитва:

О, святы́й Пе́тре, вели́кий апо́столе, самови́дче и сотаи́нниче Бо́жий, всемо́щною десни́цею Учи́теля твоего́ прия́тый из вод волну́ющихся и кра́йняго потопле́ния свобо́ждшийся! Не забу́ди и нас убо́гих, в ти́не грехо́вней погря́зших и волна́ми жите́йскаго мо́ря обурева́емых: пода́ждь нам твою́ ру́ку кре́пкую, помози́ нам и удержи́ нас от потопле́ния во страсте́х, похоте́х, лжах и клевета́х. Сотвори́ и ты с на́ми ми́лость, тебе́ от Го́спода явле́нную, да не в сомне́нии и малове́рии изги́бнем. Научи́ нас, учи́телю наш, пролива́ти сле́зы покая́ния, да пла́чем го́рько о дея́ниих на́ших в ве́це сем. И а́ще твоя́ сле́зы, в покая́ние излия́нныя, ми́лостию Свое́ю покры́ Госпо́дь и Учи́тель твой, испроси́ и нам, со дерзнове́нием апо́стольским, проще́ния во гресе́ ежеча́снаго. Град сей, ко святы́м стопа́м твои́м пове́рженный, сохрани́ и от прилуча́ющихся ко́зней лука́вых врага́ спасе́ния на́шего огради́; воздви́гни твои́ преподо́бнии ру́це ко Го́споду за наро́д наш, да ти́хое и безмо́лвное житие́ поживе́м в ве́це сем до часа́, в о́ньже и́мать призва́ти нас Влады́ка Госпо́дь, наш Судия́ нелицеприя́тный. Ты же, о всехва́льный апо́столе, не отве́ржи во́пля на́шего и стена́ния к тебе́, но заступи́ нас пред Христо́м, твои́м Учи́телем, да непреста́нно сла́вим Его́ милосе́рдие к нам, со Отце́м и Святы́м Ду́хом, во ве́ки веко́в. Ами́нь.

Женские немощи

^ Священномученику Ипатию, епископу Гангрскому

Тропарь, глас 4-й:36

Изволе́нием Боже́ственнаго ра́зума/ впери́в ум свой в Небе́сныя оби́тели/ и ра́вно А́нгелом житие́ пожи́в на земли́,/ сего́ ра́ди муче́ния красоты́ вене́ц на свое́м версе́ утверди́в,/ священному́чениче Ипа́тие,/ моли́ Христа́ Бо́га// спасти́ся душа́м на́шим.

По воле Божественного разума устремив свой ум в Небесные обители и прожив земную жизнь, подобную Ангельской, потому и венец сладости мученичества на главу свою получив, священномученик Ипатий, моли Христа Бога о спасении душ наших.

Другой тропарь, глас 3-й:36

В прекра́сном Це́ркве апо́стольския вертогра́де/ из ю́на во́зраста всеси́льною десни́цею Бо́жиею насади́лся еси́,/ Богоблаже́нне о́тче Ипа́тие,/ и в ней, я́ко ве́рен первосвяще́нник,/ ве́рно Богонача́льное и Всетворя́щее Тро́ическое Еди́нство/ пропове́дал еси́ во Вселе́нском Собра́нии,/ Ду́ха же Свята́го в доброде́телех испо́лнен быв,/ ве́лия чудеса́ сотвори́в,/ муче́нием за ве́ру Христо́ву сконча́вся,/ прише́л еси́ в Небе́сный град,/ иде́же Триипоста́сного Бо́га зря,/ моли́ о честву́ющих тя,// да в Го́рнем Иерусали́ме со святы́ми жи́ти сподо́бимся.

Кондак, глас 2-й:

Ри́мскому оте́честву свети́льник,/ Богоза́рными луча́ми концы́ светя́,/ ны́не просвети́ твое́ пра́зднество пою́щия, Ипа́тие,/ прося́ свы́ше ми́ра и грехо́в оставле́ния,// моли́твами защити́ ны, Ипа́тие многострада́льне.

Римскому государству светильник, просвещая концы Земли лучами Небесного света, сейчас просвети воспевающих твою память, Ипатий, прося свыше мир и прощение грехов, молитвами защити нас, Ипатий, много пострадавший.

Другой кондак, глас 2-й:36

Оби́тель Триипоста́снаго Божества́,/ достоблаже́нне о́тче Ипа́тие, быв,/ во вселе́нную Всетворца́ Бо́га воскли́кнул еси́./ Благода́рственне же чудоде́йствуя,/ вшел еси́ в Небе́сныя оби́тели,/ та́мо моли́ Всесвяту́ю Тро́ицу, мо́лим тя,/ исцели́ти телеса́ и ду́ши на́ша// в Богосозда́нную на́шу красоту́.

Обителью Триипостасного Бога, достойный блаженств отче Ипатий, был ты, Всетворца Бога прославив во всей вселенной. Совершая же чудеса, вошел ты в Небесные обители, где моли Всесвятую Троицу, молим тебя, исцелить тела и души наши, вернув их к Богосозданной красоте.

Молитва:36

Трисо́лнечного Све́та светоза́рная звездо́, вводя́щая в мир Трисо́лнечный Свет апо́стольскими твои́ми, Богоева́нгельскаго пропове́дания священноуче́нии, священному́чениче, иера́рше Христо́в, Богоблаже́нне Ипа́тие. Ты прия́л еси́ от Святы́я Тро́ицы равноапо́стольную благода́ть, серафи́мскую в горе́честии к Бо́гу любо́вь, я́ко же верхо́внейший апо́столов Петр, и херуви́мскую многоочи́тую во уче́нии прему́дрость, я́ко же вторы́й Па́вел. Просвети́вый прему́дрым твои́м благоче́стия уче́нием тьмочи́сленныя наро́ды, присноусе́рдно подража́я всеми́рнаго Учи́теля, Го́спода Бо́га и Спа́са на́шего Иису́са Христа́. Его́ же ра́ди всесмире́нно молю́ богоподража́тельное оте́ческое твое́ благоутро́бие: при́зри ми́лостивно богосве́тлыми очи́ма твои́ма на су́щее недосто́инство мое́, я́ко всечадолюби́вый по Бо́зе оте́ц, и присноусе́рдный на́шего спасе́ния наста́вниче, и всех в Го́рних правонеизме́нный строи́тель, адама́нтная Правосла́вию стена́ и пресве́тлый столп, вводя́щий второно́ваго Изра́иля во всепросветле́йший Го́рний Сио́н. Потщи́ся вско́ре помоществова́ти на бра́нех во́инству на́шему. Проси́ же при́сно у Святы́я Тро́ицы всем правосла́вным христиа́ном ми́ра и тишины́, душе́вного спасе́ния и многоле́тняго в телеси́ здра́вия, возду́ха благорастворе́ния, земли́ благопло́дия, непло́дствующим благоча́дия, и в зако́не Госпо́днем воспита́ния, и всех благи́х умноже́ния. А по́сле жития́ коему́ждо жи́зни сея́ сподо́би святы́ми твои́ми моли́твами улучи́ти христиа́нскую кончи́ну бла́гу, непосты́дну и ми́рну, со всепреподо́бнейшим испове́данием и со прича́стием Святы́х Безсме́ртных Небе́сных и Животворя́щих Христо́вых Та́ин, и с молитвома́слием безпрепя́тное возду́шных мыта́рств проше́ствие, насле́дие со святы́ми всера́достныя присносу́щныя жи́зни, в ней же ку́пно со А́нгельскими чи́нми непреста́нныя хвалы́ вознесе́м Отцу́ со Единоро́дным Его́ Сы́ном и с Пресвяты́м, Благи́м и Животворя́щим Его́ Ду́хом, и тебе́, вели́кое твое́ оте́ческое ми́лостивое заступле́ние, ны́не, и при́сно, и во ве́ки веко́в. Ами́нь.

Проказа

^ Преподобному Антонию Великому

Тропарь, глас 4-й:

Ревни́теля Илию́ нра́вы подра́жая,/ Крести́телю пра́выми стезя́ми после́дуя,/ о́тче Анто́ние,/ пусты́ни был еси жи́тель,/ и вселе́нную утверди́л еси́ моли́твами твои́ми./ Те́мже моли́ Христа́ Бо́га,// спасти́ся душа́м на́шим.

Ревнителю Илии нравом подражая, за Крестителем прямыми путями следуя, отче Антоний, ты сделался обитателем пустыни и вселенную утвердил молитвами твоими. Потому ходатайствуй пред Христом Богом о спасении душ наших.

Кондак, глас 2-й:37

Жите́йския молвы́ отри́нув,/ безмо́лвно житие́ сконча́л еси́,/ Крести́теля подража́яй вся́ким о́бразом преподо́бнейший,/ с ним у́бо тя почита́ем,// отце́в нача́льниче Анто́ние.

Житейские волнения отринув, безмятежно жизнь ты завершил, Крестителю всячески подражая, преподобнейший! С ним тебя и почитаем, отче отцов Антоний!

Молитва:

О, вели́кий уго́дниче Бо́жий, преподо́бне о́тче Анто́ние! Я́ко име́я дерзнове́ние ко Влады́це Христу́ и ко Пречи́стей Его́ Ма́тери, бу́ди о нас, недосто́йных, моли́твенник те́плый, заступа́я нас от вся́ких бед и напа́стей, да твои́ми моли́твами невреди́мы от враг ви́димых и неви́димых пребу́дем. Моли́ милосе́рдие Бо́жие, да спасе́т нас от прегреше́ний на́ших и́миже ве́си су́дьбами. Моли́ бла́гость Его́, е́же ми́лостивно хра́му (до́му) сему́ потре́бная дарова́ти, жи́знь на́шу умири́ти и вся прихожа́ны хра́ма сего́ поми́ловати и спасти́ ду́ши на́ша, да непреста́нно сла́вим, хва́лим, пое́м и велича́ем Пречестно́е и Великоле́пое и́мя Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Бессонница

^ Cвятым седми отрокам, иже во Ефесе: Максимилиану, Иамвлиху, Мартиниану, Иоанну, Дионисию, Ексакустодиану и Антонину

Тропарь, глас 8-й:38

Благоче́стия пропове́дники и Воскресе́ния уме́рших изобрази́тели,/ Це́ркви столпы́ седмочи́сленныя,/ о́троки всеблаже́нныя пе́сньми восхва́лим:/ ти́и бо по мно́гих ле́тех нетле́ния, а́ки от сна воста́вше,// всем возвести́ша я́ве ме́ртвых воста́ние.

Благочестия проповедников, образ Воскресения умерших собой представивших, семь столпов Церкви, отроков всеблаженных в молитвенных песнопениях прославим, ибо они после многих лет нетления, как ото сна восстав, всем возвестили ясно воскресение мертвых.

Кондак, глас 4-й:38

Просла́вивый на земли́ святы́я Твоя́/ пре́жде втора́го и стра́шнаго прише́ствия Твоего́, Христе́,/ пресла́вным воста́нием отроко́в/ показа́л еси́ Воскресе́ние неве́дящим е́,/ нетле́нна одея́ния и телеса́ яви́в,/ и царя́ уве́рил еси́ вопи́ти:// вои́стинну есть ме́ртвых воста́ние.

Прославивший на земле святых Твоих прежде Второго и страшного Пришествия Твоего, Христос, невероятным воскресением отроков показал Воскресение не знающим о нем, явив нетленные одежды и тела, и царя укрепил в вере, взывать: «Истинно есть воскресение мертвых!»

Молитва:38

О, пречу́днии святи́и седмичи́сленнии о́троцы, Ефе́са гра́да похвало́ и всея́ вселе́нныя упова́ние! Воззри́те с высоты́ Небе́сныя сла́вы на ны, любо́вию па́мять ва́шу чту́щия, наипа́че же на младе́нцы христиа́нския, ва́шему заступле́нию от роди́телей свои́х препоруче́нныя. Низведи́те на ня благослове́ние Христа́ Бо́га, ре́кшаго: оста́вите дете́й приходи́ти ко Мне. Боля́щия у́бо от них исцели́те, скорбя́щия уте́шите, сердца́ их в чистоте́ соблюди́те, кро́тостию испо́лните я́ и в земли́ серде́ц их зерно́ испове́дания Бо́жия насади́те и укрепи́те, во е́же от си́лы в си́лу им возраста́ти. И всех нас, святе́й ико́не ва́шей предстоя́щих, мо́щи же ва́ша с ве́рою лобыза́ющих и те́пле вам моля́щихся, сподо́бите Ца́рствие Небе́сное улучи́ти и немо́лчными гла́сы ра́дования та́мо прославля́ти великоле́пое И́мя Пресвяты́я Тро́ицы, Отца́ и Сы́на и Свята́го Ду́ха, во ве́ки веко́в. Ами́нь.

^ Cвятому преподобному Иринарху, затворнику Ростовскому

Тропарь, глас 4-й:39

Я́ко му́ченика добропроизво́льна/ и преподо́бных удобре́ние,/ звезду́ Росто́вскую,/ в затво́ре, у́зах и вери́гах Го́сподеви благоугоди́вшаго/ и чуде́с благода́ть от Него́ прие́мшаго,/ Ирина́рха преди́внаго пе́сньми хвале́бными почти́м/ и, к нему́ припа́дающе, уми́льно глаго́лем:/ о́тче преподо́бне, моли́ Христа́ Бо́га// спасти́ся душа́м на́шим.

Как мученика добровольного и преподобных украшение, звезду Ростовскую, в затворе, цепях и веригах Господу угодившего и чудес благодать от Него получившего, Иринарха удивительного в хвалебных песнопениях почтим и коленопреклоненно в сокрушении к нему воззовем: «Отче преподобный, моли Христа Бога о спасении душ наших».

Кондак, глас 2-й:39

Волне́ний мно́жество жесто́ким житие́м преходя́,/ изгна́ние, затво́р и у́зы желе́зныя претерпе́л еси́ му́жески, Ирина́рше терпеливоду́шне,/ нам оста́вль о́браз злострада́ния и терпе́ния твоего́,/ озаря́я чуде́с блиста́ньми с ве́рою приходя́щих к честно́му гро́бу твоему́,/ у него́же, я́ко по́честь побе́дную, вери́ги твоя́ тя́жкие ви́дим,/ от ни́хже подае́ши исцеле́ния неду́жным./ Сего́ ра́ди зове́м ти:// ра́дуйся, Ирина́рше, о́тче преди́вный.

Сквозь многие бури в суровой жизни проходя, изгнание, затвор и железные цепи претерпел ты мужественно, твердый душой Иринарх, оставив нам пример твоих мучений и терпения, озаряя сиянием чудес с верой приходящих к почитаемому гробу твоему, у него же, как награду победы, вериги твои тяжелые видим, от них же подаешь исцеления больным. Потому взываем к тебе: «Радуйся, Иринарх, отче удивительный».

Молитва:

О, преподо́бне о́тче Ирина́рше! Се мы мо́лим тя усе́рдно: бу́ди хода́тай наш при́сный, испроси́ нам от Христа́ Бо́га мир, тишину́, благоде́нствие, здра́вие и спасе́ние, и от всех враго́в ви́димых и неви́димых огражде́ние, покры́й же нас хода́тайством твои́м от нахожде́ния вся́ких бед и скорбе́й, па́че же от искуше́ния врага́ те́мнаго, да вси мы с тобо́ю прославля́ем всесвято́е и́мя Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Паралич

^ Преподобному Иакову, игумену Железноборовскому

Тропарь, глас 4-й:40

Небе́снаго жела́я,/ земна́я возненави́дел еси́/ и, взем крест свой, после́довал еси́ Христу́/ и от Него́ прие́м дарова́ния чуде́с,/ исцеля́ти неду́жныя;/ но, я́ко име́я дерзнове́ние ко Святе́й Тро́ице,/ испроси́ правосла́вным христиа́ном здра́вие и спасе́ние,/ на враги́ же побе́ду/ и не забу́ди, посеща́я чад свои́х,/ припа́дающих к цельбоно́сному гро́бу твоему́,// Иа́кове, преподо́бне о́тче наш.

Желая Небесного, ты отвратился от всего земного и, взяв крест свой, последовал за Христом и от Него принял дар чудотворений, исцеления больных. Но, как имеющий право обращаться ко Святой Троице, испроси для православных христиан здоровье и спасение, победу над врагами и не оставь детей своих, обращая внимание на всех, припадающих к подающему исцеления гробу твоему, Иаков, преподобный отче наш.

Кондак, глас 8-й:40

Серде́чная о́чи, досточу́дне, ко Го́споду впери́в/ и теле́сныя стра́сти из ко́рене исторга́я,/ неболе́зненную жизнь в боле́знех восприя́л еси́, преподо́бне,/ боле́знем же лю́тым дае́ши исцеле́ние прося́щим с ве́рою у тебе́,/ те́мже мо́лим тя, досточу́дне,/ исцели́ на́ша боле́зни душе́вныя и теле́сныя, да зове́м ти:// ра́дуйся, Иа́кове Богому́дре, о́тче наш.

Очи сердечные, достойный удивления, устремив ко Господу и с корнем исторгая телесные страсти ты провел безболезненную жизнь в болезнях, преподобный, просящим у тебя с верой даешь исцеление мучительных болезней, потому молим тебя, достойный удивления, исцели наши болезни душевные и телесные, да взываем к тебе: «Радуйся, Иаков, умудренный Богом, отче наш».

Молитва:

Преподо́бне и богоно́сне о́тче наш Иа́кове! Приими́ ны́не нас, тебе́ усе́рдно моля́щихся и припа́дающих ко всечестно́му и многоцеле́бному твоему́ гро́бу, иде́же свято́е твое́ и многотру́дное поко́ится те́ло. Духо́м же на Небесе́х предстоя́ Святе́й Тро́ицы со А́нгелы и преподо́бных отце́в ли́ки, моли́ся о нас, ча́дех твои́х, о́тче, да изба́вимся от вся́ких скорбе́й, боле́зней, бед и обстоя́ний, и благоче́стно поживе́м в настоя́щем житии́, ходя́ще в за́поведех и оправда́ниих Госпо́дних безпоро́чно, и да я́вимся после́дователи свято́му и равноа́нгельскому житию́ твоему́. Ей, преподо́бне о́тче, мо́лим тя, испроси́ нам же и всем, с ве́рою к тебе́ притека́ющим, грехо́в проще́ние, телесе́м здра́вие, исправле́ние жития́ и ве́чное спасе́ние, я́ко да твои́м предста́тельством спасе́ние, сла́ву возсыла́ти сподо́бимся в Тро́ице сла́вимому Бо́гу, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

Болезни крови

^ Мученику Иоанну воину, чудотворцу

Тропарь, глас 8-й:41

Блаже́нство ева́нгельское возлюби́в, Богому́дре Иоа́нне,/ чистоту́ се́рдца де́вством почти́л еси́./ Те́мже суету́ ми́ра сего́ пренебре́г,/ устреми́лся еси́ зре́ти Бо́га,/ И́же тя просла́ви чудесы́ во врачева́нии разли́чне стра́ждущих./ Сего́ ра́ди мо́лим тя:/ проси́ нам у Христа́ Го́спода вся́ких скорбе́й избавле́ния// и получе́ния Ца́рства Небе́снаго.

Блаженство евангельское возлюбив, Богомудрый Иоанн, ты прославил чистоту своего сердца девством. Потому суету мира этого отверг, устремившись к созерцанию Бога, Который тебя прославил чудесами во врачевании различных страдающих. Поэтому молим тебя: «Испроси нам у Христа Господа избавление от всяких скорбей и получение Царства Небесного».

Кондак, глас 6-й:41

Благочести́ваго во́ина Христо́ва,/ победи́вшаго враги́ душе́вныя и теле́сныя богому́дренно,/ Иоа́нна му́ченика достодо́лжно пе́сньми восхва́лим,/ чудоде́йствуя бо, подае́т оби́льная исцеле́ния стра́ждущим лю́дем/ и мо́лится Го́споду Бо́гу// от вся́ких бед спасти́ правове́рныя.

Благочестивого воина Христова, победившего врагов душевных и телесных Богомудро, Иоанна мученика по достоинству молитвенными песнопениями прославим, ибо он, совершая чудеса, подает обильные исцеления страдающим людям и молится Господу Богу о спасении православных от всяких бед.

Молитва:

О, вели́кий Христо́в му́чениче Иоа́нне, правове́рных побо́рниче, враго́в прогони́телю и оби́димых засту́пниче! Услы́ши нас, в беда́х и ско́рбях моля́щихся тебе́, я́ко дана́ тебе́ бысть благода́ть от Бо́га печа́льныя утеша́ти, немощны́м помога́ти, непови́нныя от напра́сныя сме́рти избавля́ти и за всех зле стра́ждущих моли́тися. Бу́ди у́бо и нам побо́рник кре́пок на вся ви́димыя и неви́димыя враги́ на́ша, я́ко да твое́ю по́мощию и побо́рством по нас посра́мятся вси явля́ющии нам зла́я. Умоли́ Го́спода на́шего, да сподо́бит ны гре́шныя и недосто́йныя рабы́ Своя́ получи́ти от Него́ неизрече́нная блага́я, я́же угото́ва лю́бящим Его́, в Тро́ице Святе́й сла́вимаго Бо́га, всегда́ ны́не и при́сно, и во ве́ки веко́в. Ами́нь.

Нарывы

^ Святым чудотворцам и бессребреникам, мученикам Киру и Иоанну

Тропарь, глас 5-й:

Святи́и сла́внии Ки́ре и Иоа́нне,/ бессре́бреницы, му́ченицы и чудотво́рцы,/ милосе́рдием свои́м, я́ко стено́ю необори́мою, нас огради́те от всех бед/ и от враго́в ви́димых и неви́димых сохрани́те// непреста́нною ва́шею моли́твою ко Го́споду.

Святые прославляемые Кир и Иоанн, бессеребренники, мученики и чудотворцы, милосердием своим, как стеной нерушимой, нас оградите от всех бед и от врагов видимых и невидимых сохраните постоянной молитвой вашей ко Господу.

Кондак, глас 3-й:

От Боже́ственныя благода́ти дар чуде́с прие́мше, святи́и,/ чудоде́йствуете, непреста́нно,/ вся на́ша стра́сти рукоде́йством секу́ще неви́димым,/ Ки́ре Богому́дре со Иоа́нном сла́вным:// вы бо боже́ственнии вра́чеве есте́.

От Божественной благодати дар чудес приняв, святые, вы чудодействуете непрестанно, все наши страсти отсекая врачеванием невидимым, Кир Богомудрый с Иоанном славным: ибо вы – Божественные врачи.

Молитва:

О, святы́е чудотво́рцы и врачи́ безме́здные Ки́ре и Иоа́нне, прибега́ем к вам, от боле́зней на́ших страда́я лю́то. Во дни жи́зни ва́шея пропове́довали вы, я́ко неду́г души́ тяжеле́е всех неду́гов те́ла и, егда́ душа́ греха́ми боле́знует, ча́сто и те́ло в боле́знь впада́ет. Зна́ем мы, что боле́знями от грехо́в очища́емся; умоли́те же, святы́е чудотво́рцы, Го́спода, да да́рует Он проще́ние согреше́ний нам, сла́бым и безпо́мощным, в боле́знях изможде́нным, да не поги́бнем, впа́вши в уны́ние. Ускори́те на по́мощь нам и исцели́те боле́зни на́ши, и мы в здра́вии, покая́нии дни на́ши проведя́, в ми́ре око́нчим жизнь на́шу и в день Су́дный с чи́стым се́рдцем предста́нем пред оча́ми Судии́ вселе́нной, Сердцеве́дца Бо́га. Его́же пое́м и сла́вим во ве́ки веко́в. Ами́нь.

Кожные болезни и язвы

^ Праведному Артемию Веркольскому, чудотворцу

Тропарь, глас 2-й:27

Вы́шняго повеле́нием,/ тучено́сным облако́м не́бо помрачи́вшим,/ и мо́лниям блиста́ющим,/ гро́му же возшуме́вшу с преще́нием,/ испусти́л еси́ ду́шу твою́ в ру́це Го́сподеви,/ прему́дре Арте́мие,/ и ны́не предстои́ши Престо́лу Влады́ки всех,/ и́же ве́рою и любо́вию приходя́щим к тебе́,/ подая́ исцеле́ние все́м неотло́жно,/ и моля́ся Христу́ Бо́гу,// спасти́ся душа́м на́шим.

По воле Всевышнего, грозовым облаком небо помрачившего, в блистании молний и угрожающем шуме грома ты отпустил душу свою в руки Господа, премудрый Артемий, и сейчас предстоишь Престолу Владыки всех, с верою и любовью приходящим к тебе подавая исцеление без отлагательств и молясь Христу Богу о спасении наших душ.

Кондак, глас 8-й:27

Возсия́ днесь пресве́тлая па́мять прему́драго Арте́мия;/ Богода́нная благода́ть я́ко ре́ки излива́ет от целе́бных моще́й его́ ди́вная исцеле́ния,/ и́миже от многоразли́чных неду́г избавля́емся,/ с ве́рою прие́млюще я́, и взыва́юще:// ра́дуйся, Арте́мие Богому́дре.

Воссияла сегодня пресветлая память премудрого Артемия. Богоданная благодать как реки изливает от врачующих мощей его удивительные исцеления, которыми мы избавляемся от многоразличных болезней, с верой принимая их и взывая: «Радуйся, Артемий Богомудрый».

Молитва:27

Святы́й уго́дниче Бо́жий, пра́ведный Арте́мие, при́сный храни́телю святы́я ве́ры Правосла́вныя и бли́зкий защи́тниче всего́ се́вернаго кра́я Росси́йския страны́! При́зри ми́лостивно на усе́рдную моли́тву нас гре́шных и твои́м благомо́щным предста́тельством испроси́ нам у Го́спода проще́ние согреше́ний на́ших, преспе́яние в ве́ре и благоче́стии и огражде́ние от ко́зней диа́вольских. Моли́ Го́спода, да храни́т во здра́вии и непременя́емем благополу́чии ве́рных люде́й Свои́х, да пода́ст стране́ на́шей мир и тишину́, а нам нелицеме́рное послуша́ние, да сподо́бит всех нас получи́ти, по христиа́нстей кончи́не, Небе́сное Ца́рствие, иде́же вси пра́веднии вме́сте с тобо́ю, ве́чно сла́вят Отца́ и Сы́на и Свята́го Ду́ха. Ами́нь.

Водянка

^ Преподобному Ипатию, игумену Руфианскому

Тропарь, глас 8-й:23

В тебе́, о́тче, изве́стно спасе́ся, е́же по о́бразу:/ прии́м бо крест, после́довал еси́ Христу́,/ и де́я учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бне Ипа́тиe, дух твой.

В тебе, отче, точно сохранилось то, что в нас по Божию образу: ибо взяв свой крест, ты последовал за Христом, и делом учил пренебрегать плотью, как преходящей, заботиться же о душе, творении бессмертном. Потому и радуется с Ангелами, преподобный Павел, дух твой.

Кондак, глас 2-й:23

Чистото́ю душе́вною боже́ственне вооружи́вся, и непреста́нныя моли́твы, я́ко копие́ вручи́в кре́пко, пробо́л еси́ бесо́вская ополче́ния, преподо́бне Ипа́тиe, о́тче на́ш, моли́ непреста́нно о все́х на́с.

Чистотой душевной с Божией помощью вооружившись, и непрестанные молитвы, как копье взяв крепко, низложил ты бесовские ополчения, преподобный Ипатий, отче наш; моли непрестанно о всех нас.

Молитва:

Прославляется Бог в совете правых, ибо возсиял пред людьми свет добродетелей святого Ипатия, прибегая к которому, из глубины сердца взываем: инок совершенный был ты, Ипатий преподобный, многими трудами к вратам небесным очищавший себе путь; в необитаемую киновию Руфима придя с учениками, ты очистил ее и в прежнее благолепие привел. Там, власяницы делая, в подвигах великих ты пребыл. Дарование получил ты от Господа, Ипатий достохвальный, различные недуги исцелять, а более всего водянку. Призри же на страждущих тяжкою болезнею этой, святый Ипатий, и умилостиви твоею благоприятною молитвою Господа, и престань немощным невидимою чудодейственною силою Божию, исцеляя их по великой милости Господней, и пусть, почувствовав облегчение в теле и бодрость духа, отвергнут они нерадение и ревностно пойдут по лестнице добродетелей, простираясь на преуспеяние в богоугодных делах, и славя Отца и Сына, и Святаго Духа, ныне и присно, и во веки веков. Аминь.

Расслабление тела, связанное с бессонницей, потерей аппетита и лишением каких-либо членов

^ Преподобному Никите Столпнику, Переяславскому чудотворцу

Тропарь, глас 4-й:

Христо́ву му́ченику тезоимени́т был еси́, преподо́бне, / мно́ги по́двиги и труды́ претерпе́л еси́ Христа́ ра́ди, / Его́же ра́ди вери́ги носи́л еси́, блаже́нне, / Того́ ны́не о нас моли́, Ники́то преподо́бне, / душе́вныя на́ша и теле́сныя стра́сти уврачева́ти, / и́же ве́рою и любо́вию // почита́ющих при́сно па́мять твою́.

Кондак, глас 8-й:42

Христа́ ра́ди от твои́х рабо́в ну́ждную смерть претерпе́л еси́/ и вене́ц нетле́ния от Него́ восприя́л еси́,/ приходя́щим же с ве́рою от честна́го твоего́ гро́ба подае́ши цельбы́,/ о Ники́то преподо́бне,// моли́твенниче о душа́х на́ших.

Ради Христа ты претерпел насильственную смерть от рабов твоих и принял от Него нетленный венец, приходящим же с верой от почитаемого твоего гроба подаешь исцеления, о Никита преподобный, молитвенник о душах наших.

Молитва:42

О, всечестна́я главо́, преподо́бне о́тче преблаже́нне, Ники́то преподобному́чениче! Не забу́ди ни́щих твои́х до конца́, но помина́й нас всегда́ во святы́х свои́х и благоприя́тных моли́твах к Бо́гу и не забу́ди присеща́ти чад свои́х. Моли́ за ны, о́тче благи́й и избра́нниче Христо́в, я́ко име́яй дерзнове́ние к Небе́сному Царю́, и не премолчи́ за ны ко Го́споду, и не пре́зри нас, ве́рою и любо́вию чту́щих тя. Помина́й нас, недосто́йных, у Престо́ла Вседержи́телева и не преста́й моля́ся за нас ко Христу́ Бо́гу: тебе́ бо дана́ бысть благода́ть моли́тися за ны. Не мним бо тя ме́ртва су́ща, а́ще бо и те́лом преста́вился еси́ от нас, но и по сме́рти у́бо жив пребыва́еши. Не отступа́й от нас ду́хом, сохраня́я и соблюда́я нас от стрел вра́жиих и вся́кия пре́лести бесо́вския, засту́пниче и моли́твенниче наш до́брый. А́ще бо и моще́й твои́х ра́ка пред очи́ма на́шима ви́дима есть всегда́, но свята́я твоя́ душа́ со а́нгельскими во́инствы, со Безпло́тными ли́ки, с Небе́сными си́лами у Престо́ла Вседержи́теля Бо́га досто́йно весели́тся. Ве́дуще у́бо тя вои́стинну и по сме́рти жи́ва су́ща, тебе́ припа́даем, и тебе́ мо́лимся, и ми́лися де́ем, е́же моли́тися о нас Всеси́льному Бо́гу о по́льзе душ на́ших, и испроси́ нам вре́мя на покая́ние и невозбра́нно прейти́ от земли́ на Не́бо, и го́рьких мыта́рств, и возду́шных князе́й, и ве́чныя му́ки изба́вится нам, и Небе́сному Ца́рствию насле́дником бы́ти со все́ми пра́ведными, от ве́ка угоди́вшими Ему́, Го́споду на́шему Иису́су Христу́. Ему́же подоба́ет вся́кая сла́ва, честь и поклоне́ние со Безнача́льным Его́ Отце́м и Святы́м Ду́хом, ны́не и при́сно и во ве́ки веко́в. Ами́нь.

Рак

^ Пресвятой Богородице в честь Ее иконы «Всецарица» (Пантанасса)

Тропарь, глас 4-й:

О́бразом радостотво́рным честны́я Всецари́цы,/ жела́нием те́плым взыска́ющих благода́ти Твоея́ спаси́, Влады́чице,/ изба́ви от обстоя́ний к Тебе́ прибега́ющих;/ от вся́кия напа́сти огради́ ста́до Твое́,// к заступле́нию Твоему́ взыва́ющее при́сно.

Почитаемым образом «Всецарица», дарующим радость, всех с горячим желанием ищущих Твоей благодати спаси, Владычица, и избавь от бедствий к Тебе обращающихся, от всяких напастей огради стадо Твое, к защите Твоей всегда взывающее.

Кондак, глас 8-й:

Новоявле́нней Твое́й ико́не предстоя́ще ве́рнии, уми́льно воспева́ем Ти, Всецари́це, раби́ Твои́; низпосли́ цельбы́ к Тебе́ притека́ющим ны́не рабо́м Твои́м, да вси ра́достно зове́м Ти: Ра́дуйся, Всецари́це, неду́ги на́ша благода́тию исцеля́ющая.

Молитва:

О, Всеблага́я, досточу́дная Богоро́дице Пантана́сса, Всецари́це! Несмь досто́ин, да вни́деши под кров мой, но я́ко ми́лостиваго Бо́га любоблагоутро́бная Ма́ти, рцы сло́во, да исцели́тся душа́ моя́ и укрепи́тся немощству́ющее те́ло мое́. И́маши бо держа́ву непобеди́мую, и не изнемо́жет у Тебе́ всяк глаго́л, о Всецари́це! Ты за мя упроси́, Ты за мя умоли́, да просла́вляю пресла́вное и́мя Твое́ всегда́, ны́не и в безконе́чныя ве́ки. Ами́нь.

^ Пресвятой Богородице в честь Ее иконы «Всецарица» (Пантанасса). Молитва 2-я43

О, Пре­чи́с­тая Бо­го­ма́­ти, Всецари́це! Услы́­ши многоболе́зненное воздыха́ние на́­ше пред чудотво́рною ико́­ною Твое́ю, из уде́ла Афо́нскаго в Росси́ю пренесе́нною, при́­зри на чад Тво­и́х, неисце́льными не­ду́­ги стра́ждущих и ко свя­то́­му о́б­ра­зу Тво­ему́ с ве́­рою при­па́­даю­щих! Я́ко­же пти́ца крило́ма покрыва́ет птенцы́ своя́, та́­ко и Ты ны́­не, при́с­но жи́ва су́­щи, по­кры́й нас мно­го­це­ле́б­ным Тво­и́м омофо́ром. Та́­мо, иде́­же наде́жда исчеза́ет, не­сум­не́н­ною на­де́ж­дою бу́­ди. Та́­мо, иде́­же лю́тыя ско́р­би превозмога́ют, тер­пе́­ни­ем и осла́бою яви́­ся. Та́­мо, иде́­же мрак отча́яния в ду́­ши все­ли́­ся, да возсия́ет неизрече́нный свет Бо­же­ства́! Малоду́шныя уте́ши, немощны́я укре­пи́, ожесточе́нным сердца́м умягче́ние и про­све­ще́­ние да́­руй. Ис­це­ли́ боля́щия лю́­ди Твоя́, о, все­ми́­лос­ти­вая Ца­ри́­це! Ум и ру́­ки врачу́ющих нас благослови́, да послу́жат ору́дием всемо́щнаго Врача́ Хри­ста́ Спа́­са на́­ше­го. Я́ко живе́й Ти су́­щей с на́­ми, мо́­лим­ся пред ико́­ною Твое́ю, о, Вла­ды́­чи­це! Про­стри́ ру́­це Твои́, испо́лненныя ис­це­ле́­ния и врачбы́, Ра́­дос­те скор­бя́­щих, в пе­ча́­лех Уте­ше́­ние, да чудотво́рную по́­мощь ско́ро по­лу­чи́в, про­сла­вля­ем Живонача́льную и Неразде́льную Тро́ицу, От­ца́, и Сы́­на, и Свя­та́­го Ду́­ха во ве́­ки ве­ко́в. Ами́нь.

^ Пресвятой Богородице в честь Ее иконы «Скоропослушница»

Тропарь, глас 4-й:44

К Богоpо́дице пpитеце́м, су́щии в беда́х,/ и святе́й ико́не Ея́ ны́не пpипаде́м,/ с ве́pою зову́ще из глубины́ души́:/ ско́pо на́ше услы́ши моле́ние, Де́во,/ я́ко Скоpопослу́шница наpе́кшаяся,/ Тебе́ бо pаби́ Твои́ в ну́ждах// гото́вую Помо́щницу и́мамы.

К Богородице обратимся, находящиеся в бедах, и у святой иконы Ее сейчас преклоним колени, с верой взывая из глубины души: «Поскорее услышь нашу молитву, Дева, так как зовешься Скоропослушницей, поскольку Ты быстрая Помощница в скорбях для рабов Твоих».

Кондак, глас 8-й:44

В мо́ри жите́йстем обурева́емии,/ треволне́нию подпа́даем страсте́й и искуше́ний./ Пода́ждь у́бо нам, Госпоже́, ру́ку по́мощи, я́коже Петро́ви Сын Твой,/ и ускори́ от бед изба́вити ны, да зове́м Ти:// ра́дуйся, всеблага́я Скоропослу́шнице.

В бурном море житейском мы попадаем в штормы страстей и искушений. Подай же нам, Госпожа, руку помощи, как Петру Сын Твой (Мф.14:28-31), и поспеши от бед избавить нас, да взываем к Тебе: «Радуйся, всеблагая Скоропослушница».

Молитва:

Преблагослове́нная Влады́чице, Присноде́во Богоро́дице, Бо́га Сло́ва па́че вся́каго сло́ва на спасе́ние на́ше ро́ждшая, и благода́ть Его́ преизоби́льно па́че всех прия́вшая, мо́ре я́вльшаяся Боже́ственных дарова́ний и чуде́с приснотеку́щая река́, излива́ющая бла́гость всем, с ве́рою к Тебе́ прибега́ющим! Чудотво́рному Твоему́ о́бразу припа́дающе, мо́лимся Тебе́, всеще́дрей Ма́тери Человеколюби́ваго Влады́ки: удиви́ на нас пребога́тыя ми́лости Твоя́, и проше́ния на́ша, приноси́мая Тебе́, Скоропослу́шнице, ускори́ испо́лнити, все, е́же на по́льзу во утеше́ние и спасе́ние коему́ждо устроя́ющи. Посети́, Преблага́я, рабы́ Твоя́ благода́тию Твое́ю, пода́ждь неду́гующим цельбу́ и соверше́нное здра́вие, обурева́емым тишину́, плене́нным свобо́ду и разли́чными о́бразы стра́ждущих уте́ши, изба́ви, всеми́лостивая Госпоже́, всяк град и страну́ от гла́да, я́звы, тру́са, пото́па, огня́, меча́ и ины́я ка́зни вре́менныя и ве́чныя, Ма́терним Твои́м дерзнове́нием отвраща́ющи гнев Бо́жий: и душе́внаго разслабле́ния, обурева́ния страсте́й и грехопаде́ний свободи́ рабы́ Твоя́, я́ко да непреткнове́нно во вся́ком благоче́стии пожи́вше в сем ве́це, и в бу́дущем ве́чных благ сподо́бимся благода́тию и человеколю́бием Сы́на Твоего́ и Бо́га, Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м и Пресвяты́м Ду́хом, ны́не и при́сно, и во ве́ки веко́в. Ами́нь.

Преблагословенная Владычица, Приснодева Богородица, Бога-Слово выше всякого слова на спасение нам родившая, и благодать Его преизобильно более всех принявшая, явившаяся морем Божественных дарований и чудес вечно текущая река, изливающая благость всем, с верою к Тебе прибегающим! К чудотворному Твоему образу припадая, молимся Тебе, всещедрой Матери Человеколюбивого Владыки: дивно яви на нас изобильные милости Твои, и прошения наши, приносимые Тебе, Скоропослушница, скоро исполни, устраивая все, что служит каждому на пользу, во утешение и спасение. Посети, Преблагая, рабов Твоих благодатию Твоею, подай недужным исцеление и совершенное здравие, охваченным бурей – тишину, пленным – свободу и различным образом страждущих утешь. Избавь, всемилостивая Госпожа, всякий город и страну от голода, язвы, землетрясения, потопа, огня, меча и иного наказания временного и вечного, Материнским Твоим дерзновением отвращая гнев Божий; и от душевного расслабления, бури страстей и грехопадений освободи рабов Твоих, чтобы без преткновения во всяком благочестии пожив в нынешнем веке, и в будущем вечных благ сподобимся по благодати и человеколюбию Сына Твоего и Бога, Которому подобает всякая слава, честь и поклонение, со Безначальным Его Отцом и Пресвятым Духом, ныне и всегда, и во веки веков. Аминь.

^ Cвятителю Нектарию Эгинскому

Тропарь, глас 1-й:

Силиврии о́трасль и Эги́ны храни́теля, в после́дняя ле́та я́вльшагося, доброде́тели дру́га и́скренняго, Некта́рия почти́м ве́рнии, я́ко боже́ственнаго служи́теля Христо́ва: то́чит бо цельбы́ многоразли́чныя благоче́стно вопию́щим: сла́ва просла́вльшему тя Христу́, сла́ва да́вшему ти чуде́с благода́ть, сла́ва де́йствующему тобо́ю всем исцеле́ния.

Селибрии росток и Эгины хранителя, в последние времена нам явившегося, близкого друга добродетели, Нектария почтим верующие, как священнослужителя Христова, ибо он источает многоразличные исцеления благочестиво взывающим: «Слава прославившему тебя Христу, слава Давшему тебе чудес благодать, слава Подающему через тебя всем исцеления».

Кондак, глас 2-й:46

Боже́ственный гро́м, труба́ духо́вная, ве́ры насади́телю и отсека́телю ересе́й, Тро́ицы уго́дниче, вели́кий святи́телю Некта́рие, со А́нгелы предстоя́ при́сно, моли́ непреста́нно о все́х на́с.

Божественный гром, труба духовная, веры насадитель и отсекатель ересей, Троицы угодник, великий святитель Нектарий, с Ангелами всегда предстоя, моли непрестанно обо всех нас.

Молитва:

О, святи́телю Некта́рие, о́тче Богому́дрый! Приими́, блюсти́телю ве́ры правосла́вныя, испове́дание усте́н люде́й христоимени́тых, со́бранных днесь в хра́ме благода́тию Бо́жиею, в тебе́ живу́щею. Весть бо дости́же до преде́л Росси́йских, я́ко ты, ве́лий во святы́х уго́дниче Христо́в, во всех конце́х вселе́нныя призыва́ющим и́мя твое́ явля́ешися и от ра́ковыя боле́зни исцеле́ние да́руеши. Слы́шахом об иере́е, тебе́ тезоимени́том и храм во и́мя твое́ созида́вшем со скорбьми́ ве́лиими. Ра́ковою у́бо я́звою грудно́ю пораже́н бе, кро́ви на всяк день точа́щейся, и стражда́ше лю́те, де́ла же своего́ свята́го не оставля́ше. Внеза́пу ты, святи́телю многоми́лостиво, с Небесе́ сшед, ему́ во хра́ме предста́л еси́ в ви́димом о́бразе. Он же непщу́я тя собра́та еди́на от сме́ртных бы́ти, проша́ше моли́тв твои́х и рече́: «Боля́й есмь вельми́, оба́че хощу́ святы́й олта́рь назда́ти, да поне́ еди́ножды святу́ю Литурги́ю вку́пе с прихожа́ны совершу́; после́жде и умре́ти гото́в есмь, смерть бо мя не страши́т». Ты же, о́тче, безпло́тен сый, слеза́ми лице́ свое́ ороша́ше! и объе́м страда́льца, лобыза́ше и глаго́ля: «Не тужи́, ча́до мое́, я́ко, боле́знию испы́тан, здрав бу́деши. Вси у́бо о чудеси́ сем ве́дати и́мут». Он же, исцеле́н быв, а́бие разуме́, с кем бесе́доваше, тебе́ неви́диму бы́вшу. О, вели́кий уго́дниче Христо́в Некта́рие! Храм о́ный сверше́н есть ны́не, и чудеса́ твои́ а́ки мо́ре преизлива́ющееся умно́жишася! Мы же позна́хом, я́ко моли́тве пра́ведника до́лжно поспешеству́емой бы́ти усе́рдием на́шим к слу́жбе Бо́жией и реши́мостью за Христа́ умира́ти, да здра́ви обря́щемся. Мо́лят тя, о́тче пра́ведный, боля́щая ча́да твоя́: да соверша́ется с на́ми во́ля Бо́жия, блага́я, уго́дная и соверше́нная, не хотя́щи сме́рти гре́шнику, но е́же обрати́тися и жи́ву бы́ти ему́. Ты же, провозве́стниче во́ли Бо́жией, исцели́ ны благода́тным явле́нием свои́м, да вели́к бу́дет Бог на Небеси́ и на земли́ во ве́ки веко́в! Ами́нь.

Молитвы об исцелении болящего

^ Молитва 1-я47

Влады́ко, Вседержи́телю, святы́й Царю́, наказу́яй и не умерщвля́яй, утвержда́яй низпа́дающия и возводя́й низве́рженныя, теле́сныя челове́ков ско́рби исправля́яй, мо́лимся Тебе́, Бо́же на́ш, раба́ Твоего́ (и́мя) немощству́юща посети́ ми́лостию Твое́ю, прости́ ему́ вся́кое согреше́ние во́льное и нево́льное. Е́й, Го́споди, враче́бную Твою́ си́лу с небесе́ низпосли́, прикосни́ся телеси́, угаси́ огне́вицу, укроти́ стра́сть и вся́кую не́мощь тая́щуюся, бу́ди вра́ч раба́ Твоего́ (и́мя), воздви́гни его́ от одра́ боле́зненнаго и от ло́жа озлобле́ния це́ла и всесоверше́нна, да́руй его́ Це́ркви Твое́й благоугожда́юща и творя́ща во́лю Твою́. Твое́ бо е́сть, е́же ми́ловати и спаса́ти ны́, Бо́же на́ш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

^ Молитва 2-я

О, Премилосе́рдый Бо́же, О́тче, Сы́не и Святы́й Ду́ше, в Неразде́льней Тро́ице покланя́емый и сла́вимый, при́зри благоутро́бно на раба́ Твоего́ (и́мя), боле́знию одержи́маго; отпусти́ ему́ вся́ согреше́ния его́; пода́й ему́ исцеле́ние от боле́зни; возврати́ ему́ здра́вие и си́лы теле́сные; пода́й ему́ долгоде́нственное и благоде́нственное житие́, ми́рныя Твои́ и преми́рныя бла́га, что́бы о́н вме́сте с на́ми приноси́л благода́рныя мольбы́ Тебе́, Всеще́дрому Бо́гу и Созда́телю на́шему.

Пресвята́я Богоро́дица, всеси́льным заступле́нием Твои́м помоги́ мне умоли́ть Сы́на Твоего́, Бо́га моего́, об исцеле́нии раба́ Бо́жия (и́мя).

Все святы́е и а́нгелы Госпо́дни, моли́те Бо́га о больно́м рабе́ Его́ (и́мя). Ами́нь.

5 Минея общая. Служба обща святым ангелом и прочым безплотным. 7 Канонник. Канон праведному Иоанну Кронштадтскому. 8 Канонник. Канон святителю и чудотворцу Спиридону Тримифунтскому. 9 Канонник. Канон великомученику и целителю Пантелеимону. 10 Канон молебный ко Пресвятой Богородице. 14 Акафист святителю Димитрию Ростовскому. 23 Приложение к часослову. Тропари и кондаки общие. 35 Канон святому апостолу Петру. 43 Акафист Пресвятой Богородице пред иконой «Всецарица». 45 Канонник. Канон Пресвятой Богородице пред иконой Ее «Скоропослушница». 46 Минея общая. Служба обща святителю единому.

Молитвы о болящих

Заботясь о больном человеке, ухаживая за ним, мы не должны забывать о том, что его душа нуждается даже в большем попечении, чем тело. Телесные страдания тесно связаны с состоянием души. Вот что пишет архиепископ Лука: «Общеизвестно могущественное влияние психики больного на течение болезни. Состояние духа больного, его доверие или недоверие врачу, глубина его веры и надежды на исцеление или, наоборот, психическая депрессия, вызванная неосторожными разговорами врачей в присутствии больного о серьезности его болезни, глубоко определяет исход болезни. Психотерапия, состоящая в словесном, вернее, духовном, воздействии врача на больного – общепризнанный, часто дающий прекрасные результаты метод лечения многих болезней».

Поддерживайте духовно того, кого постиг недуг. Слова сочувствия, утешения и надежды в сочетании с молитвой сотворят чудеса и, возможно, полностью исцелят его. В этой книге собраны молитвы о здравии людей, страдающих различными недугами, а также благодарственные молитвы, которые нужно читать ежедневно, благодаря Бога за каждый прожитый день, за ниспослание здоровья и счастья.

Молитва Святому Духу

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Благодарни суще недостойнии раби Твои, Господи, о Твоих великих благодеяниих на нас бывших, славяще Тя хвалим, благословим, благодарим, поем и величаем Твое благоутробие, и рабски любовию вопием Ти: Благодетелю Спасе наш, слава Тебе.

Твоих благодеяний и даров туне, яко раби непотребнии, сподобльшиеся, Владыко, к Тебе усердно притекающе, благодарение по силе приносим, и Тебе яко Благодетеля и Творца славяще вопием: слава Тебе, Боже Всещедрый.

Слава Отцу и Сыну и Святому Духу. И ныне и присно и во веки веков. Аминь.

Богородице, христианом Помощнице, Твое предстательство стяжавше раби Твои, благодарно Тебе вопием: радуйся, Пречистая Богородице Дево, и от всех нас бед Твоими молитвами всегда избави, Едина вскоре предстательствующая.

Благодарственная молитва об исцелении (святого Иоанна Кронштадтского)

Слава Тебе, Господи Иисусе Христе, Сыне единородный безначального Отца, Едине исцеляяй всякий недуг и всякую язю в людех, яко помиловал мя еси грешнаго и избавил еси мя от болезни моея, не попустив ей развиться и умертвить меня по грехам моим. Даруй мне отныне, Владыко, силу твердо творить волю Твою во спасение души моей окаянной и во славу Твою со безначальным Твоим Отцем и единосущным Твоим Духом, ныне и присно и во веки веков. Аминь.

Молитвы об исцелении болящих

Молитва ко Господу

Владыко Вседержителю, Святый Царю, наказуяй и не умерщвляяй, утверждаяй низпадающия, возводяй низверженныя, телесныя человеков скорби исправляя и, молимся Тебе, Боже наш, раба Твоего (имя), немощствующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таящуюся, буди врач раба Твоего (имя), воздвигни его от одра болезненнаго, и от ложа озлобления цела и всесовершенна, даруй его Церкви Твоей благоугождающа и творяща волю Твою, Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков, аминь.

Молитва ко Господу (иная)

Владыка Вседержителю, Врачу душ и телес наших, смиряяй и и возносяй, наказуяй и паки исцеляяй! Раба Твоего (имя) немощствующа посети и исцели его, возставив от одра и немощи. Запрети духу немощи, остави от него всяку язву, всяку болезнь, и еже есть в нем согрешение или беззаконие, ослаби, остави, прости Твоего ради человеколюбия. Ей, Господи, пощади создание Твое во Христе Иисусе, Господе нашем, с Ним же благословен еси, и со Пресвятым, и Благим, и Животворящим Твоим Духом, ныне и присно и во веки веков. Аминь.

Молитва об исцелении больного

О, Премилосердый Боже, Отче, Сыне и Святый Душе, в нераздельной Троице поклоняемый и славимый, призри благоутробно на раба Твоего (имя), болезнею одержимаго; отпусти ему вся согрешения его; подай ему исцеление от болезни; возрати ему здравие и силы телесныя; подай ему долгоденственное и благоденственное житие, мирные Твои и примирные блага, чтобы он вместе с нами приносил благодарные мольбы Тебе, Всещедрому Богу и Создателю моему. Пресвятая Богородица, всесильным заступлением Твоим помоги мне умолить Сына Твоего, Бога моего, об исцелении раба Божия (имя). Все святые и ангелы Господни, молите Бога о больном рабе Его (имя). Аминь.

Скорый в заступлении един сый, Христе, скорое свыше покажи посещение страждущему рабу Твоему, и избави от недуг и горьких болезней и воздвигни во еже пети Тя и славити непрестанно, молитвами Богородицы, едине Человеколюбче.

На одре болезни лежащаго и смертною раною уязвленнаго, якоже иногда воздвигл еси, Спасе, Петрову тещу и разслабленнаго на одре носимого, сице и ныне, Милосерде, страждущаго посети и исцели: Ты бо един еси недуги и болезни рода нашего понесый, и вся могий, яко Многомилостив.

Канон за болящего

Став пред святыми иконами, со смирением сердца и сокрушенным помыслом сотворите обычные поклоны с молитвами:

Боже, милостив буди мне грешному (поклон).

Боже, очисти грехи моя, и помилуй мя (поклон).

Создавый мя, Господи, помилуй (поклон).

Без числа согреших, Господи, прости мя (поклон).

Владычице моя, Пресвятая Богородица, спаси мя грешного (поклон).

Ангеле, хранителю мой святый, от всякаго зла сохрани мя (поклон).

Святый (апостоле, или мучениче, или преподобне отче, имярек) моли Бога о мне (поклон).

По сем глаголи начало: Молитвами святых отец наших, Господи Иисусе Христе, Боже наш, помилуй нас. Аминь. Слава Тебе, Боже наш, слава Тебе, Царю Небесный.

Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном.)

Слава Отцу и Сыну и Святому Духу, и ныне и присно и во веки веков. Аминь.

Молитва Пресвятой Троице

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи, помилуй. (Трижды.) Слава Отцу и Сыну и Святому Духу. И ныне и присно и во веки веков. Аминь.

Молитва Господня

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже, и мы оставляем должником нашим; и не введи нас во искушение, но избави нас от лукаваго. Молитвами святых отец наших, Господи Иисусе Христе Боже наш, помилуй нас. Аминь.

Господи, помилуй (12 раз).

Слава Отцу и Сыну и Святому Духу. И ныне и присно и во веки веков. Аминь.

Приидите поклонимся (трижды).

Псалом 50

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих; яко да оправдашися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоей явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мой отверзши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены иерусалимския. Тогда благоволиши жертву правды, возношение и всесожегаемая; тогда возложат на олтарь Твой тельцы.

Канон за болящего (иной)

Припев (запев) читается после каждого стиха, но если следующий куплет начинается со «Славы» или «И ныне», то он откладывается.

Пресекаемое море жезлом древле, Израиль пройде яко по пустыни, и крестообразно яве, преду готовляет стези. Сего ради поем во хвалении чудному Богу нашему, яко прославися.

Запев. Милостиве Господи, услыши молитву раб Своих, молящихся Тебе.

В день печали нашедшия на ны к Тебе, Христе Спасе, припадающе, твоя милости просим, облегчи болезнь раба Твоего, изреки нам, яко сотнику: «Иди, се здрав есть отрок твой».

Милостиве Господи, услыши молитву раб Своих, молящихся Тебе.

Мольбы и моления с воздыханием к Тебе, вопием Свое Божий: помилуй нас. Воздвигни со одра лежащаго, яко раслабленнаго словом: «Возьми одр твой, глаголя отпущаются ти греси твои».

Слава Отцу и Сыну и Святому Духу. Твоего, Христе, образа подобию поклоняющиеся, верою целуем, и болящему здравия просим, подражающе кровоточивый, яже подольце риз Ти коснуся исцеление недуга приять.

И ныне и присно и во веки веков. Аминь. Пречистая Госпоже Богородице, всем известная помощница, не презри нас к Тебе припадающих моли яко блага Своего Сына и Бога нашего, дати здравие болящему, да Тя с нами прославляет.

Иже от несущих вся приведый, словом созидаемая, совершаемая духом Вседержителю Вышний: в любви Твоей утверди мене.

Иже от тяжких болезней на земли повержен к Тебе Христе, с нами вопиет, подаждь здравие телеси его, яко же Езекии плакавшемуся к тебе.

Призри, Господи, на наше смирение, и не помяни беззаконий наших, но веры ради болящего, яко прокаженнаго словом исцели ему болезнь, да Твое, Христе, славится имя.

Слава Отцу и Сыну и Святому Духу. Церковь, юже еси освятил, на ту Христе не даждь поношения, но воздвигни невидимо в недузе на одре лежащаго, в нейже Тя молят, да не рекут невернии, где есть Бог их.

И ныне и присно и во веки веков. Аминь. К Твоему пречистому, Богородице, Образу руце воздеюще вопием, услыши раб Твоих молитву и спаси в болезни лежащаго, да от болезни востав, воздаст обеты, яже в печали глаголаша уста его.

На одре греховном слежаща мя, и страстьми уязвлена, якоже воздвиг Петрову тещу и спас разслабленнаго носима со одром, тако и ныне посети, Милостиве, болящаго, понесый недуги рода нашего, Тебе единаго свемы терпелива и милосерд на, милос тива врача душам и телесем, Христа Бога нашего, наводяща недуги и паки исцеляюща, подавающа прощение кающимся о согрешениих единаго милосердаго и милостиваго.

Слава Отцу и Сыну и Святому Духу (гл. 2): Аз грешный плачуся на одре своем слежа, прощение ми подаждь, Христе Боже, и от болезни воздвигни мя, яже есм от юности грехи сотворил, избыти ми молитвами Богородицы сих даруй.

И ныне и присно и во веки веков. Аминь. Умилосердися и спаси мя воздвигни мя от одра болезненнаго, мощь бо моя во мне изнеможе и весь нечаянием одержим есмь, Мати Божия Пречистая, исцели недугующа, Ты бо еси помощница христианом.

Положил еси к нам твердую любовь Господи: Единородного бо Твоего Сына за ны на смерть дал еси Темже ти зовем благодаряще: слава силе Твоей, Господи.

Уж отчаянна лютым недугом и к смерти приближавшася, возвати, Христе, на живо и даждь плачущимся утеху, да вси прославляем Твоя святыя чудеса.

К Тебе, творче, каемся своих грех, яко не хощеши смерти грешничи, оживи, оздрави болящаго, да воставь послужит Ти, исповедая с нами Твою благость.

Слава Отцу и Сыну и Святому Духу. Слезы Манасиины, Ниневитян покаяние, Давидово исповедание приим, вскоре спасл еси: и наши молитвы ныне приими, даждь здравие болящему, о нему же Ти молим.

И ныне и присно и во веки веков. Аминь. Подаждь нам Твою милость Госпоже, всегда на Тя надеющимся, испроси здравие болящему, врачебнии Твои руце с Предтечею, Богородице, ко Господу Богу простирающи.

На земли невидимый явился еси, и человеком волею сожил еси непостижимый, и к Тебе утренююще, воспеваем Тя, человеколюбче.

Дщерь Иаирову уже умершу, яко Бог оживил еси, и ныне возведи, Христе Боже, от врат смертных болящаго, Ты бо еси путь и живит всем.

Сына вдовича оживил, Спасе, и тоя слезы преложив на радость, спаси от недуга тлеющаго раба си, да и наша скорбь и болезнь на радость прейдет.

Слава Отцу и Сыну и Святому Духу. Огненную болезнь тещи Петрове прикосновением Твоим исцелив, и ныне востави болящаго раба Твоего, да востав, яко Иона, послужит Ти.

И ныне и присно и во веки веков. Аминь. Скорбнии, смирении, грешнии, не имеющии дерзновения, к Тебе Пречистая Богомати вопием, умоли Сына своего Христа, дати болящему здравие телеси.

Бездна последняя грехов обыде мя, и исчезает дух мой, но прострый, Владыко, высокую Твою мышцу, яко Петра мя Управителю, спаси.

Бездну милосердия и милости имея, Христе Боже, внуши моления раб Твоих. Ты бо еси Петром Тавифу воскресив, Ты и ныне в болезни лежащаго воздвигни, послушав церковных молитвенник.

Врачу душам и телесем нашим, понесый недуги всего мира, Христе, Енея Петром исцеливый, Ты и ныне болящаго исцели, Святых Апостол молитвами. Слава Отцу и Сыну и Святому Духу. Преложи, Христе, на радость рыдание о недужнем скорбящих, да Твою получивше милость, внидут в дом Твой, со обетными дарами, славяща тя в Троице единаго Бога.

И ныне и присно и во веки веков. Аминь. Приидите, о друзи, поклонимся молящеся о болящем Божии Матери, Та бо имеет власть недужная исцеляти, со безмездникома вкупе духовным невидимо помазающе маслом.

Душу мою, Господи, во грехах всяческих, и безместными деяньми люте разслабленну, воздвигни божественным си человеколюбием, якоже и разслаб леннаго воздвигл еси древле, да зову Ти спасаем: щедрый Христе, даждь ми исцеление.

Ирмос: Иже руки Своея горстию содержай концы, Иисусе Боже, Иже Отцу собезначальный, и Духу Святому совладычествуя всяко плотию, явился еси, недуги исцеляя, и страсти очистил еси, слепца просветил еси, и раслабленнаго словом Божественным совоставил еси, сего право ходяща сотворив и одр повелел еси на раму взяти. Тем же вси с ним воспеваем и поем: щедрый Христе, даждь ми исцеление.

Прежде образу златому, персидскому чтилищу, отроцы не поклонишася, трие поюще посреде пещи: отцев Боже, благословен еси.

О Кресте пресвятый Христов, честное древо животное, тобою смерть погибе и мертвии воскресоша, и ныне больнаго исцели и оживи, якоже при Елене умершую девицу.

Долгую и лютую болезнь Иовлю на гноищи и в червех того молящася, словом исцелил еси, Господи. И ныне же в церкви о болящем молим Тя, яко благ исцели невидимо молитвами Святых Твоих.

Слава Отцу и Сыну и Святому Духу. Вси свемы, яко умрети нам есть, Тебе Богу тако изволившу, но на мало время Милостиве, здравия просим болящему, премени от смерти на жизнь даждь скорбящим утеху.

И ныне и присно и во веки веков. Аминь. Пособствуй и помогай нашему сиротству, Богородице, Ты бо веси время и час, когда умолити Сына Твоего и Бога нашего, дати болящему здравие и прощение от всех грех.

Служити живому Богу, в Вавилоне отроцы претерпевше, о мусикийских органах нерадиша, и посредь пламени стояще боголепную песнь воспеваху, глаголюще: благословите вся дела Господня Господа.

Здрава покажи, Владыко, болящаго раба Твоего, и скоро исцели, милостиве Христе Боже, и еще смерти не предаждь судней да Ти покаяние воздаст. Сам бо рекл еси: не хощу смерти грешничи.

Господи милостиве, твоя преславная чудеса и до нас ныне достигнут: бесы прожени, недуги погуби, раны исцели, болезни уврачуй, и потворы и чародеяния и всякие язи избави ны.

Слава Отцу и Сыну и Святому Духу. Запретивый, Христе, морским ветром, и страх ученик на радость преложивый, и ныне запрети тяжким болезнем, труждающим раба Твоего, да вси возвеселимся, хваляще Тя во веки.

И ныне и присно и во веки веков. Аминь. Избави, Богородице, от обышедших ны печалей, различных недуг, отравы же и чародейства, и бесовского мечтания и от урока злых человек и напрасныя смерти, молимся.

На синайстей горе виде Тя в купине Моисей, неопально огнь Божества заченшую во чреви; Даниил же Тя виде гору несекомую, жезл прозябший, Исаия взываше, от корене Давидова.

Источниче жизни, подателю Христе милости, не отврати лица Твоего от нас, облегчи болезнь утружденному болезнею, и воздвигни яко Оаддеем Авгаря, да присно Тебе славить, со Отцем и Святым Духом.

Евангельскому верующе часу, Твоего ищем обета, Христе: просите, рекл еси бо, и дастся вам. Тем ныне предстояще молим Тя, возстави со одра здрава лютым повержена недугом, да тя с нами вкупе величает.

Слава Отцу и Сыну и Святому Духу. Мучимый недугом, внутрь невидимыми ранами, Тебе, Христе, с нами вопиет, не нам Господи, не нас ради, вси бо есмы исполнены грехов, но Матерьними и Предтечевыми молитвами даждь исцеление болящему, да Тя вси возвеличим.

И ныне и присно и во веки веков. Аминь. Божия, Мати Пречистая, со всеми Святыми призываем Тя: со Ангелы и Архангелы, со пророки и патриархи, со Апостолом, с преподобными, праведными молися Христу Богу нашему, дати здравие болящему, дя тя вси величаем.

Боже сильный милостию, строяй вся на спасение роду человеческому, посети раба Своего сего (имя), нарицающа имя Христа твоего, исцели его от всякаго недуга плотскаго и отпусти грехи и греховные соблазны, и всяку напасть, и всякое нашествие неприязненно далече сотвори от раба Твоего, и воздвигни от одра греховнаго, и устрой его во святую Твою Церковь здрава душею и телом и делы добрыми славящаго со всеми людьми имя Христа Твоего, яко Тебе славу возсылаем, со безначальным Ти Сыном, и со Святым Духом ныне и присно и во веки веков. Аминь.

Достойно есть яко воистинну блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Слава Отцу и Сыну и Святому Духу. И ныне и присно и во веки веков. Аминь. Господи, помилуй (трижды).

Молитвами святых отец наших, Господи Иисусе Христе Боже наш, помилуй нас, Аминь.

По сем нужно положить обычные отходные поклоны, читая при этом молитвы:

Требник (разное). Последование молебна за болящего

Послѣ́дованіе моле́бна за боля́щаго.

Іере́й ѡблече́нъ въ фелѡ́нь, начина́етъ:

Бл҃гослове́нъ бг҃ъ на́шъ: Ли́къ: Ами́нь. Сла́ва тебѣ̀, бж҃е на́шъ, сла́ва тебѣ̀. Цр҃ю̀ нбс̑ный: Трист҃о́е по Ѻ́ч҃е на́шъ. Гдс̑и, поми́луй, в҃і. Сла́ва, и ны́нѣ: Пріиди́те, поклони́мся: три́жды.

И ѱало́мъ рм҃в:

Гдс̑и, услы́ши моли́тву мою̀: Сла́ва, и ны́нѣ: Аллилу́іа, три́жды.

Та́же глаго́летъ іере́й илѝ діа́конъ єктенію̀ сію̀ ѡ больно́мъ:

Ми́ромъ гдс̑у помо́лимся.

Ѡ рабѣ̀ бж҃іи (илѝ рабѣ̀ бж҃іей), и́мр̑къ, и ѡ є́же прости́ти єму̀ (илѝ є́й) вся́кое прегрѣше́ніе во́льное и нево́льное, и ми́лостиву бы́ти єму̀ (илѝ є́й), гдс̑у помо́лимся.

Ѡ є́же вско́рѣ, я́кѡ со́тнича ѻ́трока, ханане́ину дще́рь и петро́ву те́щу, сло́вомъ си́лы своея̀ ми́лостивнѡ исцѣли́ти, и ѿ ѻдра̀ болѣ́зни воздви́гнути єго̀ (илѝ ю̀), гдс̑у помо́лимся.

Ѡ є́же, я́коже иногда̀ разсла́бленнаго, сло́вомъ бж҃е́ственныя своея̀ бл҃года́ти ско́рѡ ѿ ѻдра̀ болѣ́зни воздви́гнути, и здра́ва (илѝ здра́ву) сотвори́ти, гдс̑у помо́лимся.

Ѡ є́же не презрѣ́ти прилѣ̂жная молє́нія раба̀ своегѡ̀ (илѝ рабы̀ своея̀), но ми́лостивнѡ услы́шати и поми́ловати єго̀ (илѝ ю̀) и здра́віе єму̀ (илѝ є́й) пода́ти, гдс̑у помо́лимся.

Ѡ є́же посѣти́ти єго̀ (илѝ ю̀) посѣще́ніемъ ст҃а́гѡ своегѡ̀ дх҃а, и исцѣли́ти вся́къ неду́гъ, и вся́кую болѣ́знь въ не́мъ (илѝ въ не́й) гнѣздя́щуюся, сла́вы ра́ди и́мене своегѡ̀, гдс̑у помо́лимся.

Ѡ є́же ми́лостивнѡ, я́коже ханане́инъ, услы́шати гла́съ моле́нія на́съ недосто́йныхъ рабѡ́въ свои́хъ къ нему̀ вопію́щихъ: и я́коже тоя̀ дще́рь поми́ловати и исцѣли́ти больна́го раба̀ своего̀ (илѝ больну́ю рабу̀ свою̀) и́мр̑къ, гдс̑у помо́лимся.

Заступѝ, спасѝ, поми́луй, и сохранѝ раба̀ твоего̀ (илѝ рабу̀ твою̀) и́мр̑къ, и на́съ бж҃е, твое́ю бл҃года́тію.

Ли́къ: Гдс̑и поми́луй.

Прест҃у́ю, пречс̑тую:

Возгла́съ: Я́кѡ подоба́етъ тебѣ̀ вся́кая сла́ва, че́сть и поклоне́ніе, ѻц҃у̀, и сн҃у, и ст҃о́му дх҃у, ны́нѣ и при́снѡ, и во вѣ́ки вѣкѡ́въ.

Ли́къ: Ами́нь.

И а́біе пою́тъ: Бг҃ъ гдс̑ь и яви́ся на́мъ: Гла́съ д҃.

Сті́хъ: Исцѣли́ мя̀, гдс̑и, я́кѡ смято́шася кѡ́сти моя̂, и душа̀ моя̀ смяте́ся ѕѣлѡ̀.

Тропа́рь, гла́съ то́йже:

Ско́рый въ заступле́ніи єди́нъ сы́й хрс̑тѐ, ско́рое свы́ше покажѝ посѣще́ніе стра́ждущему рабу̀ твоему̀ (илѝ стра́ждущей рабѣ̀ твое́й), изба́ви неду́гѡвъ, и го́рькихъ болѣ́зней: воздви́гни во є́же пѣ́ти тя̀ и сла́вити непреста́ннѡ, моли́твами бцд̑ы, єди́не чл҃вѣколю́бче.

Сла́ва: При́зри ми́лостивнѡ, гдс̑и, милосе́рдымъ твои́мъ ѻ́комъ на смире́нное на́ше моле́ніе, и не презрѣ́въ є̀, человѣколю́бнѡ посѣтѝ болѣ́знію ѡбдержи́маго раба̀ твоего̀ (илѝ рабу̀ твою̀), на́ми ны́нѣ къ тебѣ̀ припа́дающаго (илѝ припа́дающую), и си́лою твоегѡ̀ благосе́рдія воздви́гни єго̀ (илѝ ю̀) моли́твами бцд̑ы, єди́не чл҃вѣколю́бче.

И ны́нѣ: Моле́ніе те́плое, и стѣна̀ неѡбори́мая, ми́лости исто́чниче, мі́рови прибѣ́жище, прилѣ́жнѡ вопіе́мъ тѝ: бцд̑е влд̑чце, предварѝ, и ѿ бѣ́дъ изба́ви раба̀ твоего̀ (илѝ рабу̀ твою̀), єди́на вско́рѣ предста́тельствующая.

Посе́мъ ѱало́мъ н҃: Поми́луй мя̀ бж҃е:

А́біе пою́тъ, илѝ са́мъ іере́й чте́тъ канѡ́нъ се́й, гла́съ г҃:

Пѣ́снь а҃.

Ірмо́съ: Пресѣка́емое мо́ре жезло́мъ дре́вле, іи҃ль про́йде я́кѡ по пусты́ни, и крестоѻбра́знѡ я́вѣ предъ̑уготовля́етъ стєзѝ. сегѡ̀ ра́ди пои́мъ во хвале́ніи чу́дному бг҃у на́шему:

я́кѡ просла́вися.

Сті́хъ: Гдс̑и, да не я́ростію твое́ю ѡбличи́ши менѐ, нижѐ гнѣ́вомъ твои́мъ нака́жеши менѐ.

Въ де́нь печа́ли, наше́дшія на ны̀, къ тебѣ̀, сп҃се, припа́дающе, твоея̀ ми́лости про́симъ: ѡблегчѝ болѣ̂зни раба̀ твоегѡ̀ (илѝ рабы̀ твоея̀), рцы̀ и на́мъ я́кѡ и со́тнику: сѐ здра́въ є́сть ѻ́трокъ тво́й.

Сті́хъ: Поми́луй мя̀ гдс̑и, я́кѡ не́мощенъ є́смь.

Мѡльбы̀ и молє́нія принося́ще, съ воздыха́ніемъ и вѣ́рою къ тебѣ̀ вопіе́мъ: сн҃е бж҃ій, поми́луй на́съ, и воздви́гни ѿ ѻдра̀ лежа́щаго (илѝ лежа́щую) я́коже разсла́бленнаго сло́вомъ, рекі́й: возмѝ ѻ́дръ тво́й, и ѿпуща́ютъ ти ся грѣсѝ твоѝ.

Сла́ва: Твоегѡ̀, хрс̑тѐ, ѻ́браза подо́бію кла́няющеся, сего̀ вѣ́рою лобза́емъ, и боля́щему (илѝ боля́щей) здра́вія про́симъ, подража́юще кровоточи́вую, я́же воскри́лію ри́зъ твои́хъ прикосну́вшися, исцѣле́ніе неду́га прія́ла є́сть.

И ны́нѣ, бг҃оро́диченъ: Пречс̑тая гпс̑жѐ бцд̑е, всѣ̂мъ извѣ́стная помо́щнице, не пре́зри на́съ, къ тебѣ̀ припа́дающихъ, но молѝ я́кѡ бл҃га́я сн҃а своего̀ и бг҃а на́шегѡ пода́ти здра́віе боля́щему (илѝ боля́щей), да тя̀ съ на́ми прославля́етъ.

Пѣ́снь г҃.

Ірмо́съ: И́же ѿ не су́щихъ вся̂ приведы́й, сло́вомъ созида́ємая, соверша́ємая дх҃омъ, вседержи́телю вы́шній, въ любвѝ твое́й утвердѝ менѐ.

Сті́хъ: Исцѣли́ мя, гдс̑и, я́кѡ смято́шася кѡ́сти моя̂, и душа̀ моя̀ смяте́ся ѕѣлѡ̀.

Ѿ тя́жкихъ болѣ́зней въ зе́млю приве́рженный къ тебѣ̀, хрс̑тѐ, на́ми вопіе́тъ: пода́ждь здра́віе тѣлесѝ, я́коже єзекі́и пла́кавшуся къ тебѣ̀.

Сті́хъ: И ты̀, гдс̑и, доко́лѣ; ѡбрати́ся, гдс̑и, изба́ви ду́шу мою̀.

При́зри на на́ше смире́ніе, и не помянѝ беззако́ній на́шихъ, но вѣ́ры ра́ди боля́щаго (илѝ боля́щую) я́коже прокаже́ннаго сло́вомъ исцѣлѝ, да твоѐ хрс̑тѐ сла́витъ и́мя.

Сла́ва: Це́ркви ю́же ѡст҃и́лъ єсѝ, не да́ждь поноше́нія: воздви́гни неви́димѡ на ѻдрѣ̀ болѣ́зни лежа́щаго (илѝ лежа́щую), и́же мо́лится тебѣ̀, да не реку́тъ невѣ́рніи, гдѣ̀ є́сть бг҃ъ и́хъ.

И ны́нѣ: Къ тебѣ̀ бцд̑е, ру́цѣ воздѣ́юще, вопіе́мъ, услы́ши рабѡ́въ твои́хъ моли́тву, и спасѝ въ неду́зѣ лежа́щаго (илѝ лежа́щую), да ѿ болѣ́зни воста́въ (илѝ воста́вши) возда́стъ ѡбѣ́ты, я́же въ печа́ли глаго́лаша уста̀ єгѡ̀ (илѝ єя̀).

Посе́мъ глаго́летъ іере́й, илѝ діа́конъ, єктєніѝ сія̂:

Поми́луй на́съ бж҃е:

Єщѐ мо́лимся, врачу̀ ду́шъ и тѣле́съ, и со умиле́ніемъ къ тебѣ̀ въ се́рдцѣ сокруше́ннѣмъ припа́даемъ, и стеня́ще вопіе́мъ: исцѣлѝ болѣ́знь, уврачу́й стра̂сти душѝ и тѣ́ла раба̀ твоегѡ̀ (илѝ рабы̀ твоея̀), и́мр̑къ, и простѝ єму̀ (илѝ є́й) я́кѡ бл҃госе́рдъ вся̂ согрѣшє́нія, вѡ́льная и невѡ́льная, и ско́рѡ воздви́гни ѿ ѻдра̀ болѣ́зни, и ми́лостивнѡ услы́ши, и вско́рѣ поми́луй.

Возгла́съ: Я́кѡ ты̀ єсѝ исто́чникъ исцѣле́ній, и бл҃ги́хъ пода́тель, хрс̑тѐ бж҃е на́шъ, и тебѣ̀ сла́ву возсыла́емъ, со безнача́льнымъ твои́мъ ѻц҃е́мъ, и прест҃ы́мъ и бл҃ги́мъ и животворя́щимъ твои́мъ дх҃омъ, ны́нѣ и при́снѡ, и во вѣ́ки вѣкѡ́въ.

Ли́къ: Ами́нь.

Сѣда́ленъ, гла́съ и҃.

Я́коже дре́вле воздви́глъ єсѝ петро́ву те́щу, и спа́слъ єсѝ разсла́бленнаго носи́ма на ѻдрѣ̀, та́кѡ и ны́нѣ посѣтѝ боля́щаго раба̀ твоего̀ (илѝ боля́щую рабу̀ твою̀), ми́лостиве: ты́ бо єди́нъ єсѝ понесы́й неду́ги ро́да на́шегѡ, и тебѐ єди́наго вѣ́мы терпели́ваго и милосе́рдаго, и ми́лостиваго врача̀ ду́шъ и тѣле́съ хрс̑та̀ бг҃а на́шего, наводя́щаго неду́ги, и па́ки возставля́ющаго, и подава́ющаго проще́ніе ка́ющымся ѡ согрѣше́ніихъ, єди́не милосе́рде и всеми́лостиве.

Сла́ва, гла́съ з҃: А́зъ грѣ́шный пла́чуся на ѻдрѣ̀ мое́мъ лежа̀, проще́ніе пода́ждь, хрс̑тѐ бж҃е, грѣхѡ́мъ мои̂мъ, я̀же ѿ ю́ности моея̀ сотвори́хъ, и ѿ болѣ́зни мя̀ воздви́гни, да сла́влю тя̀ єди́наго всеми́лостиваго ду́шъ и тѣле́съ врача̀.

И ны́нѣ: Умилосе́рдися, влд̑чце, и воздви́гни мя̀ ѿ ѻдра̀ болѣ́зненнагѡ, крѣ́пость бо моя̀ во мнѣ̀ изнемо́же, и ве́сь неча́яніемъ ѡдержи́мь є́смь: мт҃и бж҃ія пречс̑тая, исцѣли́ мя неду́гующаго лю́тѣ, ты́ бо єсѝ помо́щница хрс̑тіа́нѡмъ.

Пѣ́снь д҃.

Ірмо́съ: Положи́лъ єсѝ къ на́мъ тве́рдую любо́вь гдс̑и, єдиноро́днаго бо твоего̀ сн҃а за ны̀ на сме́рть да́лъ єсѝ. тѣ́мже тѝ зове́мъ бл҃годаря́ще:

сла́ва си́лѣ твое́й гдс̑и.

Сті́хъ: Сп҃си́ мя ра́ди млс̑ти твоея̀.

Тебѐ, тво́рче, мо́лимся, вся̂ грѣхѝ раба̀ твоегѡ̀ (илѝ рабы̀ твоея̀) простѝ, не хо́щеши бо сме́рти грѣ́шнагѡ: и ѡживѝ и уздра́ви єго̀ болѣ́знующагѡ (илѝ ю̀ болѣ́знующую), да воста́въ (илѝ воста́вши) послу́житъ тѝ, исповѣ́дая (илѝ исповѣ́дающи) съ на́ми твою̀ бл҃года́ть.

Сті́хъ: Я́кѡ нѣ́сть въ сме́рти помина́яй тебѐ, во а́дѣ же кто̀ исповѣ́стся тебѣ̀.

Ужѐ ѿча́яннаго лю́тымъ неду́гомъ и къ сме́рти прибли́жившагося возвратѝ, хрс̑тѐ, въ живо́тъ, и да́ждь пла́чущымъ утѣше́ніе, да всѝ прославля́ютъ твоя̂ ст҃а̂я чудеса̀.

Сла́ва: Сле́зы манассі̂ины, ніневі́тянъ покая́ніе, и дв҃дово исповѣ́даніе пріи́мъ, вско́рѣ си́хъ спа́слъ єсѝ: и на́шя моли̂твы ны́нѣ пріимѝ, благосе́рде гдс̑и, и пода́ждь здра́віе боля́щему (илѝ боля́щей), ѡ не́мже (илѝ ѡ не́йже) тя̀ мо́лимъ.

И ны́нѣ: Пода́ждь на́мъ твою̀ ми́лость, госпожѐ, всегда̀ на тя̀ надѣ́ющымся: и испросѝ здра́віе боля́щему (илѝ боля́щей), враче́бнѣи твоѝ ру́цѣ, съ прд̑те́чею, бцд̑е, ко хрс̑ту̀ бг҃у простира́ющи.

Пѣ́снь є҃.

Ірмо́съ: На землѝ неви́димый яви́лся єсѝ, и человѣ́кѡмъ во́лею сожи́лъ єсѝ непостижи́мый, и къ тебѣ̀ у́тренююще, воспѣва́емъ тя̀, чл҃вѣколю́бче.

Сті́хъ: Утруди́хся воздыха́ніемъ мои́мъ.

Дще́рь іаі́рову ужѐ уме́ршую я́кѡ бг҃ъ ѡживи́лъ єсѝ: и ны́нѣ возведѝ, хрс̑тѐ бж҃е, ѿ вра́тъ сме́ртныхъ боля́щаго (илѝ боля́щую), ты́ бо єсѝ всѣ̂мъ пу́ть живота̀.

Сті́хъ: Измы́ю на вся́ку но́щь ло́же моѐ, слеза́ми мои́ми посте́лю мою̀ ѡмочу̀.

Сы́на вдови́ча ѡживи́въ, сп҃се, тоя̀ сле́зы преложи́лъ єсѝ на ра́дость: и ны́нѣ спасѝ неду́гомъ тлѣ́ющаго раба̀ твоего̀ (илѝ тлѣ́ющую рабу̀ твою̀), да и на́ша ско́рбь и болѣ́знь на ра́дость пре́йдетъ.

Сла́ва: Ѻ́гненная болѣ́знь иногда̀, хрс̑тѐ, те́щи петро́вы прикоснове́ніемъ твоея̀ рукѝ исцѣлѣ̀: и ны́нѣ та́яжде всеси́льная твоя̀ десни́ца да возста́витъ боля́щаго раба̀ твоего̀ (илѝ боля́щую рабу̀ твою̀), да воста́въ (илѝ воста́вши), я́коже и сія̀, послу́житъ тебѣ̀.

И ны́нѣ: Въ ско́рби су́ще грѣ́шніи, и не иму́ще къ бг҃у дерзнове́нія, къ тебѣ̀, пречс̑тая бг҃омт҃и, вопіе́мъ: молѝ сн҃а твоего̀ пода́ти боля́щему (илѝ боля́щей) здра́віе душе́вное же и тѣле́сное.

Пѣ́снь ѕ҃.

Ірмо́съ: Бе́здна послѣ́дняя грѣхѡ́въ ѡбы́де мя̀, и исчеза́етъ ду́хъ мо́й: но простры́й, влд̑ко, высо́кую твою̀ мы́шцу, я́кѡ петра́ мя, упра́вителю, сп҃сѝ.

Сті́хъ: Смяте́ся ѿ я́рости ѻ́ко моѐ.

Бе́здну ми́лости имѣ́яй, хрс̑тѐ бж҃е, внушѝ моле́ніе рабѡ́въ твои́хъ, и я́коже петро́мъ таві́фу воскреси́лъ єсѝ, си́це и ны́нѣ въ болѣ́зни лежа́щаго (илѝ лежа́щую) воздви́гни, послу́шавъ церкѡ́вныя моли́твенники.

Сті́хъ: Ѡбетша́хъ во всѣ́хъ вразѣ́хъ мои́хъ.

Врачу̀ ду́шъ и тѣле́съ на́шихъ, понесы́й неду́ги всегѡ̀ мі́ра, хрс̑тѐ, єне́а петро́мъ исцѣли́вый и єѵтѵ́ха па́ѵломъ воскреси́вый, и ны́нѣ боля́щаго (илѝ боля́щую) исцѣлѝ, ст҃ы́хъ апс̑лъ моли́твами.

Сла́ва: Преложѝ, хрс̑тѐ, на ра́дость рыда́ніе, ѡ неду́жномъ ны́нѣ скорбя́щихъ: да твою̀ получи́вше ми́лость, вни́демъ въ до́мъ тво́й со ѡбѣтова́нными да́ры, сла́вяще тя̀ со ѻц҃е́мъ и дх҃омъ во єди́нѣмъ существѣ̀ нераздѣ́льнаго бг҃а.

И ны́нѣ: Пріиди́те, ѽ дру́зи, припаде́мъ къ бж҃іей мт҃ри, та́ бо и́мать вла́сть неду̂жныя исцѣля́ти съ безме́здникома вку́пѣ, духо́внымъ помазу́юще моли́твъ свои́хъ бг҃опрія́тныхъ єле́емъ.

Посе́мъ же а́біе іере́й, илѝ діа́конъ, глаго́летъ єктенію̀:

Па́ки и па́ки: Заступѝ, спасѝ, и прѡ́чая.

Возгла́съ: Я́кѡ ты̀ єсѝ цр҃ь ми́ра, благоутро́бія пучи́на, и ми́лости исто́чникъ, и сп҃съ душа́мъ на́шымъ, и тебѣ̀ сла́ву возсыла́емъ, со безнача́льнымъ твои́мъ ѻц҃е́мъ, и прест҃ы́мъ, и бл҃ги́мъ, и животворя́щимъ твои́мъ дх҃омъ, ны́нѣ и при́снѡ, и во вѣ́ки вѣкѡ́въ.

Ли́къ: Ами́нь.

А́біе же пою́тъ, илѝ чту́тъ, конда́къ, гла́съ в҃:

На ѻдрѣ̀ болѣ́зни лежа́щаго (илѝ лежа́щую), и сме́ртною ра́ною уя́звленнаго (илѝ уя́звленную), я́коже дре́вле воздви́глъ єсѝ, сп҃се, петро́ву те́щу и я́коже разсла́бленнаго на ѻдрѣ̀ носи́маго, и ны́нѣ, милосе́рде, посѣтѝ и исцѣлѝ: ты́ бо єди́нъ єсѝ болѣ̂зни и неду́ги ро́да на́шегѡ понесы́й, и вся̀ могі́й, я́кѡ многоми́лостивъ.

Та́же іере́й, илѝ діа́конъ, глаго́летъ: Во́нмемъ. Іере́й: Ми́ръ всѣ̂мъ. Ли́къ: И ду́хови твоему̀.

Прокі́менъ, гла́съ а҃: Исцѣли́ мя, гдс̑и, я́кѡ смято́шася кѡ́сти моя̂, и душа̀ моя̀ смяте́ся ѕѣлѡ̀. Сті́хъ: Поми́луй мя̀, гдс̑и, я́кѡ не́мощенъ є́смь.

Діа́конъ: Гдс̑у помо́лимся. Ли́къ: Гдс̑и поми́луй.

Сщ҃е́нникъ возглаша́етъ:

Я́кѡ ст҃ъ єсѝ, бж҃е на́шъ, и во ст҃ы́хъ почива́еши, и тебѣ̀ сла́ву возсыла́емъ, ѻц҃у̀, и сн҃у, и ст҃о́му дх҃у, ны́нѣ и при́снѡ, и во вѣ́ки вѣкѡ́въ.

Ли́къ: Ами́нь.

И пою́тъ: Вся́кое дыха́ніе да хва́литъ гдс̑а. Сті́хъ: Хвали́те бг҃а во ст҃ы́хъ єгѡ̀, хвали́те єго̀ во утверже́ніи си́лы єгѡ̀. И посе́мъ возглаша́етъ діа́конъ:

И ѡ сподо́битися на́мъ слы́шанію ст҃а́гѡ єѵг̑ліа гдс̑а бг҃а мо́лимъ.

Ли́къ: Гдс̑и поми́луй, три́жды.

Діа́конъ: Прему́дрость, про́сти услы́шимъ ст҃а́гѡ єѵг̑ліа.

Сщ҃е́нникъ: Ми́ръ всѣ̂мъ.

Лю́діе: И ду́хови твоему̀.

И а́біе: Ѿ іѡа́нна (илѝ лукѝ, илѝ матѳе́а) ст҃а́гѡ єѵг̑ліа чте́ніе.

Ли́къ: Сла́ва тебѣ̀, гдс̑и, сла́ва тебѣ̀.

Діа́конъ: Во́нмемъ.

Іере́й же чте́тъ, а́ще му́жескій по́лъ є́сть больны́й, єѵг̑ліе сіѐ. А́ще въ це́ркви, на престо́лѣ, а́ще же въ до́му, надъ главо́ю больна́гѡ:

Глава̀ д҃. зача́ло г҃і:

Во вре́мя ѻ́но бѣ̀ нѣ́кій царе́въ му́жъ, єгѡ́же сы́нъ боля́ше въ капернау́мѣ. Се́й слы́шавъ, я́кѡ іи҃съ пріи́де ѿ іуде́и въ галіле́ю, и́де къ нему̀ и моля́ше єго̀, да сни́детъ и исцѣли́тъ сы́на єгѡ̀: имѣ́яше бо умре́ти. Речѐ у̀бо іи҃съ къ нему̀: а́ще зна́меній и чуде́съ не ви́дите, не и́мате вѣ́ровати. Глаго́ла къ нему̀ царе́въ му́жъ: гдс̑и, сни́ди, пре́жде да́же не у́мретъ ѻтроча̀ моѐ. Гл҃а єму̀ іи҃съ: идѝ, сы́нъ тво́й жи́въ є́сть. И вѣ́рова человѣ́къ словесѝ, є́же речѐ єму̀ іи҃съ, и идя́ше. А́біе же входя́щу єму̀, сѐ, рабѝ єгѡ̀ срѣто́ша єго̀, и возвѣсти́ша єму̀, глаго́люще, я́кѡ сы́нъ тво́й жи́въ є́сть. Вопроша́ше у̀бо ѿ ни́хъ ѡ часѣ̀, въ кото́рый легча́е єму̀ бы́сть, и рѣ́ша єму̀, я́кѡ вчера̀ въ ча́съ седмы́й ѡста́ви єго̀ ѻ́гнь. Разумѣ́ же ѻте́цъ, я́кѡ то́й бѣ̀ ча́съ, во́ньже речѐ єму̀ іи҃съ, я́кѡ сы́нъ тво́й жи́въ є́сть: и вѣ́рова са́мъ и ве́сь до́мъ єгѡ̀.

Сіѐ па́ки второ́е зна́меніе сотворѝ іи҃съ, прише́дъ ѿ іуде́и въ галіле́ю.

А́ще же жена̀ є́сть больна́я, въ дому̀ надъ̑ главо́ю єя̀, въ це́ркви же на престо́лѣ, сіѐ єѵг̑ліе глаго́летъ:

Ѿ лукѝ, глава̀ д҃, зача́ло ѕ҃і.

Во вре́мя ѻ́но вни́де іи҃съ въ до́мъ сі́мѡновъ: те́ща же сі́мѡнова бѣ̀ ѡдержи́ма ѻгне́мъ ве́ліимъ: и моли́ша єго̀ ѡ не́й. И ста́въ надъ̑ не́ю, запретѝ ѻгню̀, и ѡста́ви ю̀: а́біе же воста́вши служа́ше ѝмъ. Заходя́щу же со́лнцу, всѝ, єли́цы имѣ́яху боля́щыя неду̂ги разли́чными, привожда́ху ѝхъ къ нему̀:

ѻ́нъ же на єди́наго коего́ждо и́хъ ру́цѣ возло́жь, исцѣля́ше ѝхъ.

А́ще же дѣви́ца є́сть больна́я, сіѐ єѵг̑ліе глаго́летъ:

Ѿ матѳе́а, глава̀ ѳ҃. Зача́ло л҃в.

Во вре́мя ѻ́но кня́зь нѣ́кій прише́дъ ко іи҃су кла́няшеся єму̀, глаго́ля, я́кѡ дщѝ моя̀ ны́нѣ у́мре: но прише́дъ возложѝ на ню̀ ру́ку твою̀, и ѡживе́тъ. И воста́въ іи҃съ по не́мъ и́де, и учн҃цы̀ єгѡ̀. И сѐ, жена̀ кровоточи́ва двана́десяте лѣ́тъ, присту́пльши созадѝ, прикосну́ся воскри́лію ри́зы єгѡ̀, глаго́лаше бо въ себѣ̀: а́ще то́кмѡ прикосну́ся ри́зѣ єгѡ̀, сп҃се́на бу́ду. Іи҃съ же ѡбра́щься и ви́дѣвъ ю̀, речѐ: дерза́й, дщѝ, вѣ́ра твоя̀ сп҃се́ тя. И сп҃се́на бы́сть жена̀ ѿ часа̀ тогѡ̀. И прише́дъ іи҃съ въ до́мъ кня́жь, и ви́дѣвъ сопцы̀ и наро́дъ мо́лвящь, гл҃а ѝмъ: ѿиди́те, не у́мре бо дѣви́ца, но спи́тъ. И руга́хуся єму̀. Єгда́ же изгна́нъ бы́сть наро́дъ, вше́дъ я́тъ ю̀ за ру́ку: и воста̀ дѣви́ца.

И изы́де вѣ́сть сія̀ по все́й землѝ то́й.

Ли́къ: Сла́ва тебѣ̀, гдс̑и:

И а́біе пою́тъ сія̀:

Сла́ва: Мл҃твами всѣ́хъ ст҃ы́хъ, млс̑тиве, ѡчи́сти мно́жєства согрѣше́ній на́шихъ.

И ны́нѣ: Мл҃твами бцд̑ы, млс̑тиве, ѡчи́сти мно́жєства согрѣше́ній на́шихъ.

Та́же: Поми́луй мя̀, бж҃е, по вели́цѣй млс̑ти твое́й, и по мно́жеству щедро́тъ твои́хъ ѡчи́сти беззако́ніе моѐ.

И стіхи́ру сію̀, гла́съ ѕ҃: Не ѡста́ви на́съ тщи́хъ во упова́ніи на́шемъ, бж҃е преми́лостивый, но пріимѝ я́кѡ влд̑ка молє́нія рабѡ́въ твои́хъ: скѡ́рби бо ѡбдержа́тъ ны̀, ѡ болѣ́знующемъ рабѣ̀ твое́мъ (илѝ ѡ болѣ́знующей рабѣ̀ твое́й): прибѣ́жища же не стяжа́хомъ нигдѣ́же въ бѣда́хъ на́шихъ, утѣше́нія не и́мамы, нижѐ по́мощи, ра́звѣ тебѐ, тво́рче мі́ра, упова́ніе и спасе́ніе вѣ̂рнымъ:

тѣ́мъ къ тебѣ̀ припа́даемъ и смире́ннѡ мо́лимъ, воздви́гни ско́рѡ ѿ ѻдра̀ болѣ́зни, на́ми ны́нѣ тебѣ̀ прилѣ́жнѡ моля́щагося (илѝ моля́щуюся), и изба́ви єго̀ (илѝ ю̀) ѿ вся́кагѡ ѕла́гѡ ѡбстоя́нія.

Посе́мъ же іере́й, илѝ діа́конъ глаго́летъ:

Спасѝ бж҃е лю́ди твоя̂, и бл҃гословѝ достоя́ніе твоѐ: посѣтѝ мі́ръ тво́й ми́лостію и щедро́тами, возвы́си ро́гъ хрс̑тіа́нъ правосла́вныхъ, и низпослѝ на ны̀ ми́лѡсти твоя̂ бога̂тыя, моли́твами всепречс̑тыя влд̑чцы на́шея бцд̑ы и приснодв҃ы мр҃і́и: си́лою чс̑тна́гѡ и животворя́щагѡ крс̑та̀: предста́тельствы чс̑тны́хъ нбс̑ныхъ си́лъ безпло́тныхъ: чс̑тна́гѡ, сла́внагѡ про̑ро́ка, прд̑те́чи и крс̑ти́теля іѡа́нна: ст҃ы́хъ сла́вныхъ и всехва́льныхъ апс̑лъ: ѝже во ст҃ы́хъ ѻтє́цъ на́шихъ, и вселе́нскихъ вели́кихъ учи́телей и ст҃и́телей, васі́ліа вели́кагѡ, григо́ріа бг҃осло́ва и іѡа́нна златоу́стагѡ: и́же во ст҃ы́хъ ѻтца̀ на́шегѡ нікола́а архіепс̑копа, мѷрлѷкі́йскагѡ чудотво́рца: ст҃ы́хъ равноапс̑льныхъ меѳо́діа и кѷрі́лла, учи́телей слове́нскихъ: ст҃ы́хъ равноапс̑льныхъ вели́кагѡ кн҃зя влади́міра и вели́кія княги́ни ѻ́льги: ѝже во ст҃ы́хъ ѻтє́цъ на́шихъ, ст҃и́теля міхаи́ла, пе́рвагѡ митрополі́та кі́евскагѡ: первост҃и́телей моско́вскихъ и всея̀ русѝ, петра̀, алеѯі́а, іѡ́ны, мака́ріа, філі́ппа, і́ѡва, єрмоге́на и тѵ́хѡна: митрополі́тѡвъ моско́вскихъ філаре́та, інноке́нтіа и мака́ріа:

ст҃и́телей и́мр̑къ [єпархіа́льныхъ]:

ст҃ы́хъ сла́вныхъ и добропобѣ́дныхъ мч҃никѡвъ: новомч҃никѡвъ и исповѣ́дникѡвъ рѡссі́йскихъ влади́міра, митрополі́та кі́евскагѡ: веніамі́на, митрополі́та петрогра́дскагѡ: петра̀, митрополі́та крути́цкагѡ: іларіѡ́на, архіепс̑копа вере́йскагѡ: ст҃ы́хъ ца́рственныхъ стрс̑тоте́рпцєвъ: прпд̑бномч҃нцъ вели́кія княги́ни єлісаве́ты и и́нокини варва́ры: преподо́бныхъ и бг҃оно́сныхъ ѻтє́цъ на́шихъ: преподо́бныхъ ѻтє́цъ ста́рцєвъ ѻ́птинскихъ: ст҃ы́хъ првд̑ныхъ іѡа́нна кроншта́дтскагѡ и алеѯі́а моско́вскагѡ: ст҃ы́хъ бл҃же́нныхъ ѯе́ніи петербу́ргскія и матрѡ́ны моско́вскія:

ст҃ы́хъ и пра́ведныхъ бг҃оѻтє́цъ іѡакі́ма и а́нны, и ст҃а́гѡ [и́мр̑къ, єгѡ́же є́сть хра́мъ] и всѣ́хъ ст҃ы́хъ.

мо́лимъ тя̀, многоми́лостиве гдс̑и, услы́ши на́съ грѣ́шныхъ, моля́щихся тебѣ̀, и поми́луй на́съ.

Ли́къ: Гдс̑и поми́луй, в҃і.

Возгла́съ: Ми́лостію и щедро́тами и чл҃вѣколю́біемъ єдиноро́днагѡ твоегѡ̀ сн҃а, съ ни́мже бл҃гослове́нъ єсѝ, со прест҃ы́мъ, и бл҃ги́мъ, и животворя́щимъ твои́мъ дх҃омъ, ны́нѣ и при́снѡ, и во вѣ́ки вѣкѡ́въ, ами́нь.

Пѣ́снь з҃.

Ірмо́съ: Пре́жде ѡ́бразу злато́му, персі́дскому чти́лищу, ѻ́троцы не поклони́шася, тріѐ пою́ще посредѣ̀ пе́щи: ѻтцє́въ бж҃е бл҃гослове́нъ єсѝ.

Сті́хъ: Ѿступи́те ѿ менє̀, всѝ дѣ́лающіи беззако́ніе.

Креста̀ твоегѡ̀, гдс̑и, животво́рнагѡ, и́мже сме́рть поги́бе, и ме́ртвіи ѡживотворе́ни бы́ша, бж҃е́ственнымъ зна́меніемъ, ны́нѣ боля́щаго (илѝ боля́щую) воздви́гни, я́коже при єле́нѣ уме́ршую дѣви́цу.

Сті́хъ: Я́кѡ услы́ша гдс̑ь гла́съ пла́ча моегѡ̀.

До́лгую, гдс̑и, и лю́тую болѣ́знь і́ѡвлю на гно́ищи въ че́рвіяхъ сѣдя́щагѡ, и благода́рнѣ моля́щагося сло́вомъ исцѣли́лъ єсѝ: и ны́нѣ болѣ́знующаго (илѝ болѣ́знующую) и на́ми моля́щагося (илѝ моля́щуюся) тебѣ̀, я́кѡ бл҃гъ, исцѣлѝ неви́димѡ моли́твами ст҃ы́хъ твои́хъ.

Сла́ва: Всѝ вѣ́мы, я́кѡ вся́кѡ умре́ти на́мъ є́сть, тебѣ̀ бг҃у та́кѡ изво́лившу: но на ма́лое вре́мя, ми́лостиве, здра́віе про́симъ боля́щему (илѝ боля́щей), премѣнѝ ѿ сме́рти того̀ (илѝ ту̀) на живо́тъ, пода́ждь скорбя́щымъ утѣше́ніе.

И ны́нѣ: Посо́бствуй и помозѝ на́шей нищетѣ̀, бцд̑е, ты̀ вѣ́си вре́мя и ча́съ, когда̀ умоли́ти сн҃а твоегѡ̀ и бг҃а на́шего пода́ти здра́віе боля́щему (илѝ боля́щей) и проще́ніе всѣ́хъ согрѣше́ній.

Пѣ́снь и҃.

Ірмо́съ: Служи́ти живо́му бг҃у въ вавѷлѡ́нѣ ѻ́троки претерпѣ́вше, ѡ мусікі́йскихъ ѻрга́нѣхъ не ради́ша, и посредѣ̀ пла́мене стоя́ще, благолѣ́пную пѣ́снь воспѣва́ху, глаго́люще: благослови́те, вся̂ дѣла̀ гдс̑ня, гдс̑а.

Сті́хъ: Услы́ша гдс̑ь моле́ніе моѐ.

Наказу́я наказа́лъ єсѝ, влд̑ко, болѣ́знію раба̀ твоего̀ (илѝ рабу̀ твою̀), и ско́рѡ исцѣлѝ, ми́лостиве хрс̑тѐ бж҃е: и єщѐ сме́рти не преда́ждь су́днѣ, да тебѣ̀ покая́ніемъ возда́стъ: са́мъ бо ре́клъ єсѝ:

не хощу̀ сме́рти грѣ́шнагѡ.

Сті́хъ: Гдс̑ь моли́тву мою̀ прія́тъ.

Гдс̑и ми́лостиве, твоя̂ пресла̂вная чудеса̀ и до на́съ ны́нѣ да дости́гнутъ: бѣ́сы проженѝ, неду́ги и ра́ны исцѣлѝ, болѣ́зни уврачу́й, потво́ры и чародѣя́нія:

и вся́кія ра́ны изба́ви ны̀.

Сла́ва: Запрети́вый, хрс̑тѐ, морски̂мъ вѣ́трѡмъ, и стра́хъ ученикѡ́въ на ра́дость преложи́вый, запретѝ и ны́нѣ тя̂жкимъ болѣ́знемъ, тружда́ющымъ твоего̀ раба̀ (илѝ твою̀ рабу̀): да всѝ возвесели́мся, хва́ляще тя̀ во вѣ́ки.

И ны́нѣ: Изба́ви, бцд̑е, ѿ ѡбыше́дшихъ на́съ печа́лей, бѣ́дъ же и скорбе́й, и всѣ́хъ разли́чныхъ неду́гѡвъ, ѡтра́вы и чародѣя́ній, и уро́кѡвъ разли́чныхъ челѡвѣ́къ, и напра́сныя сме́рти, мо́лимся.

Пѣ́снь ѳ҃.

Ірмо́съ: На сіна́йстѣй горѣ̀ ви́дѣ тя̀ глубину̀ мѡѷсе́й, неѡпа́льнѡ ѻ́гнь бж҃ества̀ заче́ншую во чре́вѣ. даніи́лъ же тя̀ ви́дѣ, го́ру несѣко́мую, же́злъ прозя́бшій, иса́іа взыва́ше, ѿ ко́рене даві́дова.

Сті́хъ: Да постыдя́тся и смяту́тся всѝ вразѝ моѝ.

Исто́чниче жи́зни, пода́телю ми́лости, хрс̑тѐ, не ѿвратѝ лица̀ твоегѡ̀ ѿ на́съ, но ѡблегчѝ болѣ̂зни, утружде́нному болѣ́знію, и воздви́гни єго̀, я́коже ѳадде́омъ а́ѵгаря: да при́снѡ тебѐ сла́витъ со ѻц҃е́мъ и дх҃омъ ст҃ы́мъ єди́наго бг҃а.

Сті́хъ: Да возвратя́тся и устыдя́тся ѕѣлѡ̀ вско́рѣ.

Єѵг̑льскому вѣ́рующе глаго́лу, твоѐ и́щемъ ѡбѣща́ніе, хрс̑тѐ, проси́те бо, ре́клъ єсѝ, и да́стся ва́мъ: тѣ́мъ ны́нѣ прося́ще мо́лимъ тя̀: возста́ви ѿ ѻдра̀ здра́ва лю́тымъ пове́рженнаго неду́гомъ:

да тя̀ съ на́ми вку́пѣ велича́етъ.

Сла́ва: Уму́ченый неду́гомъ, и вну́трь неви́димыми ра́нами тебѣ̀, хрс̑тѐ, на́ми вопіе́тъ, не ра́ди на́съ, гдс̑и, вси́ бо єсмы̀ по́лны грѣхѡ́въ, но мт҃рними и предте́чи твоегѡ̀ моли́твами, пода́ждь исцѣле́ніе боля́щему (илѝ боля́щей).

И ны́нѣ: Бж҃ія мт҃и пречс̑тая, со всѣ́ми ст҃ы́ми призыва́емъ тя̀, со а́гг҃лы и арха́гг҃лы, съ проро́ки и патріа́рхи, со апс̑лы и ст҃и́тели, съ преподо́бными и пра́ведными, моли́ся хрс̑ту̀ бг҃у на́шему пода́ти здра́віе боля́щему: да тя̀ всѝ велича́емъ.

Посе́мъ: Досто́йно є́сть: Трист҃о́е по Ѻ́ч҃е на́шъ: Тропарѝ сія̂, гла́съ ѕ҃:

Поми́луй на́съ, гдс̑и, поми́луй на́съ: Сла́ва: Гдс̑и, поми́луй на́съ: И ны́нѣ: Милосе́рдія двє́ри ѿве́рзи на́мъ, блгс̑ве́нная бцд̑е:

А́біе же по си́хъ іере́й илѝ діа́конъ глаго́летъ єктенію̀ сію̀:

Поми́луй на́съ, бж҃е:

Єщѐ мо́лимся тебѣ̀, всеми́лостивому гдс̑у, я́коже єзекі̂ины сле́зы, манассі́ино и ніневі́тянъ покая́ніе, и даві́дово исповѣ́даніе прія́лъ єсѝ, и ско́рѡ тѣ́хъ поми́ловалъ єсѝ, и на́шя во умиле́ніи принѡси́мыя тѝ мѡльбы̀, пріимѝ, всеблагі́й цр҃ю̀, и я́кѡ ще́дръ поми́луй лю́тѣ боля́щаго раба̀ твоего̀ (илѝ лю́тѣ боля́щую рабу̀ твою̀), здра́віе єму̀ (илѝ є́й) да́руя, со слеза́ми мо́лимъ ти ся, исто́чниче жи́зни и безсме́ртія, услы́ши и ско́рѡ поми́луй.

Діа́конъ же возглаша́етъ: Па́ки и па́ки со умиле́ніемъ, кѡлѣ́на прекло́нше, гдс̑у помо́лимся.

Ли́къ: Гдс̑и, поми́луй, три́жды.

Іере́й же со всѣ́ми предстоя́щими, кѡлѣ́на прекло́нше, со вся́кимъ внима́ніемъ и умиле́ніемъ глаго́летъ моли́тву сію̀:

Бж҃е си́льный и ми́лостивый, вся̂ стро́яй на спасе́ніе ро́да на́шегѡ, при́зри, смире́ннѡ мо́лимъ тя̀, на смире́нную мольбу̀ на́шу, и ми́лостивнѡ посѣтѝ раба̀ твоего̀ (илѝ рабу̀ твою̀), и́мр̑къ, нарица́ющаго (илѝ нарица́ющую) и́мя хрс̑та̀ твоегѡ̀, и ѿпустѝ и простѝ єму̀ (илѝ є́й) вся̂ согрѣшє́нія вѡ́льная и невѡ́льная, и́миже твою̀ благода́ть прогнѣ́ва, и твою̀ я́рость раздражѝ: вся́къ же неду́гъ єгѡ̀ (илѝ єя̀) тѣле́сный исцѣлѝ, и вся́кое наше́ствіе непрія́зненное дале́че ѿ негѡ̀ (илѝ ѿ нея̀) сотворѝ: воздви́гни єго̀ (илѝ ю̀) ѿ ѻдра̀ болѣ́зненнагѡ, и да́руй єго̀ здра́ва (илѝ ю̀ здра́ву) душе́ю и тѣ́ломъ це́ркви твое́й ст҃ѣ́й, до́брыми дѣ́лы, и словесы̀ благи́ми сла́вяща (илѝ сла́вящу) со всѣ́ми вѣ́рными твои́ми и́мя хрс̑та̀ твоегѡ̀: съ ни́мже благослове́нъ єсѝ съ прест҃ы́мъ, и благи́мъ, и животворя́щимъ твои́мъ дх҃омъ, ны́нѣ и при́снѡ, и во вѣ́ки вѣкѡ́въ. Ли́къ:

Ами́нь.

А́біе же, воста́въ, твори́тъ ѿпу́стъ, ре́къ: Прему́дрость. Ли́къ: Честнѣ́йшую херуві̂мъ: Іере́й: Сла́ва тебѣ̀, хрс̑тѐ бж҃е, упова́ніе на́ше, сла́ва тебѣ̀.

Ли́къ: Сла́ва, и ны́нѣ: Гдс̑и поми́луй, три́жды. Бл҃гословѝ.

Іере́й же глаго́летъ ѿпу́стъ се́й:

Хрс̑то́съ и́стинный бг҃ъ на́шъ, моли́твами пречс̑тыя своея̀ мт҃ре, ст҃а́гѡ сла́внагѡ проро́ка, предте́чи и крести́теля іѡа́нна, ст҃ы́хъ сла́вныхъ и всехва́льныхъ апс̑лѡвъ, ст҃ы́хъ и безме́здныхъ врачє́въ космы̀ и даміа́на и всѣ́хъ ст҃ы́хъ свои́хъ, поми́луетъ и спасе́тъ на́съ и раба̀ своего̀ (илѝ рабу̀ свою̀) и́мр̑къ я́кѡ бла́гъ и чл҃вѣколю́бецъ.

Посе́мъ же а́ще изво́лятъ пою́тъ илѝ чту́тъ:

При́зри на молє́нія твои́хъ ра̂бъ, всенепоро́чная:

И ѿхо́дятъ во своя̂ си благодаря́ще бг҃а.


Смотрите также