Авторизация

Служба на крестовоздвижение


Воздвижение Креста – что поется на службе

На Малей вечерни стихиры, глас 1:

Подобен: Небесных чинов:

Крест возносится, и демони прогоняются, разбойник едема убо врата отверзает, смерть умерщвляется, и ныне пуста явися, Христос величается. Тем веселитеся вси земнороднии, клятва разрушися. [Дважды.]

Приидите боголюбивии вси, Крест честный возносимый видяще, возвеличим купно, и славу дадим, Единому Избавителю и Богу взывающе: распныйся на Древе Крестнем, не презри молящихся нас.

Горесть древле ослаждая Моисей, избави Израиля, образом Крест прописуя: мы же сего вси божественно вернии, таинственно воображающе в сердцах наших всегда, спасаемся державою его.

Слава, и ныне, глас 6. Самогласен:

Днесь сад животный, от земных незаходимых недр происходит: на нем пригвожденнаго Христа извествует воскресение, и воздвизаемый руками священническими, Того на небеса возвещает возношение: Имже наше смешение, от еже на землю падения, на небесех жительствует. Темже благодарственне возопиим: Господи, вознесыйся на нем, и тем совознес нас, небесныя Твоея радости сподоби, яко Человеколюбец.

Прокимен дне, и Сподоби Господи:

На стиховне стихиры, глас 2:

Подобен: Доме Евфрафов:

В одою Боготворною и кровию Твоею Слове, светло Церковь украшается, яко невеста, Креста славу поющи.

Стих: Возносите Господа Бога нашего, и поклоняйтеся подножию ногу Его, яко свято есть.

Копие со Крестом, гвозди и иная, имиже живоносное Христово пригвоздися тело, возносяще поклонимся.

Стих: Бог же Царь наш прежде века, содела спасение посреде земли.

Егда Амалика Моисей побеждаше, на высоту руце имея крестоявленно, образоваше Христову страсть пречистую.

Слава, и ныне, глас 6:

Днесь Древо явися, днесь род еврейский погибе, днесь верными цари вера является, и Адам древа ради испаде, и паки Древом демони вострепеташа: всесильне Господи, слава Тебе.

Тропарь, глас 1:

Спаси Господи люди Твоя, и благослови достояние Твое, победы православным христианом на сопротивныя даруя, и Твое сохраняя Крестом Твоим жительство.

По отпущении же Малыя вечерни входит екклисиарх со иереем и диаконом, и параекклисиархом в жертвенник со свещами, и облачится иерей, и диакон, и кадив честный Крест, глаголет: Благослови владыко. Иерей: Благословен Бог наш: Таже, Трисвятое, и по Отче наш, тропарь Креста: Спаси Господи люди Твоя: Слава, и ныне, кондак. И взимает иерей честный Крест с блюдом на главу, и вносит его во святый алтарь: предыдущим же пред ним со двема лампадама, и полагает честный Крест на святой трапезе, на евангельском месте: и вжигают пред ним свещу на всю нощь, а Евангелие поставляется на Горнее место.

Подобает ведати, яко аще случится праздник сей в неделю, ничтоже поется воскресно, ни стихиры воскресны, ниже непорочны, ни степенна гласа: ни Евангелие воскресно чтется, точию, В оскресение Христово: глаголем, не поется же и Свят Господь Бог: но поем всю службу праздника.

На Велицей вечерни,

аще в субботу вечера, поем Блажен муж, кафисму всю. Аще же в неделю вечера, поем Блажен муж, первый антифон. Аще ли во иный день, Блажен муж, не поем, но по предначинательном псалме поем: Господи воззвах, на глас 6.

И поем стихиры праздника на 8: глас 6:

Подобен: Всю отложивше:

Крест воздвизаем, на нем Вознесеннаго страсть пречистую пети повелевает твари всей: на том бо убив нас убившаго, умерщвлeнныя оживил eсть, и удобри, и на небесех жити сподоби яко милосерд, премножеством благости. Тем радующеся, вознесем имя Eго, и Того возвеличим крайнее снизхождение. [Трижды.]

Моисей предобрази тя, руки простер на высоту, и побеждаше Амалика мучителя, Кресте честный, верных похвало, страдальцев утверждение, апостолов удобрение, праведных поборниче, всех преподобных спасителю, тем тя воздвизаема зрящи тварь, веселится, и торжествует славящи Христа, тобою разстоящая собравшаго крайнею благостию. [Трижды.]

Кресте пречестный, eгоже обстоят чини ангельстии веселящеся, днесь воздвизаем, Божественным мановением возносиши вся, окрадением снеди отгнанныя, и в смерть поползшияся. Темже тя сердцы и устнами вернии лобызающе, священие почерпаем: возносите, вопиюще Христа преблагаго Бога, и Того покланяйтеся Божественному подножию. [Дважды.]

Слава, и ныне, глас 2:

Приидите вси языцы, благословенному Древу поклонимся, имже бысть вечная правда: праoтца бо Адама прельстивый древом, Крестом прельщается, и падает низвержен падением странным, мучительством одержавый царское здание. Кровию Божиею яд змиев отмывается, и клятва разрушися осуждения праведнаго, неправедным судом Праведнику осуждену бывшу: Древом бо подобаше древо исцелити, и страстию Безстрастнаго, яже на Древе, разрешити страсти осужденнаго, но слава Христе Царю, eже о нас Твоему мудрому смотрению, имже спасл eси всех, яко Благ и человеколюбец.

Вход. Прокимен дне.

[Аще случится праздник сей в субботу: в пяток вечера прокимен дне оставляется, и поется прокимен великий, глас 7: Б ог наш на небеси и на земли, вся елика восхоте, сотвори. Понеже в субботу вечера поется прокимен: Г осподь воцарися: ] И чтения.

Исхода чтение. [Главы 15 и 16.]

Поят Моисей сыны Израилевы от моря Чермнаго, и веде тыя в пустыню Сур: и идяху три дни в пустыни, и не обретаху воды, да быша пили. Приидоша же в Мерру, и не можаху пити воды из Мерры, горька бо бе: сего ради наречеся имя месту тому, Горечь. И роптаху людие на Моисеа, глаголюще: что пием? Возопи же Моисей ко Господу, и показа ему Господь древо: и вложе тое в воду, и сладка бысть вода. Тамо пложи ему Бог оправдания и суды. И тамо искушаше его, и рече: Аще слухом услышиши глас Господа Бога твоего, и угодная пред Ним сотвориши, и внушиши заповеди Его, и сохраниши вся оправдания Его, всяку болезнь, юже наведох Египтяном, не наведу на тя: Аз бо есмь Господь исцеляяй тя. И приидоша во Елим, и бяху тамо дванадесять источников вод, и седмьдесят стеблей финиковых: и ополчишася тамо при водах. И воздвигошася от Елима, и прииде весь сонм сынов Израилевых в пустыню Син, яже есть между Елимом и между Синою.

Притчей чтение. [Глава 3.]

Сыне, не пренебрегай наказания Господня, ниже ослабевай от Него обличаемый. Егоже бо любит Господь, наказует: биет же всякаго сына, егоже приемлет. Блажен человек, иже обрете премудрость, и смертен, иже уведе разум. Лучше бо сию куповати, нежели злата и сребра сокровища. Честнейшая же есть камений многоценных, не сопротивляется ей ничтоже лукавое, благоразумна есть всем любящим ю: всякое же честное недостойно ея есть. Долгота бо жития, и лета жизни в деснице ея. В шуйце же ея богатство и слава: из уст ея исходит правда, закон же и милость на языце носит. Путие ея, путие добры, и вся стези ея с миром. древо живота есть всем держащимся ея, и восклоняющимся на ню, яко на Господа, тверда.

Пророчества Исаиина чтение. [Глава 60.]

Сия глаголет Господь: отверзутся врата твоя Иерусалиме выну день и нощь, и не затворятся, еже ввести к тебе силу языков, и цари их ведомыя. Языцы бо и царие, иже тебе не поработают, погибнут: и языцы запустением запустеют. И слава Ливанова к тебе приидет в кипарисе, и певке, и кедре вкупе, прославити место святое Мое, и место ног Моих прославлю. И пойдут к тебе боящеся сынове смиривших тя, и прогневавших тя, и поклонятся следом ног твоих вси прогневавшии тя, и наречешися град Господень, Сион Святаго Израилева. За еже быти тебе оставлену, и возненавидену, и не бе помогаяй тебе: и положу тя в радость вечную, веселие родом родов. И иссеши млеко языков, и богатство царей снеси, и разумееши, яко Аз Господь спасаяй тя, и избавляяй тя Бог Израилев.

На литии стихиры самогласны, глас 1.

[Андреа Иерусалимскаго:]

Днесь яко воистинну святовещанный глагол Давидов конец прият: се бо яве пречистых ног Твоих покланяемся подножию, и на сень крилу Твоeю надеющеся, Всещедрый, вопием Ти: да знаменуется на нас свет лица Твоего. Православных людей Твоих рог вознеси честнаго Креста Твоего воздвижением, Христе Многомилостиве.

Насажденное в Краниеве месте, Древо сущаго живота, на немже содела спасение Превечный Царь посреде земли, возносимо днесь, освящает мира концы, и обновляется воскресения дом: радуются ангели на небеси, и веселятся человецы на земли, Давидски вопиюще, и глаголюще: возносите Господа Бога нашего, и поклоняйтеся подножию ногу Eго, яко свято eсть: подаяй миру велию милость.

Прообразуя Крест Твой Христе, патриарх Иаков, внуком благословение даруя, на главах пременeны руки сотвори. Eгоже Спасе, мы днесь возносяще взываем: даруй христолюбивым людем победы, яко Константину одоление.

Глас 2.

[Феофаново:] Божественное сокровище в земли скрываемо, Жизнодавца Крест на небесех показася царю благочестивому: и победы на враги подписание являет разумно. Eгоже радуяся верою и любовию, божественно востек к высоте зрения, тщанием же того от земных недр изнесе во избавление мира и спасение душ наших.

[Киприаново:] Рук пременение патриарха Иакова на благословение чад, державное Креста Твоего предъявляше знамение. Егоже мы держаще тверда хранителя, демонския всемощно отгоним полки, и велиарову гордыню в нем низлагаем, враждебнейшаго Амалика побеждаем всегубительную силу. Того и ныне возносима благочестивомудренно, вернии, во очищение грехов, Твоей благости во многомножайшем гласе, вопиюще приносим: Господи помилуй, из Девы воплотивыйся, ущедри рук Твоих, Блаже, мудрое создание.

[Льва Деспота:] Ты мой покров державен еси, тричастный Кресте Христов: освяти мя силою твоею, да верою и любовию покланяюся и славлю тя.

Глас 4: Восплещем днесь песненное торжество, и светлым лицем, и языком ясно возопиим: нас ради, Христе, суд приемый, и оплевания и раны, и червленицею одеявыйся, и на Крест возшед, Егоже видевше солнце и луна свет скрыша, и страхом земля колебашеся, и завеса церковная раздрася на двое: Ты и ныне даруй Крест Твой честный нам, блюстителя и хранителя, и прогонителя демонов, яко да вси облобызающе, вопием ему: спаси ны, Кресте, силою твоею, освяти ны светлостию твоею, честный Кресте, и укрепи ны воздвижением твоим, яко свет нам дарован еси, и спасение душ наших.

[Анатолиа:] Светосиянен звездами образ предпоказа, Кресте, победу одоления благочестивому царю великому, егоже мати Елена, изобретши, мироявленна сотвори: и тя днесь воздвижуще, верных лицы зовем: просвети ны светлостию твоею, Кресте живоносный. Освяти ны крепостию твоею, всечестный Кресте, и утверди ны воздвижением твоим, воздвизаемый ко ополчению врагов.

Слава, и ныне, глас тойже:

[Анатолиа:] Честнаго Креста Христе, действо прообразив Моисей, победи противнаго Амалика в пустыни Синайстей: eгда бо простираше руце, Креста образ творя, укрепляхуся людие: ныне же вещей сбытие в нас исполнися. Днесь Крест воздвизается, и демони бегают. Днесь тварь вся от тли свободися: вся бо Креста ради возсияша нам дарования. Темже радующеся вси припадаем Тебе глаголюще: яко возвеличишася дела твоя, Господи, слава Тебе.

На стиховне стихиры, глас 5. Самоподобен:

Радуйся живоносный Кресте, благочестия непобедимая победа, дверь райская, верных утверждение, Церкве ограждение, имже тля разорися и упразднися, и попрася смертная держава, и вознесохомся от земли к небесным, oружие непобедимое, бесов сопротивоборче: слава мучеников, преподобных яко воистинну удобрение: пристанище спасения, даруяй миру велию милость.

Стих: Возносите Господа Бога нашего, и покланяйтеся подножию ногу Eго, яко свято eсть.

Радуйся, Господень Кресте, имже разрешися от клятвы человечество, сущия радости знамение, прогоняяй враги во твоем воздвижении всечестне, нам помощниче: царей державо, крепость праведных, священников благолепие, воображаемый, и лютых избавляяй, жезл силы, имже пасемся: oружие мира, eгоже со страхом обстоят ангели: Христа Божественная слава, подающаго миру велию милость.

Стих: Бог же Царь наш прежде века, содела спасение посреде земли.

Радуйся слепых наставниче, немощных врачу, воскресение всех умерших, воздвигнувый ны во тлю падшия, Кресте честный: имже разрушися клятва, и процвете нетление: и земнии обожихомся, и диавол всеконечно низвержеся. Днесь воздвизаема тя видяще руками архиерейскими, возносим Вознесеннаго посреде тебе, и тебе покланяемся, почерпающе богатно велию милость.

Слава, и ныне, глас 8. Иоанна монаха:

Егоже древле Моисей прообразовав собою, Амалика низложив победи: и Давид песнопевец, подножию Твоему, вопия, кланятися повелеваше, честному Кресту Твоему Христе Боже, днесь грешнии кланяемся. Устнами недостойными, Тя изволившаго пригвоздитися на нем, воспевающе, молимся: Господи, с разбойником Царствия Твоего сподоби нас.

Таже, Ныне отпущаеши:

На благословении хлебов, тропарь, глас 1:

Спаси Господи люди Твоя, и благослови достояние Твое, победы православным христианом на сопротивныя даруя, и Твое сохраняя Крестом Твоим жительство. [Трижды.]

И чтем слово о честнем Древе.

На Утрени

На Б ог Господь, тропарь трижды.

По 1-м стихословии седален, глас 6:

Токмо водрузися древо, Христе, Креста Твоего, основания поколебашася смерти, Господи: Егоже бо пожре желанием ад, отпусти трепетом. Явил еси нам спасение Твое Святый: и славословим Тя, Сыне Божий, помилуй нас.

Слава, и ныне, глас 1.

Подобен: Камени запечатану:

Креста Твоего древу покланяемся Человеколюбче, яко на нем пригвоздился еси Животе всех. Рай отверзл еси Спасе, верою пришедшему Ти разбойнику, и сладости сподобися исповедаяся Тебе: помяни мя Господи. Приими якоже онаго и нас зовущих: согрешихом вси, благоутробием Твоим не презри нас.

По 2-м стихословии седален, глас 6:

Днесь пророческое исполнися слово: се бо покланяемся на место, идеже стояша ноги Твоя Господи, и Древо спасения приемше, греховных страстей свободу получихом, молитвами Богородицы Едине Человеколюбче.

Слава, и ныне, глас 8.

Подобен: Повеленное тайно:

Проображаше таинственно древле Иисус Навин Креста образ, егда руце простре крестовидно, Спасе мой, и ста солнце, дондеже враги низложи противостоящия Тебе Богу. Ныне бо зайде на Кресте Тя зря, и державу смертную разрушив, весь мир совоздвигл еси.

Таже полиелей. Величание поется в олтаре пред престолом.

Величание:

Величаем Тя, Живодавче Христе, и чтим Крест Твой святый, имже нас спасл еси от работы вражия.

Псалом избанный:

Суди Господи обидящия мя, побори борющия мя. Приими оружие и щит, и востани в помощь мою. Знаменася на нас свет лица Твоего Господи. Яко оружием благоволения венчал еси нас. Дал еси знамение боящимся Тебе, еже убежати от лица лука. Познати на земли путь Твой, во всех языцех спасение Твое. Видеша вси концы земли спасение Бога нашего. Поклонимся на место, идеже стоясте нозе Его. Тогда возрадуются вся древа дубравная. Бог же Царь наш прежде века, содела спасение посреде земли. Возносите Господа Бога нашего, и покланяйтеся подножию ногу Его, яко свято есть. Благослови ны Боже, Боже наш, благослови ны Боже. Спаси люди Твоя, и благослови достояние Твое. И упаси я, и возми я до века.

Слава, и ныне: Аллилуиа, трижды.

По полиелеи ектениа малая: П аки и паки: Возглас: Я ко благословися имя Твое и прославися Царство Твое:

По полиелеи седален, глас 8.

Подобен: П овеленное тайно:

В раи мя прежде древо обнажи, о вкушении враг принося умерщвление: Креста же древо, живота одеяние человеком нося, водрузися на земли, и мир весь исполнися всякия радости. Егоже зряще возвышаема, Богу верою людие согласно возопиим: исполнь славы дом Твой.

Слава, и ныне, тойже.

Степенна, 1-й антифон 4-го гласа:

От юности моея мнози борют мя страсти, но Сам мя заступи и спаси, Спасе мой.

Ненавидящии Сиона, посрамитеся от Господа, яко трава бо огнем будете изсохше.

Слава:

Святым Духом всяка душа живится, и чистотою возвышается, светлеется Троическим единством, священнотайне.

И ныне, тойже.

Прокимен, глас 4. Диакон глаголет на Горнем месте, держа обема рукама Евангелие по обычаю: Видеша вси концы земли спасение Бога нашего.

Стих: Воспойте Господеви песнь нову, яко дивна сотвори Господь.

Таже, Всякое дыхание: Евангелие чтется в олтаре.

Евангелие от Иоанна, зачало 42 от полу. [ Ин. 12, 28 – 36. ]

Рече Господь: Отче! прославь имя Твое. Тогда пришел с неба глас: и прославил, и еще прославлю.

Народ, стоявший и слышавший то, говорил: это гром. А другие говорили: Ангел говорил ему.

Иисус на это сказал: не для Меня был глас сей, но для народа;

Ныне суд миру сему; ныне князь мира сего изгнан будет вон;

И когда Я вознесен буду от земли, всех привлеку к Себе.

Сие говорил Он, давая разуметь, какою смертью Он умрет.

Народ отвечал Ему: мы слышали из закона, что Христос прибывает вовек; как же Ты говоришь, что должно вознесену быть Сыну Человеческому? кто Этот Сын Человеческий?

Тогда Иисус сказал им: еще на малое время свет есть с вами; ходите, пока есть свет, чтобы не объяла вас тьма, а ходящий во тьме не знает, куда идет;

Доколе свет с вами, веруйте в свет, да будете сынами света. Сказав это, Иисус отошел и скрылся от них.

Рече Господь: Отче, прослави имя Твое. Прииде же глас с небесе: и прославих, и паки прославлю.
Народ же стояй и слышав, глаголаху: гром бысть. Инии глаголаху: Ангел глагола Ему.
Отвеща Иисус и рече: не Мене ради глас сей бысть, но народа ради:
Ныне суд есть миру сему: ныне князь мира сего изгнан будет вон:
И аще Аз вознесен буду от земли, вся привлеку к Себе.
Сие же глаголаше, назнаменуя, коею смертию хотяше умрети.
Отвеща ему народ: мы слышахом от закона, яко Христос пребывает во веки: како Ты глаголеши: вознестися подобает Сыну Человеческому? Кто есть Сей Сын Человеческий?
Рече же им Иисус: еще мало время свет в вас есть: ходите, дондеже свет имате, да тма вас не имет: и ходяй во тме не весть, камо идет:
Дондеже свет имате, веруйте во свет, да сынове света будете. Сия глагола Иисус, и отшед скрыся от них.

Таже: В оскресение Христово видевше: Псалом 50. Слава: М олитвами апостолов: И ныне: М олитвами Богородицы: П омилуй мя Боже:

И стихира, глас 6:

Кресте Христов, христиан упование, заблуждших наставниче, обуреваемых пристанище, в бранех победа, вселенныя утверждение, недужных врачу, мертвых воскресение, помилуй нас.

Канон Креста. Творение кир Космы.

[Егоже краестрочие: Кресту надеявся пение отрыгаю.]

Ирмосы по дважды: тропари же на 12, глас 8.

Песнь 1.

Ирмос: Крест начертав Моисей, впрямо жезлом Чермное пресече, Израилю пешеходящу, тоже обратно фараоновым колесницам ударив совокупи, вопреки написав непобедимое оружие. Тем Христу поим Богу нашему, яко прославися.

Образ древле Моисей пречистыя страсти в себе самом прообрази, священных среде стоя: Крест же вообразив, простертыми победу дланьми воздвиже, державу погубив Амалика всегубителя. Тем Христу поим Богу нашему, яко прославися.

Возложи Моисей на столпе врачевство, тлетвориваго избавление и ядовитаго угрызения: и древу образом Креста, по земли пресмыкающагося змия привяза, лукавный в сем обличив вред. Тем Христу поим Богу нашему, яко прославися.

Показа небо Креста победу благочестия держателю, и царю богомудру, врагов в немже злосердных низложися свирепство, лесть же превратися, и вера распростреся земным концем Божественная. Тем Христу поим Богу нашему, яко прославися.

Катавасиа, оба лика вкупе: К рест начертав Моисей:

Песнь 3.

Ирмос: Жезл во образ тайны приемлется, прозябением бо предразсуждает священника: неплодящей же прежде Церкви, ныне процвете древо Креста, в державу и утверждение.

Яко испусти ударяемь воду краесекомый, непокоривым людем и жестосердым, Богозванныя проявляше Церкве таинство, еяже Крест держава и утверждение.

Ребром пречистым, копием прободенным, вода с кровию истече, обновляющая завет и омывательная греха: верных бо Крест похвала, и царей держава и утверждение.

Седален, глас 4.

Подобен: Скоро предвари:

В тебе треблаженне и жизнодавче Кресте, людие учреждающеся, спразднуют с невещественными лики: чини архиерейстии благоговейно воспевают, множество же монашествующих и постников покланяются, Христа же распеншагося вси славим.

Слава, и ныне, тойже.

Песнь 4.

Ирмос: Услышах, Господи, смотрения Твоего таинство, разумех дела Твоя и прославих Твое Божество.

Горькородныя преложи древом Моисей источники в пустыни древле, Крестом ко благочестию языков проявляя преложение.

Глубине внедривый секущую издаде Иордан древу, Крестом и крещением сечение лести знаменуя.

Священно ополчаются четверочастнии людие, предходяще образом свидетельства скинии, крестообразными чинми прославляеми.

Чудно простираемь, солнечныя лучи испущаше Крест, и поведаша небеса славу Бога нашего.

Песнь 5.

Ирмос: О треблаженное Древо, на немже распяся Христос, Царь и Господь, Имже паде древом прельстивый: тобою прельстився, Богу пригвоздившуся плотию, подающему мир душам нашим.

Тебе приснопетое Древо, на немже простреся Христос, едем хранящее обращающееся оружие, Кресте устыдеся: страшный же херувим уступи, на тебе пригвожденному Христу, подающему мир душам нашим.

Подземных силы противныя Креста страшатся, начертаема знамения на воздусе, по немуже ходят небесных и земнородных роди, колена приклоняюще Христу, подающему мир душам нашим.

Зарями нетленными явлься Божественный Крест, омраченным языком, заблужденным в прелести, Божественный свет облистав, усвояет на нем пригвожденному Христу, подающему мир душам нашим.

Песнь 6.

Ирмос: В однаго зверя во утробе, длани Иона крестовидно распростер, спасительную страсть проображаше яве. Тем тридневен изшед, премирное воскресение прописаше, плотию пригвожденнаго Христа Бога, и тридневным воскресением мир просвещшаго.

Старостию преклонився, и недугом отягчен исправися, Иаков руце пременив, действие являя живоноснаго Креста: ибо ветхость законнаго сеновнаго писания новописа, на сем плотию пригвоздивыйся Бог, и душегубительный недуг лести отгна.

На юныя возложив длани божественный Израиль, крестовидно главы являше, яко старейшая слава, законослужителе людие. Темже подмневся тако изпрельститися, не измени жизноноснаго образа: превзыдут бо людие Христовы Божии новоутвержденнии, вопияху, Крестом ограждаеми.

Кондак, глас 4. Подобен:

Вознесыйся на Крест волею, тезоименитому Твоему новому жительству, щедроты Твоя даруй Христе Боже, возвесели силою Твоею верныя люди Твоя, победы дая им на сопостаты, пособие имущим Твое, oружие мира, непобедимую победу.

Икос: Иже до третияго небесе восхищен бысть в рай, и глаголы слышав неизреченныя и божественныя, ихже не леть языки человеческими глаголати, что галатом пишет, яко рачителие писаний прочтосте и познасте: мне, глаголет, хвалитися да не будет, токмо во единем Кресте Господни, на немже страдав уби страсти. Того убо и мы известно держим, Крест Господень, хвалу вси: есть бо нам спасительное сие Древо, oружие мира, непобедимая победа.

Песнь 7.

Ирмос: Безумное веление мучителя злочестиваго люди поколеба, дышущее прещение и злохуление богомерзкое: обаче три отроки не устраши ярость зверская, ни огнь снедаяй, но противодышущу росоносному Духу, со огнем суще пояху: препетый отцев и нас Боже, благословен еси.

От древа вкусив первый в человецех, в тление вселися: отвержением бо жизни безчестнейшим осудився, всему роду телотленен некий, яко вред недуга преподаде: но обретше земнороднии воззвание Крестным древом, зовем: препетый отцев и нас Боже, благословен еси.

Разруши повеление Божие преслушание, и древо принесе смерть человеком, еже неблаговременно причастно бывшее: во утверждение же зело честнаго, оттуду жизни древо возбраняемо бе, еже разбойнику злоумершу отверзе, благоразумно зовущу: препетый отцев и нас Боже, благословен еси.

Жезла объемлет край Иосифова, будущая зря Израиль, царствия державное, яко возымуществит преславный Крест, проявляя: сей бо царей победоносная похвала, и свет, верою зовущим: препетый отцев и нас Боже, благословен еси.

Песнь 8.

Ирмос: Благословите, отроцы, Троицы равночисленнии, содетеля Отца Бога, пойте снизшедшее Слово, и огнь в росу претворшее, и превозносите всем жизнь подавающаго, Духа Всесвятаго, во веки.

Воздвизаему Древу, окроплену кровию воплощшагося Слова Бога, пойте небесныя силы: земных воззвание празднующе людие, поклонитеся Христову Кресту, имже миру востание во веки.

Земнороднии дланьми, строителие благодати Крест, на немже стояше Христос Бог, возносите священнолепно и копие, Божия Слова тело прободшее, да видят языцы вси спасение Божие, славяще Его во веки.

Божественным судом предызбраннии веселитеся, христианстии вернии царие хвалитеся победоносным оружием, приемше от Бога Крест честный: в сем бо колена браней дерзостей ищуще, разсыпаются во веки.

На 9-й песни, Честнейшую: не поем, но поем припевы праздника. Диакон, аще ли несть, иерей пред Царскими вратами или пред престолом возглашает: В еличай душе моя пречестный Крест Господень.

Лик ирмос 1-го канона: Таин еси Богородице рай: И другий лик, припев и ирмос. И к прочим 6 стихам тойже припев поем.

Песнь 9.

Ирмос: Таин еси, Богородице, рай, невозделанно возрастивший Христа, Имже Крестное живоносное на земли насадися древо, тем ныне возносиму покланяющеся ему Тя величаем.

Да радуются древа дубравная вся, освятившуся естеству их, от негоже изначала насадишася, Христу распростершуся на Древе. Тем ныне возносиму покланяющеся ему Тя величаем.

Священный воста рог, и глава всем богомудрым Крест, имже грешных мысленно стираются роги вси. Тем ныне возносиму покланяющеся ему Тя величаем.

Другий припев: Величай душе моя животворящаго Креста Господня воздвижение. И ирмос: С недию древа: И другий лик подобне, припев и ирмос: тропари же 6 с симже припевом.

Ин.

Ирмос: Снедию древа роду прибывшая смерть, Крестом упразднися днесь: ибо праматерняя всеродная клятва разрушися, прозябением Чистыя Богоматере, Юже вся силы небесныя величают.

Горести убийственныя, яже от древа, не оставив Господи, Крестом бо сию совершенно истребил еси. Сего ради и древом услади иногда горесть вод Мерры, прообразующее Креста действо, еже вся силы небесныя величают.

Непрестано гружаемыя мраком праотца Господи, Крестом возвысил еси днесь: яко бо лестию весьма неудержанно естество преднизведеся, всеродне ны паки исправи свет Креста Твоего, егоже вернии величаем.

Да образ покажеши миру покланяемый Господи, Креста, во всех яко преславный на небесех изобразил еси, светом безмерным озарен, царю всеоружие непобедимое. Тем Тя вся силы небесныя величают.

Катавасиа: Таин еси Богородице рай: Другий: С недию древа: С припевы. И поклон.

Светилен:

Подобен: Учеником:

Крест, хранитель всея вселенныя: Крест, красота Церкве: Крест, царей держава: Крест, верных утверждение: Крест, ангелов слава, и демонов язва. [Дважды.]

Слава, и ныне.

Подобен: Жены, услышите:

Крест воздвизается днесь, и мир освящается: Иже бо со Отцем седяй, и Духом Святым, на сем руце распростре: мир весь привлече к Твоему, Христе, познанию. Иже убо на Тя надеющияся, Божественныя сподоби славы.

На хвалитех стихиры, на 4, глас 8. Самоподобен:

О преславнаго чудесе! Живоносный сад, Крест пресвятый, на высоту возносим является днесь: славословят вси концы земнии, устрашаются демонския полки. О каковый дар земным даровася, имже Христе спаси души наша, яко Eдин Благоутробен. [Дважды.]

О преславнаго чудесе, яко грозд исполнен живота, понесый Вышняго, от земли воздвизаем Крест видится днесь, имже вси к Богу привлекохомся, и пожерта бысть до конца смерть. О Древо пречестное, имже восприяхом во eдеме безсмертную пищу, Христа славяще.

О преславнаго чудесе, широта Креста и долгота небеси равна eсть: яко Божественною благодатию освящает всячeская. О сем языцы варварстии побеждаются, о сем скиптры царей утверждаются, о божественныя лествицы, eюже восходим на небеса, возносяще в песнех Христа Господа.

Слава, и ныне, глас 6:

Днесь происходит Крест Господень, и вернии приемлют того желанием, и вземлют исцелeния души же и тела, и всякия болезни. Сего целуим радостию и страхом, страхом греха ради, яко недостойни суще: радостию же спасения ради, eже подает миру на том пригвоздивыйся Христос Бог, имеяй велию милость.

И славословие великое тихо и согласно поют.

Поему же великому славословию, облачится настоятель во всю священную одежду, и приемлет кадильницу с фимиамом, и приходит ко святей трапезе, и кадит честный Крест крестообразно, и взимает его на главу, и исходит северными дверьми, предыдущим ему со двема лампадами даже до Царских врат, и тамо став ожидает конца славословия и Трисвятаго. Сему же скончану, возглашает настоятель велегласно: П ремудрость, прости.

Мы же начинаем тропарь:

Спаси Господи люди Твоя, и благослови достояние Твое, победы православным христианом на сопротивныя даруя, и Твое сохраняя Крестом Твоим жительство. [Трижды.]

И приходит настоятель, нося на главе честный Крест до среды церкве пред святыя Царския двери: тамо убо уготовану аналогию, полагает верху его честный Крест, и кадит крестообразно. Таже творит поклоны три до земли, в койлибо буди день, и взем честный Крест с благовонными василками, на подножии Креста обложенными, станет пред аналогием зря к востоком.

И диакон возглашает велегласно во услышание всех: Помилуй нас Боже, по велицей милости Твоей, молимся Тебе, услыши нас Господи, и помилуй, рцем вси.

И начинаем первую сотницу: Господи помилуй, 50: знаменующу настоятелю в начале честным Крестом, трижды. Таже преклоняет главу, елико пядию отстояти главе от земли, и помалу воздвизается горе даже до скончания втораго, 50, Господи помилуй. Егда же доспеет до 97, Господи помилуй, возвышает глас свой екклисиарх, настоятель же прямо стоя, и конца сотницы ожидая, знаменует Крестом паки трижды.

Таже обращается к западней стране. И глаголет диакон: Еще молимся о милости, жизни и оставлении грехов великаго господина и отца нашего Святейшаго Патриарха Алексия и господина нашего преосвященнейшаго епископа [или архиепископа, или митрополита ] [имярек] и всего о Христе братства нашего, о здравии и о спасении, рцем вси. И начинаем вторую сотницу, Господи помилуй. И творит настоятель второе воздвижение, якоже преднаписася.

Таже обращается к полуденной стране. И глаголет диакон: Е ще молимся о Богохранимей стране нашей Российстей, о властех и воинстве ея, да тихое и безмолвное житие поживем во всяком благочестии и чистоте. И начинаем третию сотницу, Г осподи помилуй.

Скончаваемей же той, обращается настоятель к северной стране. И глаголет диакон: Еще молимся о всякой души христианстей, скорбящей же и озлобленней, здравия, спасения, и оставления грехов требующей, рцем вси. И начинаем четвертую сотницу, Господи помилуй. И бывает четвертое воздвижение.

И обращается настоятель к востоком. И глаголет диакон: Еще молимся о всех служащих и послуживших во святем храме сем [или обители сей ] , отец и братий наших, о здравии и о спасении, и оставлении грехов их, рцем вси. И начинаем пятую сотницу, Господи помилуй. По пятом же воздвижении, поем: Слава, и ныне: кондак: В ознесыйся на Крест волею: Поему же сему, полагает настоятель честное древо Креста на аналогии, и поет тропарь сей во глас 6:

К ресту Твоему покланяемся Владыко, и святое воскресение Твое славим. Трижды. Поющим же и братиям тойже тропарь начинает кланятися настоятель, и творит метания два пред честным Крестом, таже целует его. По целовании же творит паки едино метание, такожде и на оба лика по единому метанию. По сем приходят братия вся: по чину покланяются, и целуют честный Крест.

Поем же и стихиры, дондеже совершится целование.

Стихиры честнаго Креста, самогласны, глас 2:

Приидите вернии, животворящему Древу поклонимся: на немже Христос Царь славы волею руце распростер, вознесе нас на первое блаженство, яже прежде враг сластию украд, изгнаны от Бога сотвори. Приидите вернии, Древу поклонимся, имже сподобихомся невидимых враг сокрушити главы. Приидите вся oтечeствия языков, Крест Господень песнми почтим. Радуйся Кресте, падшаго Адама совершенное избавление: о тебе бо вернейшии царие наши хвалятся, яко твоею силою исмаильтeския люди державно покаряюще. Тя ныне со страхом христиане целующе, на тебе пригвоздившагося Бога славим, глаголюще: Господи, на том пригвоздивыйся помилуй нас, яко Благ и Человеколюбец.

Глас 5:

Приидите людие, преславное чудо видяще, Креста силе поклонимся, яко древо в раи смерть прозябе: сие же жизнь процвете, безгрешнаго имущее пригвожденна Господа. От Негоже вси языцы нетление вземлюще зовем: Иже Крестом смерть упразднивый, и нас свободивый, слава Тебе.

Глас тойже:

Глас пророк Твоих, Исаии и Давида, исполнися Боже, глаголющий: приидут вси языцы Господи, и поклонятся пред Тобою: се бо людие, иже Твоея Блаже благодати наполнишася, во дворех Твоих Иерусалима. Крест претерпевый за ны, и воскресением Твоим животворяй, сохрани и спаси ны.

Глас 6:

Четвероконечный мир днесь освящается, четверочастному воздвизаему Твоему Кресту Христе Боже наш, и рог верных христиан совозносится. Тем врагов сокрушаем роги, велий еси Господи, и дивен в делех Твоих, слава Тебе.

Пророков гласи Древо святое предвозвестиша, имже древния свободися клятвы смертныя Адам, тварь же, днесь возносиму тому, совозвышает глас, от Бога просящи богатыя милости: но единый в благоутробии, безмерный Владыко, очищение буди нам, и спаси души наша.

Глас 8.

Глас пророка Твоего Моисеа Боже, исполнися глаголяй: узрите Живот ваш висящь пред очесы вашими. Днесь Крест воздвизается, и мир от лести свобождается: днесь Христово воскресение обновляется, и концы земли радуются, в кимвалех Давидски песнь Тебе приносяще и глаголюще: соделал еси спасение посреде земли Боже, Крест и воскресение: ихже ради нас спасл еси Блаже и Человеколюбче, всесильне Господи, слава Тебе.

Глас тойже:

Днесь Владыка твари, и Господь славы, на Кресте пригвождается, и в ребра прободается, желчи и оцта вкушает, Сладость церковная: венцем от терния облагается, Покрываяй небо облаки, одеждею облачится поругания: и заушается бренною рукою, рукою Создавый человека. По плещама биен бывает, Одеваяй небо облаки: заплевания и раны приемлет, поношения и заушения, и вся терпит мене ради осужденнаго, Избавитель мой и Бог, да спасет мир от прелести, яко Благоутробен.

Слава, и ныне, глас тойже:

Днесь неприкосновенный существом, прикосновен мне бывает, и страждет страсти, свобождаяй мя от страстей: свет подаваяй слепым, от беззаконных устен оплевается, и дает плещи за пленeнныя на раны. Сего Чистая Дева и Мати на Кресте зрящи, болезненно вещаше: увы Мне Чадо Мое, что сие сотворил eси? Красный добротою паче всех человек, бездыханный, беззрачный являешися, не имея вида, ниже доброты. Увы Мне Мой свете, не могу спяща зрети Тя, утробою уязвляюся, и лютое oружие сердце мое проходит: воспеваю Твоя страсти, покланяюся благоутробию твоему. Долготерпеливе Господи, слава Тебе.

На Литургии

Антифон 1-й, глас 2. Псалом 21:

Стих 1: Боже, Боже Мой, вонми Ми, вскую оставил Мя еси? М олитвами Богородицы, Спасе, спаси нас. И паки другий лик, стих 2-й: Д алече от спасения моего словеса грехопадений моих. М олитвами Богородицы: И паки 1-й лик, стих 3: Б оже мой, воззову во дни и не услышиши, и в нощи, и не в безумие мне. М олитвами Богородицы: Таже 2-й лик, стих 4: Ты же во святем живеши, Хвало Израилева. Молитвами Богородицы: С лава, и ныне: Молитвами Богородицы:

Антифон 2-й, глас 2. Псалом 73:

Стих 1: В скую, Боже, отринул ны еси до конца? С паси ны, Сыне Божий, плотию распныйся, поющия Ти: аллилуиа. Другий лик, стих 2: П омяни сонм Твой, егоже стяжал еси исперва. С паси ны, Сыне Божий: Стих 3: Г ора Сион сия, в нейже вселился еси. С паси ны, Сыне Божий: Стих 4: Б ог же Царь наш прежде века содела спасение посреде земли. С паси ны, Сыне Божий: С лава, и ныне: Е динородный Сыне: [оба лика вкупе.]

Антифон 3-й, глас 1. Псалом 98:

Стих 1: Господь воцарися, да гневаются людие. Таже тропарь: Спаси, Господи, люди Твоя: весь до конца. Другий лик тойже стих: Господь воцарися, да гневаются людие, седяй на херувимех, да подвижится земля. Тропарь: Спаси, Господи, люди Твоя: И паки 1-й лик, стих 3: Господь в Сионе велик, и высок есть над всеми людьми. Тропарь: Спаси, Господи, люди Твоя: Другий лик, стих 4: Поклонитеся Господеви во дворе святем Его. Тропарь: Спаси, Господи, люди Твоя:

Таже, вход. Диакон речет: Премудрость, прости. Мы же входное: Возносите Господа Бога нашего, и поклоняйтеся подножию ногу Его, яко свято есть. Тропарь: Спаси, Господи, люди Твоя: С лава, и ныне, кондак: Вознесыйся на Крест волею: Вместо же Трисвятаго: Кресту Твоему покланяемся, Владыко, и святое воскресение Твое славим. Прокимен, глас 7: Возносите Господа Бога нашего, и поклоняйтеся подножию ногу Его, яко свято есть. Стих: Господь воцарися, да гневаются людие.

Апостол, зачало 125. [ 1 Кор. 1, 18 – 24. ]

Братья, слово о кресте для погибающих юродство есть, а для нас спасаемых – сила Божия.

Ибо написано: «погублю мудрость мудрецов, и разум разумных отвергну».

Где мудрец? где книжник? где совопросник века сего? Не обратил ли Бог мудрость мира сего в безумие?

Ибо, когда мир своею мудростью не познал Бога в премудрости Божией, то благоугодно было Богу юродством проповеди спасти верующих.

Ибо и Иудеи требуют чудес, и Еллины ищут мудрости;

А мы проповедуем Христа распятого, для Иудеев соблазн, а для Еллинов безумие,

Для самих же призванных Иудеев и Еллинов, Христа, Божию силу и Божию премудрость.

Братие, слово бо крестное погибающим убо юродство есть, а спасаемым нам сила Божия есть.
Писано бо есть: погублю премудрость премудрых, и разум разумных отвергу.
Где премудр? где книжник? где совопросник века сего? Не обуи ли Бог премудрость мира сего?
Понеже бо в премудрости Божией не разуме мир премудростию Бога, благоизволил Бог буйством проповеди спасти верующих.
Понеже и Иудее знамения просят, и Еллини премудрости ищут:
Мы же проповедуем Христа распята, Иудеем убо соблазн, Еллином же безумие,
Самем же званным Иудеем же и Еллином Христа, Божию силу и Божию премудрость.

Аллилуиа, глас 1: Помяни сонм Твой, егоже стяжал еси исперва. Стих: Бог же Царь наш прежде века содела спасение посреде земли.

Евангелие от Иоанна, зачало 60. [Ин. 19, 6 – 11, 13 – 20, 25 – 28, 30 – 35.]

Первосвященники и старейшины собрали совет против Иисуса, чтобы убить Его. И привели Его к Пилату, и говорят: возьми, возьми, распни Его! Пилат говорит им: возьмите Его вы и распните, ибо я не нахожу в Нем вины.

Иудеи отвечали ему: мы имеем закон, и по закону нашему Он должен умереть, потому что сделал Себя Сыном Божиим.

Пилат, когда услышал это слово, больше убоялся,

И опять вошел в преторию, и сказал Иисусу: откуда Ты? Но Иисус не дал ему ответа.

Пилат говорит Ему: мне ли не отвечаешь? не знаешь ли, что я имею власть распять Тебя и власть имею отпустить Тебя?

Иисус отвечал: ты не имел бы надо Мною никакой власти, если бы не было дано тебе свыше.

Пилат, услышав это слово, вывел вон Иисуса и сел на судилище, на месте, называемом Лифостротон, а по-еврейски Гаввафа.

Тогда была пятница пред Пасхою, и час шестый. И сказал Пилат Иудеям: се, Царь ваш!

Но они закричали: возьми, возьми, распни Его! Пилат говорит им: Царя ли вашего распну? Первосвященники отвечали: нет у нас царя кроме кесаря.

Тогда наконец он предал Его им на распятие. И взяли Иисуса и повели.

И, неся крест Свой, Он вышел на место, называемое Лобное, по-еврейски Голгофа;

Там распяли Его и с Ним двух других по ту и по другую сторону, а посреди Иисуса.

Пилат же написал и надпись и поставил на кресте. Написано было: Иисус Назорей, Царь Иудейский.

Эту надпись читали многие из Иудеев, потому что место, где был распят Иисус, было недалеко от города, и написано было по-еврейски, по-гречески, по-римски.

При кресте Иисуса стояли Матерь Его, и сестра Матери Его Мария Клеопова, и Мариа Магдалина.

Иисус, увидев Матерь и ученика тут стоящего, которого любил, говорит Матери Своей: Жено! се, сын Твой.

Потом говорит ученику: се, Матерь твоя! И с этого времени ученик сей взял Ее к себе.

После того Иисус, зная, что уже все совершилось,

Преклонив главу, предал дух.

Но как тогда была пятница, то Иудеи, дабы не оставить тел на кресте в субботу, ибо та суббота была день великий, просили Пилата, чтобы перебить у них голени и снять их.

Итак пришли воины, и у первого перебили голени, и у другого, распятого с Ним;

Но, пришедши к Иисусу, как увидели Его уже умершим, не перебили у Него голеней,

Но один из воинов копьем пронзил Ему ребра, и тотчас истекла кровь и вода.

И видевший засвидетельствовал, и истинно свидетельство его.

Во время оно, совет сотвориша архиерее и старцы на Иисуса, яко да убиют Его. И приведоша Его к Пилату, глаголюще: возми, возми, распни Его. Глагола им Пилат: поимите Его вы и распните: аз бо не обретаю в Нем вины.
Отвещаша ему иудее: мы закон имамы, и по закону нашему должен есть умрети, яко Себе Сына Божия сотвори.
Егда убо слыша Пилат сие слово, паче убояся,
И вниде в претор паки и глагола Иисусови: откуду еси Ты? Иисус же ответа не даде ему.
Глагола же Ему Пилат: мне ли не глаголеши? не веси ли, яко власть имам распяти Тя и власть имам пустити Тя?
Отвеща Иисус: не имаши власти ни единыя на Мне, аще не бы ти дано свыше.
Пилат убо слышав сие слово, изведе вон Иисуса и седе на судищи, на месте глаголемем Лифостротон, еврейски же Гаввафа.
Бе же пяток Пасце, час же яко шестый. И глагола Иудеом: се Царь ваш.
Они же вопияху: возми, возми, распни Его. Глагола им Пилат: Царя ли вашего распну? Отвещаша архиерее: не имамы царя токмо кесаря.
Тогда убо предаде Его им, да распнется. Поемше же Иисуса и ведоша:
И нося крест Свой изыде на глаголемое Лобное место, еже глаголется еврейски Голгофа,
Идеже пропяша Его и с Ним ина два сюду и сюду, посреде же Иисуса.
Написа же и титла Пилат и положи на кресте. Бе же написано: Иисус Назорянин, Царь Иудейский.
Сего же титла мнози чтоша от Иудей, яко близ бе место града, идеже пропяша Иисуса: и бе написано еврейски, гречески, римски.
Стояху же при кресте Иисусове Мати Его и сестра Матере Его Мариа Клеопова и Мариа Магдалина.
Иисус же видев Матерь и ученика стояща, егоже любляше, глагола Матери Своей: Жено, се, сын Твой.
Потом глагола ученику: се, Мати твоя. И от того часа поят Ю ученик во своя си.
Посем ведый Иисус, яко вся уже совершишася,
И приклонь главу, предаде дух.
Иудее же, понеже пяток бе, да не останут на кресте телеса в субботу, бе бо велик день тоя субботы, молиша Пилата, да пребиют голени их и возмут.
Приидоша же воини, и первому убо пребиша голени, и другому распятому с Ним:
На Иисуса же пришедше, яко видеша Его уже умерша, не пребиша Ему голений,
Но един от воин копием ребра Ему прободе, и абие изыде кровь и вода.
И видевый свидетелствова, и истинно есть свидетелство его.

Вместо Достойно: Величай душе моя пречестный Крест Господень. Таин еси, Богородице, рай, невозделанно возрастивший Христа, Имже Крестное живоносное на земли насадися древо, тем ныне возносиму покланяющеся ему Тя величаем.

Причастен: Знаменася на нас свет лица Твоего, Господи.

На трапезе же бывает утешение братии, от елеа и вина, и прочих снедей овощных: сыра же и яиц и рыбы никакоже дерзнем коснутися.

www.pravmir.ru

ВОЗДВИЖЕНИЕ КРЕСТА ГОСПОДНЯ. Литургия

Пилат же слышав сие слово, изведе вон Иисуса, и седе на судищи, на месте глаголемем Лифостротон, еврейски же Гаввафа. Бе же пяток Пасце, час же яко шестый. И глагола Иудеом: се Царь ваш. Они же вопияху: возми, возми, распни Его. Глагола им Пилат: Царя ли вашего распну? Отвещаша архиерее: не имамы царя, токмо кесаря. Тогда же предаде Его им, да распнется. Поемше же Иисуса, и ведоша. И нося крест Свой, изыде в глаголемое Лобное место, еже глаголется еврейски Голгофа. Идеже пропяша Его и с Ним ина два, сюду и сюду, посреде же Иисуса. Написа же и титла Пилат, и положи на кресте. Бе же написано: Иисус Назорянин, Царь Иудейский. Сего же титла мнози чтоша от Иудей, яко близ бе место града, идеже пропяша Иисуса. И бе написано: еврейски, гречески, римски.

Итак, Пилат, услышав это слово, вывел вон Иисуса и сел на судейском престоле на месте, называемом «Каменный помост», а по-еврейски Гаввафа. Была же пятница перед Пасхой, и около шестого часа. И говорит он Иудеям: «Вот, Царь ваш». Они же закричали: «Возьми, возьми, распни Его!» Говорит им Пилат: «Царя ли вашего распну?» Ответили первосвященники: «Нет у нас царя, кроме кесаря». Тогда-то он и предал Его им на распятие. И взяли Иисуса и повели. И неся Крест Свой, Он вышел на место, называемое Лобным, которое зовется по-еврейски Голгофа, где Его распяли, и с Ним двух других, по ту и по другую сторону Его; посредине же – Иисуса. Написал же и надпись Пилат и поставил на кресте. Было же написано: «Иисус Назорей, Царь Иудейский». Так вот, эту надпись многие прочли из Иудеев, потому что близко было от города то место, где был распят Иисус, и было написано по-еврейски, по-гречески, по-римски.

azbyka.ru

Служба Воздвижению Честного и Животворящего Креста Господня (текст) - Лампада

Крестовоздвижение Православная Церковь отмечает 27 сентября. В этот день верующие вспоминают, как в 326 году в Иерусалиме был чудом обретен Крест, на котором распяли Иисуса Христа.

Полное название праздника — Воздвижение Честного и Животворящего Креста Господня. В этот день православные христиане вспоминают два события.

Как говорит Священное Предание, Крест был обретен в 326 году в Иерусалиме. Произошло это около горы Голгофы, где был распят Спаситель.

И второе событие — возвращение Животворящего Креста из Персии, где он находился в плену. В VII веке его вернул в Иерусалим греческий император Ираклий.

Оба события объединяло то, что Крест перед народом воздвигали, то есть поднимали. При этом обращали его ко всем сторонам света по очереди, чтобы люди могли поклониться ему и разделить друг с другом радость обретения святыни.

Воздвижение Креста Господня — двунадесятый праздник. Двунадесятые праздники догматически тесно связаны с событиями земной жизни Господа Иисуса Христа и Богородицы и делятся на Господские (посвященные Господу Иисусу Христу) и Богородичные (посвященные Божией Матери). Крестовоздвижение — Господский праздник.

Читайте также:  Собор святого Иоанна, Предтечи и Крестителя Господня

Текст службы Воздвижению Честного и Животворящего Креста Господня в 2018 году и основные песнопения праздника. Служба Воздвижению Честного и Животворящего Креста Господня  (Всенощное бдение и Божественная Литургия) составляет праздничное богослужение. Текст содержит все песнопения и последования праздничной службы. Приводится на церковнославянском языке гражданским шрифтом с ударениями.

Скачать:

Текст службы Воздвижению Честного и Животворящего Креста Господня в формате .pdf

Текст службы Воздвижению Честного и Животворящего Креста Господня в формате .doc

***

Тропарь Воздвижения Честнаго и Животворящего Креста, глас 1:

Спаси, Господи, люди Твоя/ и благослови достояние Твое,/ победы на сопротивныя даруя// и Твое сохраняя Крестом Твоим жительство.

Кондак Воздвижения Честнаго и Животворящего Креста, глас 4:

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Величание

Величаем Тя,/ Живодавче Христе,/ и чтим Крест Твой святый,/ имже нас спасл еси// от работы вражия.

Читайте также:  О празднике Покрова Божией Матери

Рекомендуем прочитать:

lampada.in.ua

Литургика. Учебное пособие для Духовных Семинарий, Раздел 11 - читать, скачать - Гермоген Иванович Шиманский

Тропарь (глас 1)

Спаси, Господи, люди Твоя и благослови достояние Твое, победы на сопротивныя даруя, и Твое сохраняя крестом Твоим жительство.

Кондак (глас 4)

Вознесыйся на крест волею тезоименитому Твоему новому жительству, щедроты Твоя даруй, Христе Боже, возвесели нас силою Твоею, победы дая нам на сопостаты, пособие имущим Твое оружие мира, непобедимую победу.

Величание

Величаем Тя, Живодавче Христе, и чтем Крест Твой Святый, имже нас спасл еси от работы вражия.

Изначально, в IV веке, этот праздник был установлен Церковью в воспоминание Обрéтения Креста Господня. По описанию древних христианских историков (Евсевия Кесарийского, Феодорита Киррского, Руфина Аквилейского, Сократа Схоластика и Созомена Саламанского), событие это представляется в следующем виде.

Император Константин Великий, испытывая чувства благоговения ко Кресту Господню, с помощью благодатной силы которого он одержал многие победы, и благодарности Богу за согласие Церкви, установленное на I Вселенском Соборе, возымел желание отыскать Честное Древо Креста Господня и соорудить храм на Голгофе. Его мать, святая равноапостольная царица Елена, желая содействовать столь благочестивому намерению своего сына, – отправилась в 326 г. в Иерусалим на поиски Креста Господня.

При его поисках руководствовались тем, что по древнему иудейскому обычаю орудия казни закапывались вблизи места ее совершения. По преданию, записанному Григорием Турским, место обретения Креста Господня указал под развалинами языческого капища престарелый иудей по имени Иуда, впоследствии принявший христианство с именем Кириак. Вблизи Лобного места нашли гвозди, дощечку с надписью на трех языках, которая была прибита над Главою распятого Христа, и три креста. Для того чтобы узнать, какой из трех крестов является Крестом Господним, нужно было высшее свидетельство о нем. И это свидетельство было явлено в чудодейственной силе Креста: по свидетельству многих историков, прикосновением Креста Господня исцелилась находившаяся при смерти женщина.

В благоговейной радости равноапостольная царица Елена и все бывшие с ней воздали поклонение Кресту. Но людей собралось очень много, и, естественно, не все могли поклониться Честному Древу Креста Господня и даже не все могли увидеть его. Тогда Патриарх Иерусалимский Макарий, став на высоком месте, начал поднимать – воздвигать – Святой Крест, показывая его народу. Народ поклонялся Кресту, восклицая: «Господи, помилуй».

Отсюда получил свое начало праздник Воздвижения Честного и Животворящего Креста Господня, который был установлен в год обретения Святого Древа. Поскольку Крест был обретен в дни празднования Пасхи, то первоначально праздник совершался на второй день Пасхи.

С 335 года, когда было совершено освящение храма Воскресения Христова (13 сентября), праздник Воздвижения был перенесен на 14 сентября. Это освящение совершал собор епископов, прибывших со всех концов Римской империи, что послужило к распространению празднования в этот день Воздвижения Креста Господня и за пределами Иерусалима, во всем христианском мире.

В VII веке с воспоминанием обретения Креста Господня было соединено и другое воспоминание – возвращения Древа Животворящего Креста Господня из Персидского плена. В 614 г. Персидский шах Хозрой во время войны с Византийским императором Фокой овладел Иерусалимом и разграбил его сокровища. Он увез из Иерусалима в Персию и Древо Животворящего Креста Господня. В Персии Честной Крест пребывал 14 лет. В 628 г. святое Древо Креста Господня после победы императора Ираклия над персами и заключения мира было отобрано у персов и возвращено в Иерусалим. Император, в смиренной одежде и босой, торжественно встретил Крест Господень в Иерусалиме, внес его в храм, откуда он и был ранее похищен персами. Это событие совершилось 14 сентября. Таким образом, в празднике этого дня соединились два воспоминания – обретение Креста Господня и возвращение его из персидского плена в Иерусалим.

Праздник Воздвижения Животворящего Креста Господня принадлежит к числу двунадесятых. Он имеет один день предпразднства (13/26 сентября) и семь дней попразднства. День отдания – 21 сентября/4 октября. Кроме того, праздник Воздвижения имеет ту особенность, что суббота и Неделя, предшествующие дню Воздвижения, называются субботой и Неделей пред Воздвижением. Суббота и Неделя, следующие заднем Воздвижения, называются субботой и Неделей по Воздвижении. Эти субботы и Недели составляют предпразднство и попразднство. Но в эти дни не бывает особых служб – только на Литургии положено чтение особых Апостола и Евангелия, имеющих отношение ко Кресту, а перед ними – соответствующих празднику прокимнов и аллилуария (указание на это см. в служебном Евангелии, Апостоле, а также в Типиконе – последование под 8, 13, 15 и 21 сентября).

Перед началом малой вечерни или всенощного бдения, если не служится малая вечерня, священник износит Честной Крест из сосудохранительницы, полагает его на жертвенник на блюде, покрытом покровцом, и украшает его венком из цветов. После отпуста малой вечерни или всенощного бдения священник и диакон в облачениях подходят к жертвеннику. Диакон, взяв благословение на кадило и совершая каждение Честного Креста, глаголет тихо: «Благослови, Владыко». Священник: «Благословен Бог наш». Чтец читает: Трисвятое по «Отче наш». Свящненнослужители поют (тихо) тропарь Кресту: «Спаси, Господи, люди Твоя», «Слава, и ныне»: кондак «Вознесыйся на Крест волею». Во время пения священник поднимает на главу блюдо с Крестом и в предшествии двух свещеносцев со свечами и диакона с кадилом переносит Честной Крест на Престол и полагает его на место Евангелия, а Евангелие поставляет на горнее место Престола (как на Литургии), и возжигает свечу перед Престолом.

Вся служба всенощного бдения находится в Минее. На великой вечерне после великой ектений «Блажен муж» поется в том случае, если праздник случится в воскресенье или в понедельник. Если же праздник случится во вторник, среду, четверг, пятницу и субботу, то «Блажен муж» не поется. Это же относится и к другим Господским праздникам.

После входа – прокимен дня. Подобно празднику Преображения Господня и другим двунадесятым Господским праздникам, на великой вечерне – великий прокимен «Бог наш на небеси и на земли» бывает в том случае, когда праздник случится в субботу, а в субботу вечером – свой великий прокимен «Господь воцарися».

Если праздник случится в другие дни, то великий прокимен поется на вечерне в самый праздник, т. е. накануне дня, следующего за праздником, и бывает вход с кадилом, а накануне самого праздника – прокимен дня.

На литии, на «Бог Господь» и в конце утрени поется тропарь (гл. 1) «Спаси, Господи, люди Твоя, и благослови достояние Твое, победы на сопротивныя даруя и Твое сохраняя Крестом Твоим жительство».

На утрене полиелей совершается в алтаре.

В некоторых приходах во время пения «Хвалите Имя Господне» из алтаря на середину храма выносится икона праздника; перед нею поется величание; во время чтения канона народ подходит к иконе и к помазанию освященным елеем. Перед великим славословием икону уносят. После выноса Креста (после великого славословия) совершается поклонение Кресту и его целование; священник произносит в алтаре ектений и совершает прочее последование утрени.

После полиелея – величание.

В том случае если праздник придется на воскресенье, тропари «Ангельский Собор» не поются. Евангелие читается в алтаре и на середину храма не выносится.

После Евангелия поется «Воскресение Христово видевше» и читается 50 псалом (царские врата закрываются). «Слава»: «Молитвами апостолов»; «И ныне»: «Молитвами Богородицы». Стих: «Помилуй мя, Боже», и стихира праздника: «Крест Христов». Припев канона Кресту: «Слава, Господи, Кресту Твоему Честному».

По 8 песни «Честнейшую Херувим» не поем, но поется припев и ирмос 9 песни.

Припев: Величай, душе моя, Пречестный Крест Господень. Указанный припев поется на 9 песни и к каждому тропарю 1 канона, а к тропарям 2 канона поют припев «Величай, душе моя, Животворящего Креста Господня Воздвижение».

Ирмос 9 песни: Тайн еси Богородице рай (Ты – Таинственный рай, Богородица), невозделанно возрастивший Христа. Имже Крестное Живоносное на земли насадися Древо. Тем (поэтому) ныне (Кресту) возносиму, поклоняющеся ему, Тя величаем.

Во время великого славословия священник в полном облачении вместе с диаконом трижды совершает каждение вокруг святого Престола, на котором лежит Святой Крест.

По окончании великого славословия священник отдает кадило диакону, трижды поклоняется перед Престолом и во время пения особым напевом последнего «Святый Боже» поднимает Крест на главу. Обходя вокруг Престола, он исходит северными дверями в предшествии свещеносцев и диакона с кадилом и идет до царских врат.

После окончания пения Трисвятого священник возглашает в царских вратах: «Премудрость, прости». Хор (трижды): «Спаси, Господи, люди Твоя».

Крест обычно износится на середину храма. Священник полагает его на заранее приготовленный аналой и совершает вокруг него троекратное каждение. После этого, если не совершается чин Воздвижения, он поет тропарь «Кресту Твоему покланяемся, Владыко» (трижды), творя земной поклон после каждого пения тропаря. То же поет хор.

Затем совершается поклонение Кресту и целование его во время пения стихир на поклонение Кресту. Диакон произносит ектению «Помилуй нас, Боже» и далее все по Чину Воздвижения Креста (см. «Богослужебные указания на 1950 год»).

В соборах и приходских храмах по благословению епархиального архиерея, совершается следующий чин Воздвижения Креста. После выноса Креста на середину храма и троекратного каждения настоятель совершает три поклона до земли перед Святым Крестом и, взяв на главу Честной Крест с живыми цветами, лицом к востоку начинает первое воздвижение. Стоя на некотором расстоянии от Креста, диакон, держа в левой руке свечу, а в правой – кадило, громко возглашает: «Помилуй нас, Боже, по велицей милости Твоей, молимся Тебе, услыши нас, Господи, и помилуй, рцем вси». Хор поет сто раз «Господи, помилуй».

В начале пения «Господи, помилуй» настоятель трижды осеняет Крестом на восток и, при пении первой половины сотницы, медленно преклоняет главу свою с Крестом насколько можно низко – «на пядь до земли». По мере преклонения Креста голоса поющих понижаются, и почти стихают. При пении второй половины сотницы настоятель медленно поднимается. С такой же постепенностью пение усиливается и заканчивается громким и торжественным «Господи, помилуй». При пении «Господи, помилуй» в 97 раз настоятель выпрямляется и вновь трижды осеняет Крестом на восток. При соборном служении – два сослужащих священника поддерживают настоятеля под руки, облегчая ему преклонение и воздвижение. «Два диакона кадят Крест в лице беспрестанно, а два подсвечника великие обращают по сторонам» (см. «Месяцеслов Троице-Сергиевой Лавры»).

После этого настоятель обращается с Крестом лицом на запад. Диакон переходит на противоположную сторону и, стоя перед Крестом, возглашает: «Еще молимся о стране нашей, властех и воинстве ея, рцем вси». Хор: «Господи, помилуй» (100 раз).

Настоятель совершает второе воздвижение, как и первое. Таким же образом – и в следующие три раза.

Третье Воздвижение – лицом на юг. Диакон возглашает: «Еще молимся об оставлении грехов Великаго Господина и Отца нашего Алексия, Святейшаго Патриарха Московскаго и всея Руси, и Господина нашего (имя рек) епископа (архиепископа, митрополита с их титулами) и всего во Христе братства нашего, о здравии и спасении, рцем вси».

Четвертое воздвижение – лицом на север. Диакон глаголет: «Еще молимся о всякой души христианстей, скорбящей и озлобленней (находящейся в бедах и угнетении), здравия, спасения и оставления грехов требующей, рцем вси».

Пятое воздвижение – опять лицом к востоку. Диакон глаголет: «Еще молимся о всех служащих и послуживших во святей обители сей (или храме сем), отец и братии наших, о здравии, и о спасении, и оставлении грехов их, рцем вси».

После пятого воздвижения поется «Слава, и ныне» и кондак: «Вознесыйся на Крест волею». При пении кондака настоятель полагает Крест на аналое. Затем поются тропарь «Кресту Твоему» с поклонами, стихиры на поклонение Кресту и далее – все по чину.

Если совершен был Чин Воздвижения, то сугубая ектения не произносится, а сразу говорится ектения «Исполним утреннюю молитву нашу». Если Чин Воздвижения не совершался, то после поклонения Кресту и пения стихир Кресту произносятся обе ектений: «Помилуй нас, Боже» и «Исполним утреннюю молитву нашу».

Обрядом воздвижения Креста Церковь напоминает об обстоятельствах обретения и возвращения Креста из плена: о воздвижении Креста Патриархом Макарием после обретения и особенно о положении Креста на место его первоначального нахождения по возвращении из персидского плена. В том и другом случае народ с глубокой радостью и смирением восклицал: «Господи, помилуй».

На Литургии поются антифоны праздника. Входный стих: «Возносите Господа Бога нашего и покланяйтеся подножию нóгу Его, яко свято есть». После входа (входного стиха) – тропарь и кондак праздника. Вместо Трисвятого – «Кресту Твоему покланяемся, Владыко» (поется только в день праздника). Задостойник: припев «Величай, душе моя, пречестный Крест Господень» и ирмос «Тайн еси, Богородице, рай».

Праздник Воздвижения Креста Господня – единственный Господский праздник, который не имеет в Служебнике особого отпуста. Отпуст в конце всенощного бдения и Литургии праздника обычно бывает такой же, как седмичный в среду и пятницу, только без упоминания седмичных и празднуемых святых (святых Минеи). В практике принято начало отпуста праздника Воздвижения произносить так же, как и отпуста воскресного дня: «Воскресый из мертвых, Христос», так как служба посвящена не только Кресту, но и воспоминанию Воскресения Христова (пение воскресной песни «Воскресение Христово видевше» на утрене и прочее).

В день праздника Воздвижения установлен строгий пост, подобно тому как бывает пост по средам и пятницам (рыба не разрешается). Этот пост установлен в воспоминание страданий Господа, претерпевшего смерть на Кресте, и для напоминания о том, что почитание Креста состоит также в умерщвлении плоти (см. Типикон, последование 14 сентября и гл. 33).

Животворящий Крест, вынесенный на середину храма в праздник Воздвижения, лежит на аналое до дня отдания праздника. В день отдания Воздвижения, после отпуста Литургии священник уносит Крест в алтарь и полагает его на Престол при пении тропаря и кондака праздника (чин тот же, что и 2 августа – см. Типикон, последование 2 августа).

В попразднство на Литургии после входа поется «Приидите, поклонимся», в конце – с праздничным припевом «Спаси ны, Сыне Божий, плотию распныйся, поющия Ти: Аллилуиа».

Устав чтения кафизм, пения тропарей, называемых «Непорочны», и полиелея имеет несколько периодов. Наиболее длительными являются два периода: летний и зимний, разделенные между собой праздником Воздвижения Креста Господня.

По Уставу положено в летний период – от Фоминой Недели до отдания Воздвижения включительно – во все дни седмицы на утрене читать по две рядовых кафизмы и на вечерне – одну рядовую кафизму.

На воскресной утрене читаются две кафизмы и вместо полиелея поются Непорочны, то есть 17 кафизма (за исключением Недели Фоминой, Пятидесятницы и дней с бдением или полиелеем).

Второй большой период (зимний) начинается от отдания Воздвижения (с 22 сентября/5 октября) до субботы перед Неделей о блудном сыне, за исключением времени от предпразднства Рождества Христова (20 декабря/2 января) до отдания Богоявления (14/27 января). Второй период характеризуется чтением на седмичной утрени трех кафизм, на вечерне – 18 кафизмы, а на воскресной утрени пением вместо Непорочнов (т. е. 17 кафизмы) – полиелея «Хвалите Имя Господне» (Типикон, гл. 17).

Во время празднования Рождества Христова и Богоявления с 20 декабря/2 января по 14/27 января чтение кафизм и пение в воскресенье Непорочнов (17 кафизмы) совершается по тому же Уставу, как в первый (летний) период. Но если праздник Рождества Христова случится в воскресенье, то бывает полиелей. (О чтении кафизм в период подготовительных Недель к Святой Четыредесятнице, в период всей Четыредесятницы и Страстной седмицы будет сказано при рассмотрении служб Святой Четыредесятницы).

Порядок рядового чтения кафизм в летний и зимний периоды

(Цифрами обозначены рядовые кафизмы)

  I (летний) период II (зимний) период
Дни От Фоминой Недели до отдания Воздвижения, а также от предпразднства Рождества Христова до отдания Богоявления (с 20 декабря по 1 4 января) От отдания Воздвижения до Субботы перед Неделей о блудном сыне (за исключением периода от 20 декабря по 14 января)
  Утреня Вечерня Утреня Вечерня
Воскресение 2, 3 и 17-я (Непорочны) 2, 3 и полиелей
Понедельник 4, 5 6 4, 5, 6 18
Вторник 7, 8 9 7, 8, 9 18
Среда 10, 11 12 10, 11, 12 18
Четверг 13, 14 15 13, 14, 15 18
Пятница 19, 20 18 19, 20 18
Суббота 16, 17 1 16, 17 1

Полиелей «Хвалите Имя Господне» поется в седмичные и в воскресные дни, как в летний, так и в зимний период Устава, если в эти дни случаются праздники Господские, Богородичные и святых с бдением и полиелеем.

Годичный круг воскресных Литургийных Апостолов и Евангелий (см. «Толковый Типикон» проф. М. Скабаллановича327) не выдерживается точно каждый год и очень часто нарушается. Этот круг дает чтения для 32 Недель между Пятидесятницей и Неделей о Мытаре и фарисее. Но в разные годы число этих Недель бывает различным – это колебание зависит от дня празднования Пасхи.

Если Пасха была очень ранняя, а в следующем году – очень поздняя, то число Недель между Пятидесятницей и Неделей о Мытаре и фарисее будет больше, чем в обратном случае, так как в первом случае Пасха находится «внутри» годового круга, а во втором – «вне Пасхи». Таким образом, между Пятидесятницей и Неделей о Мытаре и фарисее может быть и более 32 Недель (это бывает чаще) и менее (это бывает реже). «Если не хватает» Евангелий, то в Неделю по Рождестве Христовом, в Неделю пред Богоявлением и по Богоявлении читаются только особо назначенные для этих Недель Евангелия, а рядовые чтения этих Недель, равно как и рядовые чтения, попадающие на Недели Праотец и Отец, читаются в избыточествующие Недели, но так, «чтобы в Неделю, предшествующую мытаревой, было непременно Евангелие (32 Недели) о Закхее».

Если на избыточествующие Недели не достает и этих зачал, то в Неделю, предшествующую Закхеевой, читается зачало 17 от Матфея – «О хананеянке».

Если Недель менее 32, то опускаются Евангелия перед чтением о Закхее. Апостолы всегда сопровождают свои Евангелия (см. Типикон 7 января, 6 зри; ср.: 1 зри и 26 декабря зри, см. в Служебном Евангелии «Сказание, приемлющее всего лета число евангельское, и евангелистам приятие, откуду начинают и до где стают»). В седмичные же дни чтение Литургийных Апостолов и Евангелий возвращается назад повторением прежде прочитанных в истекшие ближайшие седмицы328.

* * *

azbyka.ru

ВОЗДВИЖЕНИЕ КРЕСТА ГОСПОДНЯ. Великая вечерня

Сия глаголет Господь: отверзутся врата твоя, Иерусалиме, выну день и нощь и не затворятся, еже ввести к тебе силу языков и цари их ведомыя. Языцы бо и царие, иже тебе не поработают, погибнут, и языцы запустением запустеют. И слава Ливанова к тебе приидет, в кипарисе, и певке и кедре вкупе, прославити место святое Мое, и место ног Моих прославлю. И пойдут к тебе, боящеся, сынове смиривших тя и прогневавших тя и поклонятся следом ног твоих вси прогневавшии тя, и наречешися град Господень, Сион Святаго Израилева, за еже быти тебе оставлену и возненавидену, и не бе помогаяй тебе. И положу тя в радость вечную, веселие родом родов. И иссеши млеко языков, и богатство царей снеси, и разумееши, яко Аз Господь, спасаяй тя и избавляяй тя, Бог Израилев.

Так говорит Господь: Отворены будут врата твои, Иерусалим, постоянно, днем и ночью, (и) не будут затворяться, чтобы ввести к тебе силу народов и царей их приводимых. Ибо народы и цари, которые не будут служить тебе, погибнут, и такие народы совершенно запустеют. И слава Ливана к тебе придет в кипарисе, и сосне, и кедре вместе, чтобы прославить место святое Мое; и место ног Моих Я прославлю. И придут к тебе в страхе сыновья смиривших тебя и раздраживших тебя, и преклонятся к следам ног твоих все, раздражившие тебя, и ты будешь назван городом Господа, Сионом Святого Израилева. За то, что ты был оставлен и ненавидим, и не было помощника тебе, Я и сделаю тебя радостью вечною, весельем родам родов. И будешь питаться молоком народов, и богатство царей вкусишь, и узнаешь, что Я – Господь, спасающий тебя, и избавляющий тебя – Бог Израилев.   Ис 60:11–16

azbyka.ru

Служба на Воздвижение Креста Господня

НА МАЛЕЙ ВЕЧЕРНИ

Стихиры, глас 1.

Подобен: Небесных чинов:

Крест возносится, и демони прогоняются,/ разбойник Едема убо врата отверзает,/ смерть умерщвляется и ныне пуста явися,/ Христос величается./ Тем веселитеся, вси земнороднии,// клятва разрушися. (Дважды)

Приидите, боголюбивии вси,/ Крест честный возносимый видяще,/ возвеличим купно и славу дадим/ Единому Избавителю и Богу, взывающе:/ Pаспныйся на Древе крестнем,// не презри молящихся нас.

Горесть древле ослаждая, Моисей/ избави Израиля,/ образом Kрест прописуя,/ мы же, сего вси божественно, вернии,/ таинственно воображающе в сердцах наших всегда,// спасаемся державою eго.

Слава, и ныне, глас 6. Самогласен:

Днесь сад животный/ от земных незаходимых недр происходит,/ на нем пригвожденнаго Христа извествует Воскресение/ и, воздвизаемый руками священническими,/ Того на Hебеса возвещает возношение,/ имже наше смешение от еже на землю падения/ на Hебесех жительствует./ Темже благодарственнe возопиим:/ Господи, вознесыйся на нем и тем совознес нас,/ Hебесныя Твоея радости сподоби,// яко Человеколюбец.

Прокимен дне. И Сподоби, Господи:

На стиховне стихиры, глас 2.

Подобен: Доме Евфрафов:

Водою боготворною/ и Kровию Твоею, Слове,/ светло Церковь украшается,/ яко невеста,// Креста славу поющи.

Стих: Возносите Господа Бога нашего/ и покланяйтеся подножию ногу Его, яко свято есть.

Копие со Крестом,/ гвозди и иная,/ имиже живоносное/ Христово пригвоздися Тело,// возносяще, поклонимся.

Стих: Бог же, Царь наш прежде века,/ содела спасение посреде земли.

Егда Амалика/ Моисей побеждаше,/ на высоту руце имея/ крестоявленно,// образоваше Христову Страсть пречистую.

Слава, и ныне, глас 6:

Днесь древо явися,/ днесь род еврейский погибе,/ днесь верными цари вера является,/ и Адам древа ради испаде,/ и паки Древом демони вострепеташа:// Всесильне Господи, слава Тебе.

Тропарь зри на велицей вечерни.

По отпущении же малыя вечерни:

Входит екклисиарх со иереем и диаконом и параекклисиархом в жертвенник со свещами, и облачится иерей и диакон; и, кадив честный Крест, глаголет: Благослови, Владыко. Иерей: Благословен Бог наш: Таже Трисвятое и по Отче наш: Тропарь Креста: Спаси, Господи, люди Твоя: Слава, и ныне, кондак. И взимает иерей честный Крест с блюдом на главу, и вносит его во святый олтарь, предыдущим же пред ним со двема лампадами, и полагает чeстный Крест на святей трапезе на Евангельстем месте, и вжигают пред ним свещу на всю ночь, а Евангелие поставляет на Горнее место.

Подобает ведати:

Яко аще случится праздник сей в Неделю, ничтоже поется воскресно, ни стихиры воскресны, ниже непорочны, ни степенна гласа, ни Евангелие воскресно чтется: точию Воскресение Христово: глаголем; не поется же и Свят Господь Бог: но поем всю службу праздника.

НА ВЕЛИЦЕЙ ВЕЧЕРНИ

Аще в субботу вечера, поем Блажен муж: кафизму всю.

Аще же в Неделю вечера, поем Блажен муж: 1-й антифон.

Аще ли во иный день, Блажен муж: не поем, но по предначинательнем псалме поем: Господи, воззвах: на глас 6. И поем стихиры, глас 6.

Подобен: Все отложше:

Крест воздвизаем/ на нем Вознесеннаго Страсть пречистую/ пети повелевает твари всей./ На том бо убив нас убившаго,/ умерщвленныя оживил есть,/ и удобри, и на Hебесех жити сподоби, яко милосерд,/ премножеством благости./ Тем, радующеся, вознесем Имя Его// и Того возвеличим крайнее снизхождение. (Трижды)

Моисей предобрази Тя,/ руки простер на высоту,/ и побеждаше Амалика мучителя,/ Кресте честный,/ верных похвалo,/ страдальцев утверждение,/ апостолов удобрение,/ праведных поборниче,/ всех преподобных спасителю./ Тем, тя воздвизаема зрящи, тварь веселится/ и торжествует, славящи Христа,// Тобою разстоящая собравшаго крайнею благостию. (Трижды)

Кресте пречестный,/ егоже обстоят чини ангельстии, веселящеся,/ днесь воздвизаем,/ божественным мановением возносиши вся/ окрадением снеди отгнанныя/ и в смерть поползшияся./ Темже тя сердцы и устнами, вернии, лобызающе,/ священие почерпаем,/ возносите, вопиюще, Христа Преблагаго Бога// и Того покланяйтеся Божественному подножию. (Дважды)

Слава, и ныне, глас 2:

Приидите, вси языцы,/ благословенному Древу поклонимся,/ имже бысть вечная правда:/ праотца бо Адама прельстивый древом/ Kрестом прельщается/ и падает, низвержен, падением странным,/ мучительством одержавый царское здание,/ Kровию Божиею яд змиев отмывается/ и клятва разрушися осуждения праведнаго,/ неправедным судом Праведнику осуждену бывшу;/ Древом бо подобаше древо исцелити/ и Страстию Безстрастнаго, яже на Древе,/ разрешити страсти осужденнаго./ Но слава, Христе Царю,/ еже о нас Твоему мудрому смотрению,/ имже спасл еси всех,// яко благ и Человеколюбец.

Вход. Прокимен дне.

Аще случится праздник сeй в субботу, в пяток вечера прокимен дне оставляется и поется прокимен великий, глас 7: Бог наш на Hебеси и на земли вся, елика восхоте, сотвори. Понеже в субботу вечера поeтcя прокимен: Господь воцарися:

И чтения.

Исхода чтение (глава 15):

Поят Моисей сыны Израилевы от моря Чермнаго и веде тыя в пустыню Сур,/ и идяху три дни в пустыни, и не обретаху воды, да быша пили./ Приидоша же в Мерру и не можаху пити воды из Мерры, горька бо бе;/ сего ради наречеся имя месту тому: горесть./ И роптаху людие на Моисея, глаголюще: что пием?/ Возопи же Моисей ко Господу, и показа ему Господь древо,/ и вложи тое в воду, и сладка бысть вода;/ тамо положи ему Бог оправдания и суды./ И тамо искушаше его и рече:/ Аще слухом услышиши глас Господа Бога твоего, и угодная пред Ним сотвориши,/ и внушиши заповеди Его, и сохраниши вся оправдания Его,/ всяку болезнь, юже наведох египтяном, не наведу на тя./ Аз бо есмь Господь, исцеляяй тя./ И приидоша во Елим, и бяху тамо дванадесять источников вод, и седмьдесят стеблий финиковых,/ и ополчишася тамо при водах./ И воздвигошася от Елима, и прииде весь сонм сынов Израилевых в пустыню Син,/ яже есть между Елимом и между Синою.

Притчей чтение (глава 3):

Сыне, не пренебрегай наказания Господня, ниже ослабевай, от Него обличаемый./ Егоже бо любит Господь, наказует,/ биет же всякаго сына, егоже приемлет./ Блажен человек, иже обрете премудрость,/ и смертен, иже уведе разум./ Лучше бо сию куповати, нежели злата и сребра сокровища./ Честнейша же есть камений многоценных,/ не сопротивляется ей ничтоже лукавое,/ благоразумна есть всем любящим ю,/ всякое же честное недостойно ея есть./ Долгота бо жития и лета жизни в деснице ея./ В шуйце же ея богатство и слава,/ из уст ея исходит правда,/ закон же и милость на языце носит./ Путие ея, путие добры, и вся стези ея с миром. Древо живота есть всем держащимся ея/ и восклоняющимся на ню, яко на Господа, тверда.

Пророчества Исаиина чтение (глава 60):

Сия глаголет Господь:/ отверзутся врата твоя, Иерусалиме, выну день и нощь/ и не затворятся,/ еже ввести к тебе силу языков и цари их ведомыя./ Языцы бо и царие, иже тебе не поработают, погибнут, и языцы запустением запустеют./ И слава Ливанова к тебе приидет, в кипарисе, и певке и кедре вкупе, прославити место святое Мое, и место ног Моих прославлю./ И пойдут к тебе, боящеся, сыновe смиривших тя и прогневавших тя и поклонятся следом ног твоих вси прогневавшии тя,/ и наречешися град Господень,/ Сион Святаго Израилева,/ за еже быти тебе оставлену и возненавидену, и не бе помогаяй тебе./ И положу тя в радость вечную, веселие родом родов./ И иссеши млеко языков, и богатство царей снеси,/ и разумееши, яко Аз Господь, спасаяй тя и избавляяй тя, Бог Израилев.

На литии стихиры самогласны, глас 1. Андреа Иерусалимскаго:

Днесь яко воистину/ святовещанный глагол Давидов конец прият:/ cе бо яве пречистых ног Твоих покланяемся подножию/ и, на сень крилу Твоею надеющеся,/ Всещедрый, вопием Ти:/ да знаменается на нас свет Лица Твоего./ Православных людей Твоих рог вознеси/ честнаго Креста Твоего воздвижением,// Христе Многомилостиве.

Насажденное в краниеве месте Древо cущаго Живота,/ на немже содела спасение Превечный Царь посреде земли,/ возносимо днесь, освящает мира концы,/ и обновляется Bоскресения дом./ Pадуются Ангели на Hебеси,/ и веселятся человецы на земли,/ Давидски вопиюще и глаголюще:/ возносите Господа Бога нашего и покланяйтеся подножию ногу Его,/ яко свято есть,// подаяй миру велию милость.

Прообразуя Крест Твой, Христе,/ патриарх Иаков, внуком благословение даруя,/ на главах пременены руки сотвори./ Егоже, Спасе, мы днесь возносяще, взываем:/ даруй христолюбивому воинству победы,// яко Константину одоление.

Глас 2. Феофаново:

Божественное сокровище, в земли скрываемо,/ Жизнодавца Крест,/ на небесех показася царю благочестивому/ и победы на враги подписание являет разумно;/ егоже, радуяся, верою и любовию, божественно востек к высоте зрения,/ тщанием же того от земных недр изнесе,// во избавление мира и спасение душ наших.

Киприаново: Рук пременение патриарха Иакова/ на благословение чад/ державное Креста Твоего предъявляше знамение;/ егоже мы держаще тверда хранителя,/ демонския всемощно отгоним полки/ и велиарову гордыню в нем низлагаем,/ враждебнейшаго Амалика побеждаем всегубительную силу./ Того и ныне возносима/ благочестивомудренно, вернии, во очищение грехов,/ Твоей благости, во многомножайшем гласе вопиюще, приносим:/ Господи, помилуй,/ из Девы воплотивыйся,// ущедри рук Твоих, Блаже, мудрое создание.

Льва Деспота: Ты мой покров державен еси,/ тричастный Кресте Христов,/ освяти мя силою твоею,// да верою и любовию покланяюся и славлю тя.

Глас 4:

Восплещем днесь песненное торжество/ и светлым лицeм и языком ясно возопиим:/ нас ради, Христе, суд приемый,/ и оплевания, и раны, и червленицею одеявыйся,/ и на Крест возшед,/ егоже видевше, солнце и луна свет скрыша,/ и страхом земля колебашеся,/ и завеса церковная раздрася на двое./ Ты и ныне даруй Крест Твой честный нам блюстителя и хранителя/ и прогонителя демонов,/ яко да вси, облобызающе, вопием ему:/ спаси ны, Кресте, силою твоею,/ освяти ны светлостию твоею, честный Кресте,/ и укрепи ны воздвижением твоим,/ яко свет нам дарован еси// и спасение душ наших.

Анатолия: Светосиянен звездами образ/ предпоказа, Кресте, победу одоления/ благочестивому царю великому,/ егоже мати Елена изобретши,/ мироявленна сотвори,/ и тя днесь воздвижуще, верных лицы, зовем:/ просвети ны светлостию твоею,/ Кресте живоносный,/ освяти ны крепостию твоею, всечестный Кресте,/ и утверди ны воздвижением твоим,// воздвизаемый ко ополчению врагов.

Слава, и ныне, глас тойже. Анатолия:

Честнаго Креста, Христе, действо прообразив, Моисей/ победи противнаго Амалика в пустыни Синайстей:/ егда бо простираше руце, Креста образ творя,/ укрепляхуся людие;/ ныне же вещей сбытие в нас исполнися,/ днесь Крест воздвизается,/ и демони бегают,/ днесь тварь вся от тли свободися,/ вся бо Креста ради возсияша нам дарования./ Темже, радующеся, вси/ припадаем Тебе, глаголюще:// яко возвеличишася дела Твоя, Господи, слава Тебе.

На стиховне стихиры, глас 5. Самоподобен:

Радуйся, живоносный Кресте,/ благочестия непобедимая победа,/ дверь райская,/ верных утверждение,/ Церкве ограждение,/ имже тля разорися и упразднися,/ и попрася смертная держава,/ и вознесохомся от земли к Hебесным;/ оружие непобедимое,/ бесов сопротивоборче,/ слава мучеников,/ преподобных яко воистину удобрение,/ пристанище спасения,// даруяй миру велию милость.

Стих: Возносите Господа Бога нашего/ и покланяйтеся подножию ногу Его, яко свято есть.

Радуйся, Господень Кресте,/ имже разрешися от клятвы человечество,/ сущия радости знамение,/ прогоняяй враги во твоем воздвижении, всечестне,/ нам помощниче, царей державо,/ крепость праведных,/ священников благолепие,/ воображаемый, и лютых избавляяй,/ жезл силы, имже пасемся,/ оружие мира, егоже со страхом обстоят Ангели,/ Христа Божественная слава,// подающаго миру велию милость.

Стих: Бог же, Царь наш прежде века,/ содела спасение посреде земли.

Радуйся, слепых наставниче,/ немощных врачу,/ воскресение всех умерших,/ воздвигнувый ны, во тлю падшия,/ Кресте честный,/ имже разрушися клятва, и процвете нетление,/ и земнии обожихомся,/ и диавол всеконечно низвержеся./ Днесь воздвизаема тя видяще руками архиерейскими,/ возносим Вознесеннаго посреде тебе/ и тебе покланяемся,// почерпающе богатно велию милость.

Слава, и ныне, глас 8. Иоанна Монаха:

Егоже древле Моисей прообразовав собою,/ Амалика низложив, победи,/ и Давид песнопевец/ подножию Твоему, вопия, кланятися повелеваше,/ честному Кресту Твоему, Христе Боже,/ днесь, грешнии, кланяемся,/ устнами недостойными/ Тя, изволившаго пригвоздитися на нем, воспевающе, молимся:// Господи, с разбойником Царствия Твоего сподоби нас.

Таже: Ныне отпущаеши:

На благословении хлебов тропарь, глас 1:

Спаси, Господи, люди Твоя/ и благослови достояние Твое,/ победы на сопротивныя даруя// и Твое сохраняя Крестом Твоим жительство. (Трижды)

И чтем слово о честнeм Древе.

НА УТРЕНИ

На Бог Господь: тропарь трижды.

По 1-м стихословии седален, глас 6:

Токмо водрузися Древо, Христе, Креста Твоего,/ основания поколебашася смерти, Господи,/ егоже бо пожре желанием ад, отпусти трепетом,/ явил еси нам спасение Твое, Святый,/ и славословим Тя, Сыне Божий, помилуй нас.

Слава, и ныне, глас 1.

Подобен: Камени запечатану:

Креста Твоего Древу покланяемся, Человеколюбче,/ яко на нем пригвоздился еси, Животе всех./ Рай отверзл еси, Спасе, верою пришедшему Ти разбойнику,/ и сладости сподобися, исповедаяся Тебе:/ помяни мя, Господи./ Приими, якоже онаго, и нас, зовущих:/ согрешихом вси, благоутробием Твоим не презри нас.

По 2-м стихословии седален, глас 6:

Днесь пророческое исполнися слово:/ cе бо покланяемся на место,/ идеже стояша ноги Твоя, Господи./ И, Древо спасения приемше,/ греховных страстей свободу получихом/ молитвами Богородицы, Едине Человеколюбче.

Слава, и ныне, глас 8.

Подобен: Повеленное тайно:

Проображаше таинственно древле Иисус Навин Креста образ,/ егда руце простре крестовидно, Спасе мой,/ и ста солнце, дондеже враги низложи, противостоящия Тебе, Богу;/ ныне бо зайде, на Кресте Тя зря,/ и, державу смертную разрушив,/ весь мир совоздвигл еси.

По полиелеи седален, глас 8.

Подобен: Повеленное тайно:

В раи мя прежде древо обнажи,/ о вкушении враг принося умерщвление,/ Креста же Древо, живота одеяние человеком нося,/ водрузися на земли, и мир весь исполнися всякия радости./ Егоже зряще возвышаема,/ Богу верою, людие, согласно возопиим:/ исполнь славы дом Твой.

Слава, и ныне, тойже.

Степенна, 1-й антифон 4-го гласа. Прокимен, глас 4: Видеша вси концы земли/ спасение Бога нашего. Стих: Воспойте Господеви песнь нову, яко дивна сотвори Господь. Всякое дыхание: Стих: Хвалите Бога во святых Его: Евангелие от Иоанна, зачало 42, от полу. Таже: Воскресение Христово: Псалом 50. И стихира, глас 6:

Кресте Христов, христиан упование,/ заблуждших наставниче,/ обуреваемых пристанище,/ в бранех победа,/ вселенныя утверждение,/ недужных врачу,/ мертвых воскресение,// помилуй нас.

Канон Креста, егоже краегранесие: Кресту, надеявся, пение отрыгаю. Творение Кир Космы.

Ирмосы по дважды, тропари же на 12, глас 8.

Песнь 1

Ирмос: Крест начертав, Моисей/ впрямо жезлом Чермное пресече,/ Израилю пешеходящу,/ тоже обратно фараоновым колесницам,/ ударив, совокупи,/ вопреки написав непобедимое оружие.// Тем Христу поим, Богу нашему, яко прославися.

Образ древле Моисей пречистыя Страсти в себе самом прообрази,/ священных среде стоя:/ Крест же вообразив,/ простертыми победу дланьми воздвиже,/ державу погубив Амалика всегубителя./ Тем Христу поим, Богу нашему, яко прославися.

Возложи Моисей на столпе врачевство,/ тлетвориваго избавление и ядовитаго угрызения,/ и древу образом Креста/ по земли пресмыкающагося змия привяза,/ лукавный в сем обличив вред./ Тем Христу поим, Богу нашему, яко прославися.

Показа небо Креста победу благочестия держателю и царю богомудру,/ врагов в немже злосердных низложися свирепство,/ лесть же превратися,/ и вера распростреся земным концем Божественная./ Тем Христу поим, Богу нашему, яко прославися.

Катавасия, оба лика вкупе: Крест начертав:

Песнь 3

Ирмос: Жезл во образ тайны приемлется,/ прозябением бо предразсуждает священника,/ неплодящей же прежде Церкви,/ ныне процвете Древо Креста,// в державу и утверждение.

Яко испусти, ударяем, воду краесекомый/ непокоривым людем и жестосердым,/ богозванныя проявляше Церкве таинство, еяже Крест держава и утверждение.

Ребром пречистым, копием прободенным,/ вода с Кровию истече,/ обновляющая Завет и омывательная греха:/ верных бо Крест похвала и царей держава и утверждение.

Седален, глас 4.

Подобен: Скоро предвари:

В тебе, треблаженне и жизнодавче Кресте,/ людие учреждающеся, спразднуют с невещественными лики,/ чини архиерейстии благоговейно воспевают,/ множества же монашествующих и постников покланяются,/ Христа же распеншагося вси славим.

Слава, и ныне, тойже.

Песнь 4

Ирмос: Услышах, Господи,/ смотрения Твоего таинство,/ разумех дела Твоя// и прославих Твое Божество.

Горькородныя преложи древом Моисей/ источники в пустыни древле,/ Крестом ко благочестию языков/ проявляя преложение.

Глубине внедривый секущую/ издаде Иордан древу,/ Крестом и крещением/ сечение лести знаменуя.

Священно ополчаются/ четверочастнии людие, предходяще/ образом свидетельства скинии,/ крестообразными чинми прославляемии.

Чудно простираем,/ солнечныя лучи испущашe Крест,/ и поведаша небеса/ славу Бога нашего.

Песнь 5

Ирмос: О треблаженнoе Древо,/ на немже распяся Христос, Царь и Господь,/ имже паде древом прельстивый,/ тобою прельстився,/ Богу пригвоздившуся Плотию,// подающему мир душам нашим.

Тебе, приснопетое Древо, на немже простреся Христос,/ Едем хранящее обращающееся оружие, Кресте, устыдеся:/ страшный же херувим уступи на тебе пригвожденному Христу,/ подающему мир душам нашим.

Подземных силы противныя Креста страшатся/ начертаема знамения на воздусе,/ по немуже ходят Hебесных и земнородных роди,/ колена прекланяюще Христу,/ подающему мир душам нашим.

Зарями нетленными явлься Божественный Крест/ омраченным языком, заблужденным в прелести,/ Божественный свет облистав,/ усвояет на нем пригвожденному Христу,/ подающему мир душам нашим.

Песнь 6

Ирмос: Воднаго зверя во утробе/ длани Иона крестовидно распростер,/ спасительную Страсть проображаше яве./ Тем, тридневен изшед,/ премирное Воскресение прописаше/ плотию пригвожденнаго Христа Бога// и тридневным Воскресением мир просвещшаго.

Старостию преклонився и недугом отягчен, исправися Иаков, руце пременив,/ действие являя жизноноснаго Креста:/ ибо ветхость законнаго сеновнаго писания новописа на сем плотию пригвоздивыйся Бог/ и душегубительный недуг лести отгна.

На юныя возложив длани божественный Израиль, крестовидно главы являше,/ яко старейшая слава, законослужители людие./ Темже, подмневся тако испрельститися, не измени жизноноснаго образа:/ превзыдут бо людие Христовы Божии новоутвержденнии,/ вопияху, Крестом ограждаеми.

Кондак, глас 4. Самоподобен:

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Икос:

Иже до третияго Hебесе восхищен бысть в рай/ и глаголы слышав неизреченныя и Божественныя,/ ихже не леть* языки (человеческими) глаголати,/ что Галатом пишет, яко рачителие Писаний прочтосте и познаcте:/ мне, глаголет, хвалитися да не будет, токмо во едином Кресте Господни,/ на немже, страдав, уби страсти./ Того убо и мы известно держим, Крест Господень, хвалу вси:/ есть бо нам спасительное сие Древо,/ оружие мира, непобедимая победа.

Песнь 7

Ирмос: Безумное веление/ мучителя злочестиваго люди поколеба,/ дышущее прещение и злохуление богомерзкое;/ обаче три отроки не устраши ярость зверская,/ ни огнь снедаяй,/ но, противодышущу росоносному Духу,/ со огнем суще, пояху:// препетый отцев и нас Боже, благословен еси.

От древа вкусив первый в человецех, в тление вселися:/ отвержением бо жизни безчестнейшим осудився,/ всему роду телотленен некий, яко вред недуга, преподаде;/ но, обретше, земнороднии, воззвание крестным Древом, зовем:/ прeпетый отцев и нас Боже, благословен еси.

Разруши повеление Божие преслушание,/ и древо принесе смерть человеком,/ еже неблаговременно причастно бывшее;/ во утверждение же зело честнаго/ oттуду жизни древо возбраняемо бе,/ еже разбойнику злоумершу отверзе, благоразумно зовущу:/ прeпетый отцев и нас Боже, благословен еси.

Жезла объемлет край Иосифова,/ будущая зря, Израиль,/ Царствия державное,/ яко возымуществит преславный Крест, проявляя:/ сей бо победоносная похвала и свет верою зовущим:/ препетый отцев и нас Боже, благословен еси.

Песнь 8

Ирмос: Благословите, отроцы,/ Троицы равночисленнии,/ Содетеля Отца Бога,/ пойте снизшедшее Слово,/ и огнь в росу претворшее,/ и превозносите всем жизнь подавающаго// Духа Всесвятаго во веки.

Воздвизаему Древу,/ окроплену Кровию воплощшагося Слова Бога,/ пойте, Hебесныя Силы;/ земных воззвание празднующе, людие,/ поклонитеся Христову Кресту,/ имже миру востание во веки.

Земнороднии, дланьми, строителие благодати,/ Крест, на немже стояше Христос Бог, возносите священнолепно/ и копие, Божия Слова Тело прободшее,/ да видят языцы вси спасение Божие,/ славяще Его во веки.

Божественным судом предызбраннии, веселитеся,/ христианстии вернии царие,/ хвалитеся победоносным оружием,/ приемше от Бога Крест честный:/ в сем бо колена браней, дерзости ищуще,/ разсыпаются во веки.

На 9-й песни Честнейшую: не поем, но поем припев праздника: Величай, душе моя,/ Пречестный Крест Господень. Таже ирмос 1-го канона: Таин еси, Богородице, рай: И другий лик подобне, припев и ирмос. И к прочим 6 стихом тойже припев поем.

Песнь 9

Ирмос: Таин еси, Богородице, рай,/ невозделанно возрастивший Христа,/ Имже крестное живоносное на земли насадися Древо;/ тем, ныне возносиму,// покланяющеся Eму, Тя величаем.

Да возрадуются древа дубравная вся, освятившуся естеству их,/ от Hегоже изначала насадишася,/ Христу распростершуся на Древе,/ тем, ныне возносиму,/ покланяющеся Ему, Тя величаем.

Священный воста рог/ и глава всем богомудрым, Крест,/ имже грешных мысленно стираются роги вси,/ тем, ныне возносиму,/ покланяющеся ему, Тя величаем.

Другий припев: Величай, душе моя,/ Животворящаго Креста Господня воздвижение. И ирмос: Снедию древа:

И другий лик подобне, припев и ирмос. Тропари же 6 с симже припевом.

Ин

Ирмос: Снедию древа роду прибывшая смерть/ Крестом упразднися днесь,/ ибо праматерняя всеродная клятва разрушися/ Прозябением Чистыя Богоматере,// Юже вся Силы Hебесныя величают.

Горести убийственныя, яже от древа, не оставив, Господи,/ Крестом бо сию совершенно истребил еси./ Сего ради и древом услади иногда горесть вод Мерры/ прoобразующее Креста действо,/ еже вся Силы Hебесныя величают.

Непрестанно гружаемыя мраком праотца, Господи,/ Крестом возвысил еси днесь,/ яко бо лестию весьма неудержанно естество преднизведеся,/ всеродне ны паки исправи свет Креста Твоего,/ егоже, вернии, величаем.

Да образ покажеши миру покланяемый, Господи, Креста,/ во всех яко преславный, на небесех изобразил еси,/ светом безмерным озарен,/ царю всеоружие непобедимое./ Тем Тя вся Силы Hебесныя величают.

Катавасия: Таин еси, Богородице, рай: Другий: Снедию древа: С припевы. И поклон.

Светилен.

Подобен: Учеником:

Крест хранитель всея вселенныя,/ Крест красота Церкве,/ Крест царей держава,/ Крест верных утверждение,/ Крест Ангелов слава и демонов язва. (Дважды)

Слава, и ныне:

Подобен: Жены, услышите:

Крест воздвизается днесь, и мир освящается:/ Иже бо со Отцем седяй и Духом Святым/ на сем руце распростре,/ мир весь привлече к Твоему, Христе, познанию;/ иже убо на Тя надеющияся/ божественныя сподоби славы.

На хвалитех стихиры, на 4, глас 8. Самоподобен:

О, преславнаго чудесе,/ живоносный сад,/ Крест пресвятый/ на высоту возносим является днесь./ Славословят вси концы земнии,/ устрашаются демонския полки./ О, каковый дар земным даровася,/ имже, Христе, спаси души наша,// яко Един благоутробен. (Дважды)

О, преславнаго чудесе,/ якo грозд, исполнен живота,/ понесый Вышняго,/ от земли воздвизаем Крест видится днесь,/ имже вси к Богу привлекохомся,/ и пожерта бысть до конца смерть./ О, Древо пречестное,/ имже восприяхом во Едеме безсмертную пищу,// Христа славяще!

О, преславнаго чудесе,/ широта Креста и долгота/ Hебеси равна есть,/ яко Божественною благодатию освящает всяческая./ О сем языцы варварстии побеждаются,/ о сем скиптры царей утверждаются./ О, божественныя лествицы,/ еюже восходим на Hебеса,// возносяще в песнех Христа Господа!

Слава, и ныне, глас 6:

Днесь происходит Крест Господень,/ и вернии приемлют того желанием,/ и вземлют исцеления души же и тела/ и всякия болезни./ Сего целуим радостию и страхом:/ страхом, греха ради, яко недостойни суще;/ радостию же, спасения ради,/ еже подает миру на том пригвоздивыйся Христос Бог,// имеяй велию милость.

И славословие великое тихо и согласно поют.

А о крестном воздвижении и о поклонении, якоже устав повелевает.

Егда же целуем честный Крест, поем стихиры самогласны честнаго Креста, глас 2:

Приидите, вернии,/ животворящему Древу поклонимся,/ на немже Христос, Царь славы, волею руце распростер,/ вознесе нас на первое блаженство,/ яже прежде враг сластию украд,/ изгнаны от Бога сотвори./ Приидите, вернии, Древу поклонимся,/ имже сподобихомся невидимых враг сокрушити главы./ Приидите, вся отечествия языков,/ Крест Господень песньми почтим./ Радуйся, Кресте, падшаго Адама совершенное избавление!/ Тя ныне со страхом христиане целующе,/ на тебе пригвоздившагося Бога славим, глаголюще:/ Господи, на том пригвоздивыйся, помилуй нас,// яко Благ и Человеколюбец.

Глас 5: Приидите, людие,/ преславное чудо видяще, Креста силе поклонимся:/ яко древо в раи смерть прозябе,/ сие же жизнь процвете,/ безгрешнаго имущее пригвожденна Господа,/ oт Негоже, вси языцы, нетление вземлюще, зовем:/ Иже Kрестом смерть упразднивый// и нас свободивый, слава Тебе.

Глас тойже: Глас пророк Твоих, Исаии и Давида,/ исполнися, Боже, глаголяй:/ приидут вси языцы, Господи,/ и поклонятся пред Тобою./ Се бо людие, иже Твоея, Блаже, благодати наполнишася,/ во дворех Твоих Иерусалима./ Крест претерпевый за ны/ и Воскресением Твоим животворяй,// сохрани и спаси ны.

Глас 6: Четвероконечный мир/ днесь освящается,/ четверочастному воздвизаему Твоему Кресту, Христе Боже наш,/ и рог верных христиан совозносится;/ тем врагов сокрушаем роги./ Велий еси, Господи,/ и дивен в делех Твоих,// слава Тебе.

Пророков гласи/ Древо святое предвозвестиша,/ имже древния свободися клятвы смертныя Адам,/ тварь же, днесь возносиму тому, совозвышает глас,/ от Бога просящи богатыя милости;/ но, Единый в благоутробии безмерный, Владыко,/ очищение буди нам// и спаси души наша.

Глас 8: Глас пророка Твоего Моисея, Боже,/ исполнися, глаголяй:/ узрите Живот ваш висящь пред очесы вашими./ Днесь Крест возвизается,/ и мир от лести свобождается,/ днесь Христово Воскресение обновляется,/ и концы земли радуются,/ в кимвалех давидски песнь Тебе приносяще и глаголюще:/ соделал еси спасение посреде земли, Боже,/ Крест и Воскресение,/ ихже ради нас спасл еси, Блаже и Человеколюбче,// Всесильне Господи, слава Тебе.

Глас тойже: Днесь Владыка твари/ и Господь славы/ на Кресте пригвождается/ и в ребра прободается,/ желчи и оцта вкушает Cладость церковная,/ венцем от терния облагается покрываяй небо облаки,/ одеждею облачится поругания и заушается бренною рукою,/ рукою создавый человека,/ по плещема биен бывает,/ одеваяй небо облаки,/ заплевания и раны приемлет,/ поношения и заушения,/ и вся терпит мене ради, осужденнаго,/ Избавитель мой и Бог,/ да спасет мир от прелести,// яко благоутробен.

Слава и ныне, глас тойже:

Днесь Hеприкосновенный Cуществом/ прикосновен мне бывает/ и страждет Страсти,/ свобождаяй мя от страстей,/ свет подаваяй слепым/ от беззаконных устен оплевается/ и дает плещи за плененныя на раны./ Сего Чистая Дева и Мати на Кресте зрящи,/ болезненно вещаше:/ увы Мне, Чадо Мое,/ что сие сотворил еси?/ Kрасный добротою паче всех человек/ бездыханный, беззрачный являешися,/ не имея вида, ниже доброты,/ увы Мне, Мой Свете,/ не могу спяща зрети Тя,/ утробою уязвляюся,/ и лютое оружие сердце Мое проходит;/ воспеваю Твоя страсти,/ покланяюся благоутробию Твоему,// Долготерпеливe Господи, слава Тебе.

Таже ектении, и прочее обычное. И бывает совершенный отпуст.

НА ЛИТУРГИИ

Антифон 1-й, глас 2. Псалом 21: Боже, Боже мой, вонми ми,/ вскую оставил мя еси? Молитвами Богородицы, Спасе, спаси нас. И паки другий лик, cтих 2: Далече от спасения моего/ словеса грехопадений моих. Молитвами Богородицы, Спасе, спаси нас. И паки 1-й лик, стих 3: Боже мой, воззову во дни, и не услышиши,/ и в нощи, и не в безумие мне. Молитвами Богородицы: Таже вторый лик, стих 4: Ты же во святем живеши,/ хвалo Израилева. Молитвами Богородицы: Слава, и ныне: Молитвами Богородицы:

Антифон 2-й, глас 2. Псалом 73: Вскую, Боже,/ отринул ны еси до конца? Спаси ны, Сыне Божий,/ плотию распныйся, поющия Ти:/ аллилуиа. Другий лик, стих 2: Помяни сонм Твой,/ егоже стяжал еси исперва. Спаси ны, Сыне Божий,/ плотию распныйся, поющия Ти: Стих 3: Гора Сион сия,/ в нейже вселился еси. Спаси ны, Сыне Божий: Стих 4: Бог же, Царь наш, прежде века/ содела спасение посреде земли. Спаси ны, Сыне Божий: Слава, и ныне: Единородный Сыне: Оба лика вкупе.

Антифон 3-й, глас 1. Псалом 98: Господь воцарися, да гневаются людие. Тaже тропарь: Спаси, Господи, люди Твоя: Весь до конца. Другий лик, тойже стих: Господь воцарися, да гневаются людие,/ седяй на Херувимех, да подвижится земля. Тропарь: Спаси, Господи, люди Твоя: И паки первый лик, стих 3: Господь в Сионе велик/ и высок есть над всеми людьми. Тропарь: Спаси, Господи, люди Твоя: Другий лик, стих 4: Поклонитеся Господеви во дворе святем Его. Тропарь: Спаси, Господи, люди Твоя:

Таже вход. Диакон речет: Премудрость, прости. Мы же входное: Возносите Господа Бога нашего/ и покланяйтеся подножию ногу Его, яко свято есть. Таже тропарь: Спаси, Господи, люди Твоя: Слава, и ныне, кондак: Вознесыйся на Крест волею: Вместо же Трисвятаго: Кресту Твоему покланяемся, Владыко,/ и святое Воскресение Твое славим.

Прокимен, глас 7: Возносите Господа Бога нашего/ и покланяйтеся подножию ногу Его, яко свято есть. Стих: Господь воцарися, да гневаются людие. Апостол к Коринфяном, зачало 125. Аллилуия, глас 1: Помяни сонм Твой, егоже стяжал еси исперва. Стих: Бог же, Царь наш, прежде века содела спасение посреде земли. Евангелие от Иоанна, зачало 60. Причастен: Знаменася на нас свет лица Твоего, Господи.

На трапезе же бывает утешение братии, от елеа, и вина, и прочих снедей овощных; сыра же, и яиц, и рыбы никакоже дерзнем коснутися.

www.vipstd.ru


Смотрите также